استقلال القضاء حق كل المصريين

الست نعامة: الحمامة والصياد

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الحمامة والصياد

مستوحاة من كتاب كليلة ودمنة



الحيوانات في الغابة كانت متضايقة وعاملين اجتماع عشان يشوفوا حل لحكاية صيد الحيوانات، ملك الغابة الأسد قال: "لازم نشوف الحل يا جماعة، الصيادين نازلين صيد، احنا أزكى منهم، لازم نضحك عليهم، بس على شرط نلتزم كلنا بما نتفق عليه."

الحيوانات كلها اتفقت على الآتي، لماّ الصياد يدخل الغابة وينادي على الحيوانات، ما حدّش يرُد عليه، وبالتالي يعرف ان مافيش حدّ، وياخد بعضه ويمشي.

المهم، تاني يوم دخل الصياد الغابة، وفضل ماشي ماشي ماشي، وينادي ويقول: "فيه حيوانات هنا؟" طبعاً كل الحيوانات ملتزمة بالأتفاق وماحدّش رد عليه.

فضل الصياد ماشي ماشي ماشي ماشي، ووقف تحت الشجرة اللي عليها عش الحمامة، ونادى من جديد على الحيوانات، ردت عليه الحمامة الطيبة: "لأ، مافيش هنا حيوانات."

عرف الصياد مكان عشّها واصطاد الحمامة المسكينة.
 12:30 أرسليها بالبريد  
هسهسات:
على أشكالها تقع
من الذاكرة