كابوس

قرأت ما كتبه حمد عن البحر والحادثة اللي حصلتله، وافتكرت على طول أسوأ كابوس في حياتي. الحقيقة همّا اتنين في واحد، يعني حاجتين بيحصلوا في كابوس واحد وأصحى مفزوعة. حاجة منهما مرتبطة بالمياه، والشكل المائي في كابوسي مش بحر ولا محيط ولكن بحيرة؛ بحيرة ناصر.
الكابوس بيبتدي عادي، أنا راكبة مركب في البحيرة والدنيا برد ومظلمة، والبحيرة كبيرة أوي ولون المياه أسود، المنظر مرعب فعلاً، وأنا في المركب حافية القدمين. بس كدّه هو ده اللي أنا بافتكره من الحلم لمّا باصحى من النوم، ودايماً أكون مخضوضة ومش مبسوطة، وضاربة بوووز.