والمفروض ان السنة ديه أول مرة كل محافظات مصر كمان بتحتفل..لما نشوف هيعملوا إيه بقى النهاردة..آخرهم استعراض لعربيات خضراء وعيال لابسين أخضر زرعي.
اقترحت الأمم المتحدة 77 طريقة للأحتفال بيوم البيئة العالمي، منها اقتراح لأصحاب المركبات عدم استخدامهم لها وركوب العجل بدلا منها (هأوووو)، واقتراح تاني لو مش هينفع قصة العجل ديه، يزرعوا 10 شجرات (هأووين).
أهو يوم وهيعدي زي بقية الأيام لا جديد.
هتلاقي النهاردة الكلام عن الأحتباس الحراري والتغير المناخي كتير (ماهو النهاردة هو يوم الكلام ده).
أقترح أحد أساتذة كلية الزراعة، جامعة الزقازيق اقتراح عجبني جدا، وهو لخفض درجة حرارة الجو في مصر 5 درجات مئوية (وديه حاجة حلوة جدا وياريت تحصل بالفعل) وهو ايه بقى الأقتراح!!
أن يتبرع كل مواطن بجنيه فقط لوزارة الزراعة، وتقوم الوزارة باستخدام هذه الأموال لزراعة 750 مليون شجرة كافور أو جزولين (إللي تمن الشجرة منهم 10 قروش يعني ولا حاجة) ويتم زراعة هذه الأشجار حول المدن الجديدة والمحافظات الصحراوية.
والله اقتراح هايل، بس نضمن منين ان الفلوس ديه فعلا هتستخدم لشراء الأشجار؟؟
وكل عام وأنتم بخير.
ده انا على بال مادفع الفلوس في الخزنه و الاقى الموظف و ........ يكون جالى احتباس
ردحذفقال ادفع فلوس للحكومه قال ؟ هااواواو!!
يا سلام يا ست، هايلة. بس ممكن تزرعي الشجر من غير وزارة الزراعة خالص. مش إنت من المعادي؟ شوفي جميعة محبي الأشجار ممكن تعمل إيه.
ردحذفو بطلي مشورة بالعربيات على الفاضي و أكل لحمة.عيشوا عيشة النعام بقى!
على الهامش :
ردحذفلازم خمسة يونية ، مش ينقوا يوم غير دة علشان يعملوه يوم عالمي للبيئة؟
يا عمرو: انا فعلا فكرت ان اتصل بجمعية محبي الأشجار وأقولهم ع الفكرة. وتاني حاجة أنا مش باكل لحمة كتير خالص. مش زي ناس بتاكل لحم النعام نفسه!!!
ردحذففي المشروع دا
ردحذفويا ترى يا أحمد زرعت شجرة واحنا في العام الجديد ولا لسه؟ أنا فعلا رحت مشتل عشان اجيب منه كافور بس مكنش عندهم هروح واحد تاني بكرة.
ردحذف