الست نعامة: فرقع لوز

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

فرقع لوز

الصيف دخل يا جماله ويا حلاوته، أحلى الأيام.
وخرجت الحيوانات من الجحور وانطلقت في الغابة..بس فيه حاجة عكننت عليهم فرحتهم بالصيف ومش عارفين يتخلصوا منها ازاي.
قاعدين الحيوانات مع بعض يتسامروا في ليالي الصيف العظيمة ونازلين نميمة ورغيّ وشغلانة ومشاريب سخنة ومشاريب ساقعة. ومرة واحدة سمعوا صوت غريب على الغابة، صوت مش معروف.مين يا ترى وايه الصوت ده!!
أتاريه فرقع لوز..أن أن أن تشششش.
فرقع لوز بيقفز على كل حيوانات الغابة ومش عاتك حدّ..مرة على الأسد ومرة على الفيل، الفيل أعصابه ما تستحملش القفز ولعب العيال ده كان هايدوسه أو ينفخ فيه بالزلومة. وفرقع لوز نازل قفز حوالين الحيوانات وقارفهم في عيشتهم وانا منهم طبعا، حاجة تخنق.
نتخلص منه ازاي ده؟ آه ساعات نتفرج عليه ودمه يكون خفيف بس كفاية كده بقى تعبنا من القفز ده. طلع لنا منين ده.
الرحمة.
 21:12 أرسليها بالبريد  
هسهسات:
لولا فرقع لوز ميحلوش الصيف
ان ان ان ان تشششششش

:-)

تحياتي
# هسهسة Blogger ayman_elgendy : 10/7/06 13:11  
مع احترامي لك يا أيمن، بس لن أسمح لفرقع لوز ان يدخل الغابة ويعكنن علينا.
# هسهسة Blogger الست نعامة : 10/7/06 15:54  
سلام عليكم ست نعامة
ايه الكلام الغريب عن فرقع اللوز ده ، اول ما أدخل المدونة الاقى فرقع لوز فرقع لوز ، عاوزين كلام من يحرك المياه الراكده فى حياتنا، يعنى ايه يعنى عاوزين موضوعات واضحة ومفهومة ، ده رأيى وياريت يكون له صدى ، وأنتى حرة يا ست نعامة ، حرة فعلا ، وكمان فرقع لوز حر
مش هى دى الحرية
وسلام ، وكمان سارة صاحبتك فى الصورة ، مش عارف ايه شاددنى ليها ، يمكن تكون فتاه لآحلامى
وده موضوع آخر
# هسهسة Anonymous غير معرف : 12/7/06 09:33  
السيول السميرية: أنا فعلا حرة واكتب إللي انا عايزاه.
مياه راكدة ايه؟ انت مياهك راكدة ديه مشكلتك انت حركها براحتك أو هاتلها على رأي صديقي رفّاص.
الموضوع بالنسبة لي واضح ومفهوم، انت مش فاهم ديه مشكلتك بقى مش مشكلتي أنا خالص.
# هسهسة Blogger الست نعامة : 12/7/06 17:42  
صحيح.. أنا أؤيّد الست نعامة أنّ الفرقع لوز سهل ومفهموم... لكن يعني إيه السيول السميريّة؟
# هسهسة Blogger R : 13/7/06 15:56  
على أشكالها تقع
من الذاكرة