الست نعامة: مولد المحروسة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

مولد المحروسة

النهاردة كان مولد المحروسة ، وحيوانات كتير كانت بتحتفل، منهم الفراشة، الدرفيل الجميل، الأرنب، الفرسة، الدب وكمان الغزالة شرفتنا شوية بخفتّها.
انضم للأصدقاء كمان الفيل أبو زلومة اللي دايماً مش بيشارك بقية الحيوانات في احتفالاتهم أو رحلاتهم، وكمان كان معانا الحمار الوحشي. اليوم كان حافل بالأحداث والحركات الهايلة جداً، وكان فيه فقرات متنوعة، منها أوزو لذيذ. يا ترى ايه هو الأوزو؟ كل حيوان حسب تفكيره ما يهديه هيتعرف على الأوزو بتاعه :-)
كان يوم طويل جداً واليوم اللي قبله كمان، يوم التحضير للمولد كان طويل أوي، تعبت جداً في اليومين دول ورجليا الطويلة وجعتني، بس كله في سبيل المحروسة وحيوانات المحروسة، ينبسطوا شوية من نفسهم.
والله كان نفسي تكون كل الحيوانات موجودة عشان يتفرجوا ويتعرفوا ايه اللي احنا بنعمله، مثلاً القرد واللامة كانوا مسافرين وفاتهم اليوم بس مش مشكلة تتعوض.


 01:41 أرسليها بالبريد  
هسهسات:
فيه حيوان حاطط صور من مولد الست المحروسة.
أنا عارف أن الست نعامة تتميز بنظرة فوتوغرافية و هي مصورة جيدة. برضه.
# هسهسة Blogger ألِف : 4/5/05 17:16  
مبروك يا ست نعامة المولد.
فرحت لكم قوي.
ومبروك عودتك للهسهسة.

أنا ملاحظ القرد على طول مسافر.
هو ما فيش شجر عندكم في المحروسة؟
# هسهسة Blogger R : 5/5/05 15:33  
واحد قرد والتاني أبو قردان.
# هسهسة Anonymous غير معرف : 5/5/05 15:37  
ليه يا سي راء طبعاً عندنا شجر، ده حتى صاحب الأشجار على طول معانا ومبسوط منا، ولا ايه يا صاحب الأشجار. بس القرد بقى بيحب دايما يخلينا على طول في اشتياق.
# هسهسة Blogger الست نعامة : 5/5/05 17:25  
هِع
# هسهسة Anonymous غير معرف : 6/5/05 17:02  
طيب يا قرد، مِع :-)
# هسهسة Blogger الست نعامة : 6/5/05 20:44  
على أشكالها تقع
من الذاكرة