طول عمري أعرف ان القصة اسمها "ذات الرداء الأحمر"، وبتحكي عن بنت صغيرة أكل الذئب جدتها ونام في سريرها عشان ياكل ذات الرداء الأحمر وللقصة بقية مش هاحكيها دلوقتي.
المهم إذ بي اكتشف ان القصة معروفة عند الناس باسم تاني وهو "ليلى والذئب" !!!اشمعنى ليلى يعني؟؟ مين ليلى ديه؟
ماعلينا، وصلتني رسالة على التليفون المحمول عن ليلى والذئب دول بتقول ايه بقى:
"رأت ليلى الذئب في الغابة وراء شجرة. قالت له: انت الذئب؟ قال: نعم. ثم رأته خلف ضخرة، فقالت له: انت الذئب؟ قال لها بانزعاج: نعم. ثم رأته في مغارة بعيدة، فصرخ وقال: ايوة، أنا الزفت، هو الواحد مايعرفش يعمل تواليت في أم الغابة دي!!!"
طبعا هى المفروض نكتة، بس ليه يا ليلى كده تزعلي الذئب منك وتخليه يطفش من الغابة؟ لأ زعلت منك قوي بقى.
بجد بفرح كتير باغلب المواضيع اللي بتكتبيها يانعامه واضفت رابط لصفحتك في صفحتى عموما ياستي غريب انك مش عارفه ان اسمها ليلى في الزمنات القديمه محمد ضياء الدين ونسرين وهي طفله عملوا شريط وكان بيقول ..
ردحذفيحكى ان ..
ان ايه
ليلى كانت
كانت ايه
رايحه مره لجدتها
شايله معاها سلتها
بس ياخساره
خساره ليه
وقفت في الحاره
علشان ايه
تضحك وتلعب ويا صحابها
حاجه زي كده وكانت في نفس شريط البلونه الحمرا
بجد ما تقطعيش في انك تبعتي لنا ولا تزهئي بنستني بجد حكاياتك ..فخليكي معانا يانعامه ع الخط
شكرا يا أنونيموس..فاتني بقى شريط محمد ضياء ونسرين ده..وعمري برضو ما سمعت عنه يظهركنت طفلة متأخرة شوية...مش عارفة أنا شريط البلونة الحمرا ده كمان. يا ترى لسه موجود في السوق؟
ردحذفمساء الخير يانعامه ولا صباح الخير الدنيا ملخبطه الايام دي شويه شوفي ياستي بالنسبة للبالونه الحمرا لقيت رابط فيه الاغنيه
ردحذفhttp://www.6rbtop.com/song.php?album_id=714&artist_id=643
وللتوضيح انت مش متاخره بس سبقتي سنك وانا اللي لحد النهارده جنب التسجيل واغاني الاطفال شغاله
:)
أنا عارف الأغنية دي، سمعتها زمان برضو!
ردحذفو كتب الأطفال ال شفتها كانت أحيانا بتقول "ليلى" و أحيانا "ذات الرداء الأحمر".
يا بنانيت الموضوع اسهل من كده, اسم القصه بالانجليزي ذات الرداءالاحمر و لما اترجمت للعربي طبعاُ كعاده العرب في ذالك الوقت عربوا اسم الطفله الي ليلي عشان يعني يبقي اقرب الي سيكولوجيت الطفل العربي.ـ
ردحذفمستهيألي دة الاسم اللي كان شايع إياميها .. لو كانت الحدوتة دلوقت كانت اتسمت "نانسي والذئب"!
ردحذفاه ذات الرداء الاحمر ... و الذئب و ليلي ...
ردحذفنكته حلوه
كل يبكي علي ليلاه
انتوك
الظريف يا نعامة أن بعد تدوينتك دي بأكثر من أسبوع ظهرت حملة عنوانها "كلنا ليلى" أنا مش عارف موضوعها بالضبط لكن يبدو أن الناس كلها متختملة على الذئب المسكين مع أنه هو الضحية.
ردحذفأنا باقول نرد بحملة عنوانها "كلنا الذئب"
أخدت بالي يا ألف من الحملة ديه..على رأي القرد ليلى ف... الذئب هاهاهاها.
ردحذفهو ماعملهاش حاجة يا حرام..ده غلبان على نفسه برضو هى إللي بتطارده في كل حتة.
أنا بقالي 4 أيام باضحك
ردحذفتدوينة جبارة
كده يا دوك بقى..ديه تدونية قديمة..وبعدين كنت فاكراك متابع الذئب وغلبه مع ليلى :-)
ردحذفمين السكر اللي بعت الرساله دي...
ردحذفههههه..حلوه يا نعامه
اعتقد ان هناك قصة اسمها "ليلى و الذئب" ل"اميلى نصرالله" و هى شبيهة تماما لذات الرداء الاحمر مع بعض الاختلاف..
ردحذفيا شيخة بقي بذمتك هي وصلتلك برضه اعمل تواليت...فين الامانة في النقل الادبي
ردحذف:)
احم احم
ردحذفبصى هو احنا طبعا بعد الموضوع بسنة
بس صدقينى يانعامة انتى انقذتينى
انا صحيت من النوم إذ فجأة حمووووووت على اغانى محمد ضياء ونسرين
قلت اعمل سيرش عليها لقيت كل النت نسى الحاجات دى
وفجأة لقيت مدونتك
لقيت انك بتقولى انك متعريفهوش
كنت خلاص حنهار
بس لقيت حد ربنا يقعدهوله فى عياله باعتلك لينك
هو صحيح مش كل اغانيهم بس ممشية برضو
ميرسى موت
انا بس حبيت اعرفك ان البوست ده لسة بيخدم بعد قرابة سنة
:-)