الست نعامة: الكفار

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الكفار

المسئولين في الاذاعة والتليفزيون عرفوا منين ان الكفار كان شكلهم زي ما بيظهروا كده في الأفلام والمسلسلات الدينية؟
شعرهم طويل وذقنهم طويلة وملابسهم ألوانها غريبة ولابسين سلاسل ذهبية وفضية وخواتم وممكن كمان حلقان، وحواجبهم غليظة كده وساعات لازقة في بعض وشكلهم مش مستحمي!!! عرفوا منين كل ده؟ هل هناك رسومات أو زخارف أو أي حاجة تدل على شكلهم ده؟ وبعدين لمّا يدخلوا في دين محمد وهو الدين الاسلامي بقى يلبسوا أبيض في أبيض وشعرهم يتسرح ويبقى شكلهم نضيف (مش قصدي أي اساءة للدين الأسلامي انا بس باتسال).

كل مسلسل ديني وانتم طيبين
 09:00 أرسليها بالبريد  
هسهسات:
يا ست نعامة..
ده مجرد رمز للتحوّل الباطني؛
وإنتِ كلّك نظر ومعرفة بالرمز
# هسهسة Blogger R : 25/9/06 19:49  
يا ست نعامة إنتي مش عارفة إن المسؤلين في التلفزيون كانوا بيشتغلوا كفار زمان عشان كده عارفين شكلهم
# هسهسة Blogger Unknown : 25/9/06 23:28  
جيفارا: أنا مش باتفرج أصلا على التليفزيون الحقيقة استمع إلى الراديو بس حصل وافتركت مسلسلات رمضان بتاعة زمان عشان كده تسألت.

الدوك راء: فاهمين طبعا الرموز والتحول الباطني والعظمي وكل التحولات ديه، صحيح فيه حدّ هايتحول قريبا ويرجع لأصله..انتظروه :-)

طارق: شكرا على المعلومة.
# هسهسة Blogger الست نعامة : 26/9/06 11:48  
ولا الحواجب بتاعة أبو لهب ... تحسي أنها تندة إيطالي قصدي تندة قريشي عشان تحميه من الشمس أثناء التصوير. عموما التفرقة في اللبس والمظهر هنا غرضه عدم حدوث خلط عند المشاهد زي ماتشات الكورة كدة لازم كل فريق يلبس لون موحد مختلف عن اللون التاني ... ولذلك لما تتفرجي علي فيلم مصطفي العقاد تلاقي ان معظم المشاهدين هنا مش بيعرفوا الكفار من المسلمين. أرجو ان الكفار ميزعلوش من البوست بتاعك
# هسهسة Anonymous غير معرف : 3/10/06 11:08  
الحلاقين كلهم كانوا مسلمين و كانوا هاهاها
بيرفضوا يحلقوا للكفار
# هسهسة Anonymous غير معرف : 3/10/06 15:49  
شيء مبهر فعلاً الحكاية دي ، في مسلسلات الإرهاب بيخلوا كل الإرهابيين لابسين أبيض في أبيض ومربيين دقونهم ويتكلموا "بالنحاوي" .. ودة شيء مستلهم في رأيي من مسلسلات "لقد صبأ الشعميط ابن أبي زبلتعة ثكلته أمه"!
# هسهسة Blogger قلم جاف : 10/10/06 14:48  
أجمل تعليق كنت ممكن أكتبه :
هوه نعليق يا ست نعامة إنتي مش عارفة إن المسؤولين في التلفزيون كانوا بيشتغلوا كفار زمان عشان كده عارفين شكلهم
وهمه بيلاقوا نفسهم وحلمهم بيتحقق في اللي بيعملوا ده
# هسهسة Anonymous غير معرف : 15/10/06 04:22  
الواقع ان المخرجين مؤمنين بنظرية التيمليتس templates هما بيعملوا download للتيمليت بتاع الكافر من على موقع كروت المشاهدين دوت كوم ويرميه على الممثل إياه تلاقيه اتظبط على الفورمة لوحده .

اللى بيغيظنى أكتر بقى من ده كله ، الممثلين اللى بيتكلمو بإيديهم وعنيهم مع واحد واقف على اليمين وهما باصين الناحية اللى على الشمال ، أو يدو ضهرهم للممثل اللى قصادهم وهما بيكلموه ... ياجماعة أنا اللى مش عارف ولا فعلاً محدش بيعمل كده فى الحقيقة ؟؟!!!!
# هسهسة Anonymous غير معرف : 18/10/06 02:43  
نقول إيه بس
أفلامنا كلها كدة أصلاً
مع إن المفروض إن العرب زمان مكانوش كدة أبداً
و الرسول (ص) قال :"إنما بعثت لأتمم مكارم الأخلاق"ا
بس هنعمل إيه بأة
# هسهسة Blogger عروسة النيل : 14/11/06 11:31  
حرب الايحاءات بقى و عليكى خير و مازال يستخدمها الأخوة المسلمون و الأخوة الكفار حتى وقتنا هذا على السواء..

بس بينى و بينك الأخوة الكفار بقوا ابرع و أذكى دلوقتى و اتفرجى سيادتك على فيلم أجنبى و شوفى شكل العربى- طبعا عربى مرادف مسلم فى الغرب حتى و لو كنت عربى كافر بتلعن الاسلام كل يوم الصبح ع الريق-المهم شوفى شكل العربى المتخلف فى الأفلام دى و الغربى المتحضر الشيك و قوليلى ايه رأيك

تحياتى للفضاء الانترنتى و الى تعقيب آخر
# هسهسة Anonymous غير معرف : 25/11/06 08:23  
هبل وجهل بعيد عنك

مع ان مثلاً الثابت ان الكفار كانوا بدون لحى وبشنبات كثيفه اوى ن عشان كده ساعتها قال الرسول (ص) اعفوا الحى وحفوا الشارب او كما قال صلى الله عليه وسلم

انما تقولى لمين بقى يفهم
# هسهسة Anonymous غير معرف : 6/12/06 12:26  
ماتتلموا بدين ابوكوا بقي ,,, انتوا مسيحيين ولا ايه كتكوا القرف
# هسهسة Anonymous غير معرف : 5/2/07 21:51  
على أشكالها تقع
من الذاكرة