الست نعامة: ورفض أن يوقع

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

ورفض أن يوقع

ذهبت لساقية الصاوي لحضور ندوة الكاتب البرازيلي باولو كويلو.



ماكنتش متحمسة لحضور الندوة ولكن ذهبت لأحصل على توقيع الكاتب على كتابه "الكيميائي" أو كما أطلقوا عليه "ساحر الصحراء".



قاعة النهر كانت ممتلئة ومزدحمة جداً، وجدنا بصعوبة مكان للجلوس، أجاب الكاتب على بعض الأسئلة ثم انسحب بهدوء.

انتهزت الفرصة وجريت عشان أحصل على توقيعه، ولكن قابلني بكل برود ورفض أن يوقع بحجة الزحام وضيق الوقت، طبعاً دمي اتحرق وغضبت عليه، وقررت تأجيل قراءة رواية 11 دقيقة التي كنت أريد شراءها لحدّ ما أنسى اللي حصل.

بعد الكبسة، قابلت بالصدفة صديق قديم، وقلتله على اللي حصل، وعشان يخفف عليا، أخد مني الكتاب ووقع هو بدلاً من الكاتب المشهور.

وفي النهاية حصلت على توقيع على كتابي :-)

ظللنا بعض الوقت للأستمتاع بالهواء المنعش ومنظر النيل في الليل وانعكاسات الأضواء الملونة على مياهه الملوثة.
وفعلاً استمتعت.
 14:56 أرسليها بالبريد  
هسهسات:
Ma tez3leesh, asl he already dedicated an hour and half for signing books before Sakiet el Sawi, at Dar el Shorouk at 6 pm in 1st Mall.
My friends who went there said it was organized and they got his siganture.
But you already get signature at the end ;)

You can find my comments here: http://emanm.blogspot.com/2005/05/paulo-coelho-el-saqeya.html
# هسهسة Blogger Eman M : 24/5/05 17:02  
كل علاقتي بأدب باولو أني سمعت الخيميائي تمثيلية إذاعية في البرنامج الثقافي مرة زمان، و حسيت إنها عاملة زي كتب تطوير الشخصية "كيف تكسب الأصدقاء و تؤثر في الناس و تعيش سعيدا"
يمكن زي ما الناس بتقول أن باولو كويلو ميزته في طريقة حياته و إصراره على السعادة زي ما حكى في اللقاء، لكن دا مش بالضرورة يخليه أديب.
على أي حال أنا ما اطلعتش على ما يكفي من أدبه علشان احكم.
# هسهسة Blogger ألِف : 25/5/05 20:03  
أنا عارفة انه كان في دار الشروق يوقع على كتب المعجبين، ولكن بالنسبة لي كان صعب الوصول في الميعاد وبالتالي فضلت الساقية، معلش المرة الجاية.
# هسهسة Blogger الست نعامة : 26/5/05 10:03  
انا لا تتصورى انا غضبت قد أيه
و بستهجن كمان تصرف بولو دا
ازاى لا يوقع للست نعامة
-----
أنا بطالب باعتذار رسمى عن الموقف دا
# هسهسة Blogger أحمد : 26/5/05 10:48  
المسامح كريم يا ابليس، بلاش حركات الشعللة ديه، خلاص سافر وراح لحاله، الشهرة يابني بتعمل أكتر من كده. وبعدين صديقي خ.ك. وقّع بدلاً منه، ولا يهمني.
# هسهسة Blogger الست نعامة : 26/5/05 10:55  
يا سلام يا ست نعامة، أنا كمان كنت هناك و قابلت أفريكانو و ماريان، لو كنت بس أعرف إنك هناك كان لازم أسلم عليكي.
بصي يا ست نعامة، لازم برضه نعذر الراجل . أنا برضه كان معايا كتاب "الجبل الخامس" اشتريته من سنة لكن واقف في زوري و مش عارفة أخلصه قلت يمكن لو مضاهولي أخلصه! و على فكرة كل إللي كانوا موجودين كان معاهم كتب برضه لنفس السببزز يللا، معلهش، المرة الجاية بقى
# هسهسة Blogger shamoussa : 29/5/05 10:17  
بمناسبة 11 دقيقه
قريتي بوست أيهاث الأخير
# هسهسة Blogger Hany Mihanny : 31/5/05 21:47  
well, one of my friends took an "Arabic" version of the Alchemist and got it signed by him in Al-Shorouq. He had photos with him too! He told me that Coelho was so nice and gentle with him! He was happy that his novels are being translated (of course). I haven't read anything by the man perhaps of the impression I had agreeably with Alif. This is not an excuse though!
# هسهسة Blogger Aladdin : 5/6/05 00:35  
على أشكالها تقع
من الذاكرة