نُشرعلى كل أوراق الشجر في الغابة ما يلي:
النبأ الأول: الأرنب الجميل اللي كل الحيوانات بيحبوه عدّت سحلية على رقبته وهو سرحان، نام وصحّي وتحول الى سحلفاة، يا لهوووووييييي
النبأ التاني: الفراشة جاتلها صدمة نفسية لماّ عرفت انها حشرة مش طير زي ما كانوا مفَهمينها، يا حبيبتي يا فراشة ربنا معاكي
النبأ التالت والأخير: التور الأحمر الناري خطف الغزالة الجميلة ومش عارفين هايروح بيها على فين، يا تلحقوها يا متلحقوهاش
استكمال
الفراشة يا عيني من الصدمة افتكرت نفسها خفّاش (عشان تتلزق في الطيور برضو)، المهم بتخرخ بس في الليل وتختفي في النهار، مع إن الفراشات بتحب النور وبتجري علىه وعلى الأزهار المتفتحة في ضوء الصباح. ادعولها ربنا يشفيها ويرجعلها مخها النمنم.
جميل يا ست نعامة انك بتحكيلنا حكايات الغابة بصورة اكتر من الأول:)
ردحذفكان في الأول بتقطعي عنا الأخبار و منعرفش ايه اللي بيجرى في الغابة :(
يا جماعة كلنا حيوانات، بلاش التفرقة دي. يعني ما هو أنا ممكن أقول على نفسي من الثديات، أو حتى الرئيسيات، بس حنكسب إيه يعني؟ فكروا في الوحدة الحيوانية في مواجهة الاستبداد اللي حاصل في الغابة.
ردحذفالله الله الله.. إنتوا هتَتَّحدوا مع بعض ضدّ النباتات؟
ردحذفطيب والبكتيريا العظيمة التي تغذّينا بالڤيتامينات
وتقصف عمر المفترين من الثديّيات؟
بلاش مبدأ أنا وأخويا على ابن عمّي
وأنا والحيوان على النبات
وأنا والولاد على البنات
خلّينا معاً في وحدة كونيّة
لو لم أكُن إنساناً لوددتُ أن أكون....؟
ثم يا ستّ نعامة...
ردحذفهذه التدوينة محتاجة إلى
password
بس :-)
ـ
!أخبار مزعجة بالفعل
ردحذفترى من هو المسئول عن إثارة الفتنة بين حيوانات الغابة المستقرة منذ عشرات السنين؟
لابد من الإمساك به و معاقبة من ينشر مثل هذه الأنباء
يا ست نعامه مالك انتى و مال السياسه ، علشان تنشر معلومات خطيرة زى دى
ردحذف... طيب شفتى الدكتور بيتهمك بايه دلوقت
لا لا
ردحذفانا لاسمح بتزييف الحقائق دى ، يا فراشة قلنا انك مش عضوة في اتحاد الطيور .. انت في نقابة الحشرات
معلهش لازم نحافظ على المقامات
أولادي وأصدقائي الحيوانات والطيور وكمان الحشرات وكل حاجة عايشة على الأرض:-) مافيش فتنة ولا حاجة أرجوكم لا تحاولوا أن تنشروا الكلام الفاضي ده في الغابة الهادئة الجميلة، وبعدين الأخبار ديه مش قوية اوي بالنسبة للعالم الخارجي، خلينا ساكتين أرجوكم.
ردحذفخناقة ويشبعوا فيها "نط"! يا فراشة! الرقابة تعترض حفاظا على النظام العام، ومشاعر الأبرياء الحساسة.
ردحذفيا مندوب، أرجوك بلاش بذائة لو سمحت، فعل نطّ ينُط تنطيط، ده من أفعال الحركة في الغابة، بعدين صديقي الكانغارو بيحب ينُط طول النهار والليل، وكمان الأرانب كلها برضه، اذاً أرجوك لا تخلط الأفعال.
ردحذفاسمعوا يا أولاد من ابوكو الغراب:
ردحذفالحمد لله الذي جعل في بلادنا غابة ولم يرزقنا فقط بالزرايب والجبلايات. بس يا ترى التور والغزالة ممكن يخلّفوا لنا إيه؟
تور مغزول وغرالة مطيورة
ردحذفهاهاهاها...
ردحذفأضحكتونى، أد كده الأشاعات ممكن تنتشر عن طريق الشبكة العنكبوتية اللى متشعلقين على أطرافها حيوانات و حشرات و طيور مختلفة، كل واحد بيبص على جهاز يسموه البشر حاسوب آلى طالع موضة اليومين دول و فى منه محمول كمان، و كل واحد فى بقعة مختلفةتماماً عن الآخر فى هذه الغابة الكبيرة.
بالنسبة للأنباء الواردة من الست نعامة:
أرنوب: حتى لو تحولت لسلحفاة، برضه هنفضل نحبك.
فراشة: لأ يا فراشة ما تخديش موضوع الحشرة ده بحساسية، احنا عايزينك دايماً فراشة حلوة صغيرة و مفرفشة، و خلينا بعيد عن الخفاش. على فكرة يا نعامة فى واحد صاحبنا تانى يليق يلعب دور الخفاش المتنكر فى الروب البنفسجى، معايا؟
أما بالنسبة للاشاعات عن الغزالة، دى اشاعة مغرضة يا جماعة، طبعاً فى حيوانات كتيرة بتحاول تصطاد الغزالة، ولكن الغزالة برشاقتها المعهودة فى حالة كر و فر دائم، ولكن المناورات زايدة اليومين دول، هو ده الموضوع.
معاكي يا غزغز في حكاية الخُفاش ديه وموافقاكي كمان، وأفتكر الزحلف المتزحلف برضو معاكي في الموضوع ده :-)
ردحذفبالنسبة للمناورات اليومين دول أفتكر انك بتحاولي تهربي من الحقيقة وان التور الأحمر الناري فعلاً خطفك يا غزغز يا جميلة، ولا تنكري، انت دلوقتي بتتكلمي من الحبس ولا منين؟
نعنع يا متدلع ذات الرجلين الطويلة:
ردحذفلسه ما دخلتش الحبس، زى ما انتى عارفة الغزالة بتحب الحرية و الانطلاق، ولسه الموضوع رجل بره و رجل جوه المركبة الفضائية اللى نزل منها الكائن الفضائى اللى عايز يخطفنى.
التور خرج يجرى مصارعاً بحثاً عن اللون الأحمر فى حلبة المصارعة، انتى عارفانى لا أحب الحيوانات التى تنفعل بسرعة.
أنا دلوقتى فى حبسى المؤقت أمام الشاشة، و ساعات قليلة سأقابلك يا نعامتى و نجرى شوية مع الفرخة صاحبتنا, مش تييجى فرخة برضه؟
أيوة صحيح، تيجي فرخة، أنا معاكو :-))
ردحذفأ -> س
وقد وصل المتحولون من الألف الى السين :-)
ردحذفسلام ياشباب وصبايا هذا موقه هسهسه
ردحذفادخلو وان شاء الله تهسهسو صح
www.hsahsah.com لايفوتكم هسهسه فيه
أنواع الصياعه والهسهسه