استقلال القضاء حق كل المصريين

الست نعامة: الست نعامة في أسيوط

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الست نعامة في أسيوط

أكتب من أسيوط الآن.
المحافظة عادية جداً كبقية المحافظات، لا جديد، نفس الناس، نفس الشوارع، وكمان نفس الزحمة والغباء الموجود في كل حتة.

خلصنا الورشة الساعة الواحدة ظهراً، المخطط ان تنتهي الساعة الثالثة والنصف عصراً، ولكن طبعاً الموظفين في المحليات فرصة يروحوا بدري، يالاّ يا عمّ خلص، عايزين نروح، المهم الورشة انتهت قبل ميعادها بساعتين ونصف، ولكن تم تيسير المخطط كله!!!!

أقيم في استراحة كبار الزوار الملحقة بديوان المحافظة، يا سلاااام آخر تمام (مش هاحكي دلوقتي عن الاقامة). بعد الانتهاء من الورشة اليوم، بقية اليوم راحة حتى نجتمع مرة أخرى في المساء عشان نحضّر لليوم التاني، ذهبت لأتجول في أسيوط، ودخلت مهرجان السياحة والتسوق، فرصة مش بادخله في مصر وعندي وقت فاضي، وكانت المفاجأة....أرض فضاء واسعة جداً، مقسمة الى ممرات، والممرات فيها معروضات معلقة، اشي ملابس داخلية حريمي ورجالي، اشي شرابات وملايات، واشي ادوات منزلية ومكتبية، المهم مين بقى اللي بيبيع؟؟ باعة من الصين العظيم!!!

في هذه الأرض الفضاء ناصبين مسرح عشان السياحة بقى وتنشيطها. المفروض ان فرق الموسيقى العربية والفنون الشعبية بتقدم عروضها، هاخطف رجلي تاني دلوقتي عشان ألحق العروض الفنية بقى.

وتأتي البقية قريباً.
 21:13 أرسليها بالبريد  
هسهسات:
لكن يا ست نعامة
كيف تتحملين درجة الحرارة المرتفعه تلك في هذا الوقت من السنة ؟
# هسهسة Blogger أحمد : 15/8/05 03:51  
الجو مش بطّال يا ابليس أفندي. زي القاهرة بالظبط وكمان مافيش رطوبة وديه حاجة ظريفة، ولكن الغلطة اللي أنا وقعت فبها اني نسيت أشرب مااااااء وحصلي مشاكل كده بس ربنا ستر الحمد لله.
# هسهسة Blogger الست نعامة : 15/8/05 21:18  
يا أبو الأبالسة، ده إحنا هنا في ممفيس حر ورطوبة يفوق أسيوط. ثم إنت شكلك ما جرّبتش الأقصر في أغسطس. جرّبها، مع أنّك تلاقيك واخد على جهنّم :)

عايزين نعرف حكاوي النعام في قلب الصعيد.
خذي بالك من نفسك
# هسهسة Blogger R : 15/8/05 22:40  
مازلت أطالب بحقي في الهسهسة كمذكر


مستني البقية اللي حتأتي بإذن الله
# هسهسة Blogger sydalany-وش مكرمش : 16/8/05 14:39  
نسيت أقولك
سيخ الكفتة فاضي
ما نبناش غير الجوع
دخلت لقيت مافيش ولا كفتاية
# هسهسة Blogger sydalany-وش مكرمش : 16/8/05 14:47  
مافهمتش حكاية الكفتة ديه بس معلش تلحق المرة الجاية، حاول تجرب كفتة بالطحينة :-)
# هسهسة Blogger الست نعامة : 16/8/05 21:44  
إيه يا نعامة.. بتقولي إيه؟
الصيدلاني ذو الوش المكرمش بيحاول يقول لك إنّ عندك في الپروفيل بتاعك سيخ إسمه كفتة،
لو دخلتِ عليه هتلاقي السيخ فاضي ما فيهوش ولا صباع...

بينما سيخ الست نعامة كلّه هسهسات
# هسهسة Blogger R : 16/8/05 22:23  
آآآههه، لامؤاخذة يا وش مكرمش، معلش بقى أصلي مش فاضية خالص لتصبيع الكفتة، هاحاول أفضي نفسي واصبّع شوية.
# هسهسة Blogger الست نعامة : 16/8/05 22:29  
على أشكالها تقع
من الذاكرة