الست نعامة: الأهرامات التلاتة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الأهرامات التلاتة

صحيت زهقانة من النوم.
ماما في البيت، واخدة أجازة هى كمان.
أنا: ماما تييجي نخرج.
ماما: ياللا، والجو حلو.
أنا: نروح فين؟
ماما: جنينة الحيوانات.
أنا: جميل، ونشوف الحيوانات الغلبانة عاملة ايه في القفص.

نحضّر تُرمُس الشاي والساندويتشات وكمان برتقانة لي وواحدة لماما.
نركب المَركَبة ونذهب إلى الحديقة. الجنينة زحمة، بلاش بقى مش عارفين ندخل كمان.
أنا: نروح الهرم يا ماما.
ماما: فكرة حلوة.
هوبّا على الأهرامات التلاتة، طبعًا المكان هناك واسع ومش هانحس بالزحمة.



كنت لسه هناك في حفلة العقارب، ولكن في المساء. آخر مرة ذهبت للأهرامات التلاتة كان من سنتين مثلاً مع الغزالة والبطة والفيل أبو زلومة، وركبت الجمل هاهاها.
المهم اشترينا التذاكر (2 جنيه للفرد المصري و2 جنيه للعربية!!!)، وها هى الأهرامات التلاتة.



افترشنا الأرض بالبساط الأبيض * أخضر وطلع تُرمُس الشاي والساندوتشات والبرتقال. وقعدنا في الشمس، كنت باتفرج على الناس اللي حوالينا، أطفال مدارس (نسانيس) وأجانب من جنسيات مختلفة وعساكر على جمال قال ايه بتحرس الآثار.

وحانت ساعة الرحيلِ، صفافير وسارينة، أنا قلت حاجة حصلت قنبلة ولاّ حاجة.
أنا: فيه ايه يا ريس؟
العسكري على الجمل: ما فيش حاجة يا ست، ده معاد المرواح.



ونلم البساط ونسير في اتجاه المَركَبة.
العسكري: ممنوع يا ست تمشي من هنا، كملي على طول.
أنا: احنا مروحين والعربية هناك.
العسكري: آه طيب، معلش يا بيه أصلهم راكنين في الباركو.


ورجعنا البيت بعد رحلة ظريفة قضتها الست نعامة مع الست الوالدة.
 23:32 أرسليها بالبريد  
هسهسات:
very amusing reading in the middle of my exam days! thank you ya sit na3ama..
# هسهسة Blogger Samer ATALLAH : 30/11/05 05:59  
ربنا معاك يا أستاذ سامر عطالله. ألف مبروك.
# هسهسة Blogger الست نعامة : 30/11/05 13:06  
كيف حالك يا آنسة نعامة "" لم تعجبني كلمة ست"

يظهر لي أن منزلكم قريب جدا من الأهرامات .. هل تعليمن .. حلمي زيارة الأهرامات و لو لمرة واحدة :(
# هسهسة Anonymous غير معرف : 30/11/05 18:35  
منزلنا بعيد عن الأهرامات أيها الصديق أحمد.
تعالى انت بس واحنا هانفسحك.
# هسهسة Blogger الست نعامة : 1/12/05 10:10  
يعني إذا جيت .. تستقبليني ؟
و الله أنا محظوظ جدا .. بس المشكلة إنو صعب إيجي السنة دي ... ممكن السنة اللي جاية .. إن شاء الله

وأنت .. كمان شرفينا يا صديقة نعامة .. :)
# هسهسة Anonymous غير معرف : 1/12/05 14:03  
تشرفنا يا صديقي أحمد وتنور كمان.
# هسهسة Blogger الست نعامة : 4/12/05 11:03  
مكنتش اعرف انك محجبه يا ست نعامه
# هسهسة Anonymous غير معرف : 4/12/05 13:42  
لأ دي مش النعامة يا عم دي الست الدكتورة والدة النعامة
# هسهسة Blogger لولفين : 4/12/05 16:22  
زي ما لولفين قالت، ديه الست الوالدة مش أنا.
# هسهسة Blogger الست نعامة : 4/12/05 16:26  
على أشكالها تقع
من الذاكرة