استقلال القضاء حق كل المصريين

الست نعامة: ابليس الملائكي

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

ابليس الملائكي

قالوا لي ابليس موجود النهاردة، قلت في نفسي يا سلام أخيراً هاشوف شكله ايه ابليس، هذا الشيطان الصغير (مع اني لا أحبذ فكرة مقابلة المدونين، أفضل الصورة التي رسمتها في خيالي). وجاء صاحب الأشجار وقدمه الى ألِف، كنت ولولفين نجلس بجانب ألِف نتبادل أطراف الحديث، واقترب منا شاب وسيم، وردة ياخواتي مفتحة وبمعنى أصح ملاك هاهااا. وياسلام على شكله على شكلنا كلنا لماّ اتعرفنا على بعض، ولا أنا متخيلة ان هو ده ابليس ولا هو كمان متخيل ان هى ديه الست نعامة. المهم هو سلّم على ألِف بكل لطف (طبعاً عشان أعتقد ناس كتير بتحب تتعرف عليه)، وسلّم على لولفين وعليا عادي يعني، ناس ما يعفرهمش وزوقياً يلقي التحية، ولكن لماّ عرف الحقيقة ههاهاااا، كان شكله كده

 14:12 أرسليها بالبريد  
هسهسات:
هو مش ابليس برضة كان اصلة ملاك بس استكبر

و بعدين دة اسمةلوسفير-يعني امير البهاء

شوفي بقي :)
# هسهسة Blogger Lone Wolf : 22/8/05 20:30  
يا نعّومة كلّ الروابط مضروبة.
كلّ الروابط في هذوها التدوينة فيها
//
إضافيّة مبوّظاها.

أمّا بعد،
فإنّ إبليسَ قدّ تبدّل حاله وصار شبه ملاك بعد أن اعتذر لميندونا، وأحبطنا جميعاً... فبعد أن كان إبليس يعبّر عن كلّ ما نتتمناه ولا نريد فعله،
بعد أن كُنّا نلقي على شمّاعته جميع رغباتنا المكبوتة خلف أقنعة أدبنا ولباقتنا،
بعد أن كُنّا نصفّق في داخلنا حين يشتم من يضايقنا ثم نقول له: عيب كده يا أبو الأبالسة، هدّئ من روعك،
خذلنا الرجُل واعتذر.

حسرة عليك يا إبليس،
صرت ملاكاً بين النعام :(
ـ
# هسهسة Blogger R : 22/8/05 20:43  
قابلت مدونين كتير ، و الوحيد اللي بعد ما شفته زعلت كان الست نعامة!
:)
مش قصدي حاجة ، أنا انبسطت بفرصة مقابلة الست نعامة ، بس أما روحت البيت و قعدت اقرا في المدونة لقيت حاجز الايهام انكسر : كنت في الأول بشوف نعامة بجد عينيها مبرقة و عندها منقار و بتطلع تجري و هيا نافشة جناحاتها. دلوقتي لما بقرا المدونة بحس ان بني آدم هوا اللي كاتبها....
# هسهسة Blogger Mohammed : 22/8/05 20:53  
يااااه، أنتِ برضه كنتِ موجودة إمبارح يا ست نعامة؟؟ واللهِ كان نفسي أشوفِك قوي
بس زعلتيني، بقي إبليس طلع ملاك؟؟ يا خسارة .. يللا معلهش، مسيره يجي إللي أأبلس منه و يطلع إبليس بصحيح .. إلا صحيح يا واد ياأبو الأبالسة، أنت اعتذرت ليه.. كانت الدنيا ألطف و هي والعة
# هسهسة Blogger Shamoussa : 22/8/05 21:09  
ـ"ان بني آدم هوا اللي كاتبها...."
عيب يا محمّد يا أخي..
بنت آدم يا مفتري :)
ـ
# هسهسة Blogger R : 23/8/05 01:35  
المهم ان أنا دلوقتي متخيلة ابليس
شاب عنده غمازتين
وشعره مسبسب ..
ضاعت الصورة التانية خالص .. اللي بملامح حادة
# هسهسة Blogger لـيـلـيـت : 23/8/05 02:22  
والله مانا فاهم حاجة مين (ألف ) ومين ( لوفين ) وبعدين يعنى هو طلع حلو ولا وحش ..؟؟؟
# هسهسة Blogger Ahmed Shokeir : 23/8/05 10:23  
تجربة جميله

لكن دايما بتكون صدمه
خاصة لو تكونت صوره فعليه عن الشخص
فجأة تجد شخص أخر


وربما تفقد لذة القراءه
# هسهسة Blogger وليد : 24/8/05 00:08  
لأ لأ فرملة هنا لو سمحتي شوية
إبليس طلع ملاك؟
أصلي كنت مراهنة جوزي على غسيل الصحون إن إبليس ده هيطلع شخص مسالم وطيب ونوسو وكدة ولا بيهش ولا بينش

يعني خلاص، إبليس إللي كلنا كنا معتمدين عليه في إخراج رغباتنا المدفونة هيبقى مستأنس ... يا خسارة
# هسهسة Blogger Socrates : 24/8/05 03:42  
ايه يا محمد ده؟! انت بس ماتعرفنيش كويس، لو عرفتني كويس هاتلاقيني بابرّق وشعري منكوش وباطلع اجري وانا نافشة جناحاتي، بس عشان تشوف الحاجات ديه كلها لازم نتقابل في مكان تاني غير الساقية يعني، وبعدين مش من أول مرة نتقابل كده أطلع لك جنون النعام اللي عندي. انسى خالص ان احنا اتقابلنان زي مانا نسيت اني شوفت حد فيكم أصلاً عشان أعرف أكمل قراءة المدونات بتاعتكم. أنا قلت إني مش باتحمس خالص لمقابلة المدونين عشان الصورة اللي انا رسماها ماتتغيرش. وبعدين انا مش بني آدم، انا عزيز، هاهاها.

يا راء: صلحت الروابط وبقت شغّالة تمام.
# هسهسة Blogger الست نعامة : 24/8/05 11:21  
أنا دلوقتى وشى أحمر و عايز ايكون من اللى هو وشه احمر

أنا كنت سعيد في الحفلة جدا أنى قابلت ألف ، و صديق أخر قديم و الست نعامة ، و لا اعتقد ان حالة الايهام التى تحدث عنها محمد ممكن تحصل معايا

-------------------

بس بصراحة أنا معجب بفكرة الملاك اللى شعره المسبسب اللى الست نعامة نشرتها ، لكن طبعا مش مسئول عن أى سؤ تفاتهم ممكن ينتج عن هذه الصورة بعد ذلك
# هسهسة Blogger أحمد : 25/8/05 21:09  
ياه الناس دي كلها كانت موجوده.....
كان عندي فضول أشوفك بصراحه يا ابليس
# هسهسة Blogger Ghada : 26/8/05 02:34  
ست نعامة

أخيرا تمكنت من اظهار صفحتك بخلفية بيضاء
ايوه كدا
خلى الواحد يعرف
يبيصبص بعينه للمكتوب
# هسهسة Blogger أحمد : 26/8/05 23:37  
والله الكلام عن ابليس بصراحه يعني من غير كسوف..بقا حاجه تكسف....انا مش قادره اتخيل انه شخصيه زينا ليها اتنين ايد واتنين رجل الله اعلم بعدد الألسنه ..والعفو يباشا انا اقصد الفصاحه اللي ابليس مشهور بيها
# هسهسة Blogger خجل : 15/9/05 14:22  
على أشكالها تقع
من الذاكرة