استقلال القضاء حق كل المصريين

الست نعامة: حرمت يا بوجي...

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

حرمت يا بوجي...

...يجي رمضان، والناس تتجنن على الأكل (وانا منهم بس مش باتجنن قوي هو أول يوم بس). أول يوم بيكون دايمًا عزومة، حتى لو مافيش حد معزوم بس الأكل بيكون كتيييييييييير ويكفي أسبوع لو في وقت تاني غير رمضان، ونفضل هام النام هام النام لحد ما ننتفخ ونبلم ونفطس :-) كمان اللمة بيكون لها تأثير قوي جدًا على فكرة.



كان زمان فيه حلقة من مسلسل بوجي وطمطم، بوجي فضل ياكل ياكل لحد ما فطس وبدأ يغني ويقول:
"بطني بتوجعني يا طمطم آه يا بطني...حرمت أملاها أوي تاني آه آه يا بطني"

وترد عليه طمطم:
"حرمت يا بوجي؟ حرمت ترمرم. واللقمة الزايدة، وكامن تغميسة....."

هو ده فعلاً البني آدم طفس على طول وعينه في اللي في يد غيره.
 14:24 أرسليها بالبريد  
هسهسات:
هو ده فعلاً البني آدم طفس على طول وعينه في اللي في يد غيره.

Heya deh el kholasa w heya deh el 7a2e2a el mora.
w el fekra en daiman kol wa7ed shayef el tani howa elli keda.
# هسهسة Blogger Eman M : 6/10/05 13:31  
يا ست نعامه يا كبيرتنا افتيني..انا شايفه اني لسا صغيره على الصيام..قولي لماما كدا..كل ما هو تحت العشرين مش يصوم ..صح ولا لأه؟
# هسهسة Blogger خجل : 8/10/05 00:56  
اسمع كلام ماما يا خجل، عشان مانجييش بعد شوية ونغني لك: وادي جزاء اللي ما يسمعش كلمة ماما تقولها :-)
# هسهسة Blogger الست نعامة : 9/10/05 13:02  
طيب الشاي في الصيام مش بيفطر..مشان بيخلينا نصوم بتركيز صح ولا انا كمان غلطانه
# هسهسة Blogger خجل : 11/10/05 19:12  
على القطايف وسنينها. كنت هاموووووت وفعلاً كنت يغني حرمت يا بوجي ويا طمطم ويازيكا كمان!!
# هسهسة Blogger butterfly : 11/10/05 21:11  
نفسي في كنافة :)
# هسهسة Blogger ibn_abdel_aziz : 12/10/05 12:23  
yalla ektebi haga tanya ba'a.
# هسهسة Blogger butterfly : 15/10/05 14:25  
على أشكالها تقع
من الذاكرة