استقلال القضاء حق كل المصريين

الست نعامة: مدينة الشمس

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

مدينة الشمس

حضرت احتفال مدينة الشمس بمرور 100 عام على انشاءها، ومن حظي إني كنت موجودة في أول 100 سنة :-)
كالعادة اجتمع الأصدقاء زحلوف والقرد والفرسة وكمان الفيل أبو زلومة ومعاهم الست نعامة وراحوا يحتفلوا. وبالصدفة قابلوا مين هناك، الغراب وكمان ميمون (مش القرد) ظهر شوية ومشي كالعادة على طول.

ولأول مرة في تاريخ مدينة الشمس، يكون هناك طريق خالي من العربيات اللي بتخنقنا، ولكن مليان بالورود والألوان المرحة والبالونات وكمان كل الحاضرين كانوا مبسوطين جداً. استمعنا الى نغمات الموسيقى الجميلة ولعبنا، وقابلت أصدقاء من الزمن الجميل، وتذكرت معاهم الأيام القديمة.

مع إني مش من عشاق مدينة الشمس، بس اليوم ده كان ظريف جداً، وكما وصفه ألف كان حلم قصير استمر لساعات.

كان لي ملاحظة مع القرد، نسبة السيدات الحوامل عالية جداً، يعني يوم الاحتفال قابلنا ما لا يقل عن 15 واحدة حامل، وكلهم هيفقسوا في الأغلب في نفس الوقت. خير ربنا يزيد ويبارك. يا ترى نستنتج ايه من الملاحظة ديه؟

استكمال
هذه هى المرة الخامسة التي أحاول ان أضيف فيها بعض الصور للتدوينة ولكن للأسف مش عارفة. أفكر في الحل الآخر وهو الأنتقال من هذا المكان.

استكمال تاني
لسه عارفة ان الاحتفالات بمئوية مدينة الشمس مازالت مستمرة حتى شهر يونيو، برنامج الاحتفال طويل جداً.
 04:50 أرسليها بالبريد  
هسهسات:
مشكلة هالو جائت لتكمل مشاكل بلوجر. و يظهر أنها شكوى عامة كما يقول عمرو، جوال سورية
# هسهسة Blogger ألِف : 16/5/05 14:18  
أنا عارف انى بقيت زى الاسطزانة المشروخة (ألا هى الاسطوانة المشروخة دى عاملة ازاى؟) بس برضة ندى النصيحة

مفيش أجدع من البرامج الحرة للنشر على النت جربى بنفسك

BlogSome اللى بتقدم خدمة مجانية مبنية على WordPress

أو عندنا و دى مبنية على Drupal

عندكوش تنانين فى الغابة؟
# هسهسة Anonymous Alaa : 16/5/05 19:41  
شكراً يا علاء على المعلومات، بس على فكرة أنا كان عندي فكرة عنهم من أصدقائي العلماء :-) وكنت مكسلة ولكن أعتقد لقد حان الوقت للأنتقال.

طبعاً في تنانين بس لسه نايمين :-)
# هسهسة Blogger الست نعامة : 17/5/05 09:51  
هس.. هس.. هس. هس
ما اعرفش ليه يا ست نعامة، قريت جملتك التالية بطريقة تانية:
"قابلنا ما لا يقل عن 15 واحدة حامل، وكلهم هيفقسوا في الأغلب في نفس الوقت. خير ربنا يزيد ويبارك. يا ترى نستنتج ايه من الملاحظة ديه؟"

نستنسخ إيه من الملاحظة ديه؟
# هسهسة Blogger R : 17/5/05 22:34  
هالو خنيق! ومستفز كمان!

كل الناس حامل وكل الناس بيجيبوا بنات اسمهم شهد أو ملك أو فريدة

يا نعامة! التنانين مش بتنام خالص! دي معلومة علمية تاريخية تماماً...أنا تنين قديم واشهد بكده :)
# هسهسة Blogger حـدوتـة : 18/5/05 07:47  
Alaa...momken yeb2a 3andi blog bambi 3la drupal?? this will make all the difference bel nesbali! :)
# هسهسة Blogger حـدوتـة : 18/5/05 07:48  
شكراً ع المعلومة، بس أنا ماكنش قصدي انهم نايمين بمعناها المتعارف عليه، قصدي كان انهم كسلانين وفي خمول. بس كده ولاّ ايه يا تنين بمبي؟
# هسهسة Blogger الست نعامة : 18/5/05 10:59  
هو انا عدم اللا مؤاخذة لبست "الغراب" فعلا؟ طب ما ينفعش اروح السجل المدني بتاع الغابة؟ الرحمة يا نعامة...
بالنسبة لمشاكل بلوجسبوت، فمهما كان، لن أنتقل منه قبل أن أحقق تقدما فنيا مع html وغيرها، كان ذلكهو غرضي الأول من المدونة ثم أخذتني الكتابة. الرحمة يا تنين...
# هسهسة Blogger Hamuksha : 18/5/05 17:44  
على فكرة، أنا تنين ناري قديم، زي ما الست نعامة عارفة، بس مش بمبي، أزرق سماوي.
# هسهسة Blogger ألِف : 22/5/05 18:08  
آه
ما تزعلش يا حمكشة، الغراب ذكي جدا و مداقر، لسه امبارح في الطور كنا بنتفرج على غراب متعلق من منقاره في عرجون نخلة كان بيبني عليها عشه، و توالت حكايات الغربان.
# هسهسة Blogger ألِف : 22/5/05 18:12  
على أشكالها تقع
من الذاكرة