استقلال القضاء حق كل المصريين

الست نعامة: طبق شوربة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

طبق شوربة

قاعدة باشتغل لا بيّا ولا عليّا. دخل زميل الغرفة عندي: "أنا النهاردة جايب معايا حلّة شوربة عدس عشان عيد ميلادي كان امبارح وعايزين نحتفل كلنا مع بعض."
وفي دقائق اتفرشت حجرة الإجتماعات (يا عيني عليها) بالأطباق، والحلة (تورتة عيد الميلاد) في منتصف الترابيزة، وحواليها البصل الأخضر، والطماطم الحمراء المغسولة جيدًا والعيش الناشف. وقوموا إغرفوا وبالهنا والشفا.
بعد ملىء البطون وظهور مفعول البصل، انسى إن حدّ يعرف يركز تاني في إللي كان بيعمله قبل الحادثة الأليمة ديه. ولسّه احنا في منتصف اليوم، فاضل 4 ساعات على المروّاح. المهم كل الزملاء ماشيين يعطروا المكاتب عشان ريحة البصل فايحة والضيوف إللي بييجوا بيجلهم اختناق هاهاها.
هاحاول أركز تاني، كويس إني كتبت الكلمتين دول أصلاً.
 13:32 أرسليها بالبريد  
هسهسات:
واللة يا ست نعامة عيد ميلاد فانتاستيك خالص يمكن افكر فى عيد ميلادى الجاى اعمل شوربة عدس بدل التورتة دمك زى العسل
# هسهسة Blogger rubyeldaly : 26/1/06 21:25  
منتهي الرومانسيه
# هسهسة Anonymous غير معرف : 27/1/06 00:48  
البصل ده موروث فرعوني واعتقد انه كان سبب نبوغ الفراعنة وأكيد حيكون سبب في نبوغك يا نعامة بس الا صحيح النعام بياكل عدس وبصل
# هسهسة Blogger عشقك ندي : 28/1/06 01:56  
دي اكيد عيد ميلاد في السجن
# هسهسة Blogger sph1nx : 29/1/06 12:33  
تصدق يا سفنكس فعًلا قبل ما نتبدي أكل واحد افتكر فيلم 30 يوم في السجن، لمّا حطوا شبّة في شوربة العدس بدل من الملح :-)
# هسهسة Blogger الست نعامة : 29/1/06 12:54  
حصلت عندنا حفله مشابهه بس التورته كانت بصاره
بس النتيجه واحده
# هسهسة Blogger طائر الرخ الرياضي : 29/1/06 15:02  
في الشغل برضو؟
# هسهسة Blogger الست نعامة : 29/1/06 15:22  
في الشغل طبعا و الخواجه (المدير) اتضايق من ريحه البصل الاخضر
بيني و بينك الريحه كانت جامده شويه
# هسهسة Blogger طائر الرخ الرياضي : 29/1/06 16:33  
ياه، فكرتيني بأيام الكشري و المحشي في الشركة القابضة
# هسهسة Blogger Shamoussa : 29/1/06 20:56  
على أشكالها تقع
من الذاكرة