استقلال القضاء حق كل المصريين

الست نعامة: الراحة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الراحة

من أسبوعين تنكرت في شخصية ابن بطوطة ولفّيت حول الكرة الأرضية شوية، ولكن كنت ابن بطوطة الصغير، لسّه على أدّي يعني. ماعلينا، ذهبت للبساطة ولكن لحد دلوقتي لسّه مش عارفة أخرج منها حاجة صعبة أوي، بنام بدري، وأصحى زي القرد المسلسل (لامؤاخذة يا قردوي) والحيوانات كلهم نايميين. قضيت هناك 6 أيام، هايل جداً يومين منهم نمت على البحر على طول، النجوم والقمر كانوا مسلينّي في الليل، المهم، في ليلة من الليالي، وأنا نايمة على البحر بالليل، والدنيا كلها ساكتة ومافيش غير صوت الأمواج، لقيت حاجة بتشمشم في راسي، هوووببببببباااااااااااااا قُمت مفزوعة ومخضوضة، مين ده؟ في ايه؟! اتاريه كلب ماشي بيتفسح بالليل على الرمال الناعمة ولقى الست نعامة في عاشر نومة، فَحَبّ يهزّر معاها شوية. يا دمك الخفيف، وده وقته ده، أنا عايزة انام يعني. طبعاً ولا جالي نوم لحدّ ما الشمس طلعت، أنام ازاي وهذا الوحش الشرس، قاعد امامي ولازق كده. يارب الشمس تطلع بقى عشان الباقيين يصحوا. دي حكاية كلب البحر المزعج.
بعد البساطة، أخدت رجليا الطوال الحلوين، وجريت على الكرم قابلت هناك حيوانات كتير، ماكنتش متوقعة أقابلهم خالص، كانت مفاجأة غريبة وغير متوقعة على الأطلاق، بس ياللا اتسليت شوية معاهم.
ورجعت تاني لدنيا الحيوانات والغابة بتاعتي الجميلة، ولقيت تغيرات كتير جداً، ناس بتختفي، وناس بتظهر، وحركات كده، مش ملاحقة خالص.
 16:17 أرسليها بالبريد  
هسهسات:
حمد الله عالسلامة يا ست نعامة....
اشمعنى يعني مسمتيش الكلب الشمام اسم؟
انت متحيزة ضد الكلاب ولا ايه؟
# هسهسة Blogger Mohammed : 3/5/05 18:52  
الله يسلمك يا محمد، بس على فكرة مافيش حد من الحيوانات عنده اسم غير بس النمر يوسف عشان ده حالة خاصة، ولكن بقية الأصدقاء مالهمش اسامي. وانا مش متحيزة ضد الكلاب ولا حاجة أرجوك بلاش تعمل فتنة هنا في الغابة الهادئة الجميلة.
# هسهسة Blogger الست نعامة : 4/5/05 15:25  
على أشكالها تقع
من الذاكرة