استقلال القضاء حق كل المصريين

الست نعامة: صاحي ماتكسرش..مكسور ماتكلش

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

صاحي ماتكسرش..مكسور ماتكلش

هو ده الحال في مشروع من مشاريع التنمية تموله الدولة.
نزلوا المجتمع، وسألوا أهالي القرى عن احتياجاتهم، يعني بلغة التنمية عملوا تقدير لأحتياجات المجتمع، ورتبوها حسب الأولوية والأهمية، طب جميل جداً. خلاص عرفنا المجتمع محتاج ايه وهانبتدي بأي مشروع، عايزين مكاتب خدمية زي مثلاً مكتب بريد، الرد كان ممنوع المباني، طب عايزين مكتب اتصالات، بردو ممنوع المباني، طب نعمل ايه؟! هانوصل شبكات مياه وكهرباء، بس احنا اتهرينا مياه وكهرباء، عايزين مكاتب خدمات، لأ ممنوع المباني. طب تعبتم نفسكم ليه وعملتم تقدير احتياجات ودراسات وأبحاث وفي الآخر هاتعملوا اللي في دماغكم؟

افتكرت المثل ده: "صاحي ماتكسرش، ومكسور ماتكلش، وكُل واشبع".
حكاية المثل ده ايه بقى، واحد عزم صديقه على العشاء، وقدم له رغيفين خبز، واحد صاحي (سليم) والتاني مكسور، وقال له عشان انت ضيفي قدمت لك رغيف صاحي، بس فيه واحد تاني مكسور، فحرام تكسر الصاحي وفيه واحد مكسور، وعيب اقدم لك المكسور عشان انت ضيفي، وكل واشبع.

وسلم لي على القرد الرحال.

من أسيوط.
 21:41 أرسليها بالبريد  
هسهسات:
طيبون.
# هسهسة Anonymous القرد : 17/8/05 13:00  
:-)
# هسهسة Blogger الست نعامة : 17/8/05 20:32  
فعلا اول مرة اسمع عن المثل ده بس اكيد بيتحقق كل يوم
# هسهسة Blogger Mr-Biboooo : 18/8/05 15:46  
على أشكالها تقع
من الذاكرة