شخصية أنيمال في المابيت شو كانت هايلة جدا. أصلا مش بيتكلم، هو كل إللي بيعمله في الحلقات إللي بيظهر فيها انه يكسر، يتخانق أو يعمل مشاكل وخلاص. ديه أكتر شخصية بحبها، وكمان بحب الرجلين العواجيز المتفرجين إللي بيتريقوا على كل حاجة ويضحكوا عليها. وطبعا الضفدع حبيب الملايين :-)
الحقيقة كل شخصيات المابيت شو مش سهلين خالص، بس أنيمال الحقيقة مفيش زييه.
كان المابيت شو بييجي زمان ع القناة التانية في التليفزيون المصري، افتقدها فعلا، الحلقة قصيرة وخفيفة. ومن أشهر الحلقات إللي انيمال أبدع فيها هى الحلقة ديه. حتى الأغنية بتاعتها مشهورة جدا ولسه الناس بتغنيها لحد دلوقتي، مع إن ملهاش معنى أصلا.
http://www.youtube.com/watch?v=iVYTabWaSHI&mode=related&search=
ردحذفو الله فكرتينا بالذى مضى لما كان الواحد بينبسط من حاجات صغيره و كان التليفزيون قناتين تلاته مش الف و شويه حسب الاقمار اللى عندك على الدش يا ترى تفتكرى حلقات دلاس بتاعت ( جى ار و سوالين مراته) بداية الانفتاح على الدنيا قبل ما تيجى ايام البولد اند ذا بيوتيفول و يخلوها خل خالص مبقاش الواحد فاهم مين متجوز مين و لا مين بيحب مين
ردحذف3agabenti awi ya na3ama :)) lovely memories bas lel asaf entnaset ma3a el ayam;;;
ردحذفcan't write arabic lel asaf :))
manamanaaaaaa
شخصية أنيمال من ألذ وأمتع شخصيات المابيت شو ، وربما كانت ملهم للعديد من الكاراكترات اللي اتقدمت في أمريكا وخارج أمريكا .. لدرجة إني بأحس إن اللمبي فيه خطوط من أنيمال في عنفه الزائد وأشياء أخرى..
ردحذفيمكن لإن عندنا ميل للشخصية "اللي فيها علامة مميزة" بنفس منطق مسرحية عادل إمام (ضربة شومة - لطشة مطواة..الخ).. دة اللي في نظري خلا أنيمال يسَمَّع عندنا أكثر من كيرميت الحبوب ، بيجي اللي بتحاول تلفت الانتباه ليها ، فوزي مدعي المعرفة ، المخترع المجنون وغيره!
فتحتي نفسي على كتابة تدوينة مخصوص عن المابيت شو .. لكن في الغالب حتبقى بعد رمضان والعيد إن شاء الله!
أنيمال هايل فعلا. فوضوي و عصبي و فنان.."درامر" صحيح
ردحذفلكن أنا ما كنتش باحب الضفدع لأنه كان بيتكلم كثير و كمان ما كنتش بافهم هو بيقول إيه. طبعا لما بقيت أفهم بقيت أستحمله.
هو و الفرخة ال بتجري من الشف السويدي.
المبت شو عموما من أحسن البرام ال باحبها على الإطلاق.