استقلال القضاء حق كل المصريين

الست نعامة: يا حلاوة يا ولاد

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

يا حلاوة يا ولاد

امبارح المياه كانت قاطعة طول اليوم، انا كنت خرج المنزل ورجعت متأخر بالليل واكتشفت القصة ديه الساعة 1 صباحًا، ولازم آخد الدوش المسائي.
كلمت الحارس:
ـ المياه قاطعة، لو سمحت شغّل الموتور.
ـ لأ يا فندم، ديه قاطعة من الصبح، وكلمنا المرفق وقالوا كمان شوية.
ـ طيب شكرًا

طبعًا أنا مش هاسكت، طلبت الدليل 140 عشان آخد منهم نمرة مرفق مياه المعادي. وكانت مفاجأة.
ردّ عليا صوت نسائي ناعم:
"لقد اتصلتم بالمصرية للأتصالات دليل....."
وسمعت موسيقى لطيفة وأنا مذهولة على التليفون (فعًلا كنت مذهولة) يا حلوليييييييي، ايه الجمال ده كله.
ردّ عليا واحد بقى:
ـ المصرية للاتصالات، محمد اسماعيل، السلام عليكم.
ـ وعليكم السلام، ممكن لو سمحت نمرة مرفق مياه المعادي.
ـ هاتعب حضرتك وتنتظري معايا شوية على الخط.
ـ طيب مافيش مشاكل.

واشتغلت موسيقى تاني، وانتظرت والله حوالي دقيقة أو ممكن أقل كمان، ورجع لي تاني الأخ محمد اسماعيل:
ـ آسف يا فندم وشكرًا على الانتظار.
ـ مافيش مشكلة.
ـ هو فيه نمرة لشكاوي المياه هى 125 ولو حضرتك عايزة نمرة المرفق هاوصلك به دلوقتي. أي خدمة تاني؟
ـ شكرًا جزيلاً بس ممكن أقول لك ملاحظة.
ـ اتفضلي.
ـ الحقيقة أنا منبهرة بالخدمة جدًا.
ـ شكرًا يا فندم، مع السلامة.

بعد كده رجع تاني الصوت النسائي الناعم تقول:
إذا كنت ترغب بالاتصال بالرقم المطلوب اصغط 1، اذا كنت ترغب في الاستفسار عن رقم آخر اضغط 2.
ضغط على 1 لقيتني باكلم مرفق المياه!! ايه ده يا حلاوة يا ولاد، احنا فين يا سلاااااام عظيمة يا مصر :-)
 13:59 أرسليها بالبريد  
هسهسات:
مش ممكن !

انا لازم اجرب بنفسى

هو ايه موضوع "السلام عليكم" اللى ابتدا ينتشر ده ؟
# هسهسة Anonymous Mohammed Sameer : 24/10/05 18:38  
wallahi ana mabsoota enn fi 7aga helwa bete7sal. Bravo ya Na3ama. El mohem ba'a e7keeli 3an mokalmet el mrafeq el mayya wel mayya nafsaha... gatt walla lessa?
# هسهسة Blogger butterfly : 24/10/05 20:31  
و بدات محاسن الخصخصه في الظهور
يحيا رأس المال الوطني
:-)))
# هسهسة Blogger haisam (jarelkamar) : 25/10/05 00:25  
يا محمد سمير لازم فعًلا تجرب بنفسك هاتتبسط والله :-)

الفراشة: مكالمة المرفق كانت لطيفة بس مش بنفس مستوى مكالمة الدليل، والرجل كان مهذب. أمّا المياه موجودة وتنساب في الصنبووووووووور بطلاقة.
# هسهسة Blogger الست نعامة : 25/10/05 09:33  
يا ست نعامه يا ريت بس تتغطى كويس قبل ما تنامى
# هسهسة Anonymous غير معرف : 26/10/05 19:08  
HILARIOUS!!!
# هسهسة Blogger Samer Atallah : 28/10/05 05:35  
أنا مريت بنفس التجربة من حوالى شهر

و في الأول افتكرت ان في حاجة غلط

لغاية ما خلصت و جبت الرقم اللى كنت عايزه و فضلت لفترة منبهر
# هسهسة Blogger أحمد : 28/10/05 21:03  
على أشكالها تقع
من الذاكرة