الثلاثاء، نوفمبر 08، 2005
همّ وانزاح
يا سلام، أخيرًا رميتها في وشهم.
مارتاحتش قوي، بس برضو همّ وانزاح.
كنت مترددة شوية، اكتبها ازاي واقدمها لمين؛ بما إني ماعنديش مدير والحكاية سلطة شوية؟
ومرة واحدة اتخذت القرار وكتبت الاستقالة ويالا.
ألف مبروك.
مارتاحتش قوي، بس برضو همّ وانزاح.
كنت مترددة شوية، اكتبها ازاي واقدمها لمين؛ بما إني ماعنديش مدير والحكاية سلطة شوية؟
ومرة واحدة اتخذت القرار وكتبت الاستقالة ويالا.
ألف مبروك.
بادخل زى الملك للمدير اقول له انا عايز اسيب الشغل و اخرى معاك يوم كذا او اخرى معاك لما اخلص اللى تحت ايدى
لقيتوا بديل او لا مش شغلى!!!
اهلا بيكى فى حلف اصحاب الاطيان :-)
استنزاف.
بتفكريني لما استقلت من أول شغلانة اشتغلتها وفضلت محبوس فيها 4 سنوات متواصلة.
تقديم الاستقالة يساوي إحساس عجيب بالخلاص.
حتى لو كانت الشغلانة اللي الواحد بيشتغلها حلوة، برضه تركها ليه لذة غريبة. خصوصا لما تمشي وتسيبهم محتاسين!!
والمفاجأة كمان ان زميلة لي استقالت في نفس الوقت الحوسة بقى قوية جدًا، يا عيني صعبانيني عليا.
تاني مرة دخلت لمدير الشكرة و اتخانقت معاه خناقة لرب السما ، كان ناقص نضرب بعض ، و بعد وصلة من الشتيمة المعتبرة اخدت بعضي و مشيت
تالت مرة مشيت بطريقة محترة شوية ، دخلت لصاحب الشركة و كلمته بهدوء و هو تقبل الموضوع بهدوء
و يا رب تكون اخر مرة ، انا دلوقتي حر و شغال لوحدي من غير ريس ولا نيلة و يا رب ما ترجع ايام الوظيفة تاني
طيب وانتي بتعملي ايه دلوقتي؟ لقيتي حاجة تانية؟ لو عايزة ممكن اساعدك ، بس قوليلي انتي عايزة تشتغلي ايه و انا احاول اساعدك
انت بقى بتعمل ايه ممكن اشتغل معاك؟ والله مش باهزر.
ابعتلي على الايميل لو سمحت.
عقبالي يا رب بقى
أتمنى تنبسطي في شغلك القادم، و برضو تستقيلي منه لما تزهقي.، و تروحي للأحسن منه.
يااه ده الشغل مسبب ارق للكل، طب ليه بنخنق نفسنا، انا مش عارفة. ياللا خير.
و ماعرفتش اجيبه من فين لأنه موش موجود في البروفايل
لو عايزه تبعتيلي الميل بتاعي اهو
SPRING456 at YAHOO.COM
SPRING1478932 at HOTMAIL.COM
مستني ردك
دي علامة أن قيد الشغل مش بيقيدك من جوه
علامة حياة... علامة رجاء
ممممم .. هوة الحقيقة لو الواحد فعلاً كاره شغله كدة، بيبقى زى المحبوس فى قمقم
و إنتى دلوقتى أخدتى حريتك
يبقى مبروك عليكى "حريتك"
وطبعاً أنا معرفكيش فأتخيل إني أروح لواحدة ماشية في حالها أقولها "سيادتك الست نعامة؟؟"
عموماً مش مبروك على الإستقالة لكن ألف مبروك إنك مستريحة
المهم تعالي واسأل على دينا في تنمية الموارد.