العربية محتاجة بنزين..أروح محطة بنزين "وطنية"، أفوّل العربية...شم شم شم، إيه ده! الريحة غريبة شوية.. ممكن فيه عربية بتسرب حاجة.
أخرج من البنزينة..الريحة لسه موجودة...ياخوفي ع المركبة أحسن تكون خربت ولا حاجة...تختفي الريحة شوية..طب كويس مش عربيتي بقى الحمد لله.
أعدي من جنب عربية وانا ماشية في الشارع،،شم شم شم إيه ده! نفس الريحة تاني!!! الله هو فيه إيه؟!
اسمع الناس بتتكلم عن غش البنزين بالسبرتو..ناس تاني تتكلم عن ان ديه هى ريحة البنزين الأصلية..أصل ده بنزين مش مغشوش..مش إللي احنا بنستخدمه طول عمرنا، قصة تالتة بقى تقول إيه؛ أصل ده بنزين مستورد من لبيا أو دبي، يا حلاوة يا ولاد.
وأنا مالي بقى بنزين نضيف ولا مستورد، ذنبنا إيه العربيات تخرب، ونتوه احنا بقى عشان نصلح والعيب منين وغلطة مين والكلام ده كله.
كل مرة ألمح العنوان أفتكرة أسم واحدة أسمها جازولين كحولي !!..
ردحذفصحيح وانا طول النهار امبارح شامة ريحة سبرتو .. افتش في العربية يمين شمال مفهمتش ..
ردحذفريحة كل العربيات كده تقريبا
انا اتخضيت جدا في الأول .. وبعدين اكتشفت اني غيرت البنزين ومونت من (الوطنية) الله يحرقهم بقى بالجاز بتاعهم ..
بس هل فيه مكان موثوق فيه ولا العربيات هتخرب بقى
الاحتمال الاكبر ان الجديد هو الاصلى والقديم كان مغشوش
ردحذفمع ان الريحه مش موحيه بكده خااااالص
و العربيات هتمون بدل البنزين برفاااان
ردحذف"احمد فؤاد نجم"
انتوا ايش فهمكم دي من علامات الرخاء العظيم, ادعوا لعم العمدة ادعوا له.....و كمان ادعوا له