الست نعامة: الوراجي وقرع الطبول

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الوراجي وقرع الطبول

امبارح الغابة كان فيها دوشة جامدة جدًا والجيران اشتكوا وكان ممكن يشتكونا للسلطات، مش عارفة ايه إللي حصل لبقية الحيوانات؛ أنا روّحت لعشّي بدري عشان أصحى وأروح الشغل إللي مش عايز يخلص ده.
المهم، ذهبت عند التنين والكوالا، وتجمعت الصحبة اللأرنب، طائر الرُخ والسحلية وضيف غريب، شوية وظهر السلمندر والقرد وابتدت الحيوانات تهل. الغرض من التجمع ده، هو التعرف على عادات وتقاليد غابة جديدة علينا وكمان نسمع مغامرات الحيوانات هناك، ونتفرج على الصور ونسمع الحكايات.
وفجأة ظهر الوراجي، وما أدراكم ما الوراجي، الحقيقة ماجرّبتوش، عشان انا حيوان هوائي لامائي وبالتالي الوراجي من أعدائي (هاهاها). مالحقتش أشوف مفعوله ايه على الحيوانات ولكن إللي حصل ممكن يخلّيني أتخيل بقية الليلة كانت عاملة إزاي؛ السلمندر مسك الدجمبه Djembe وبدء في العزف المنفرد.

african instrument 26.01.06

وهوبا الرُخ قام وبدء يغني أغاني التراث الغابي القديم، واشترك معاه بقية المدعوين، طبعًا كل إللي فاكر إن صوته جميل (زيي كده) وياسلام على غناء الرُخ مع السلمندر إيديله في الأداء العالي جدًا.
بس كده كفاية وحمد الله على السلامة.
 12:15 أرسليها بالبريد  
هسهسات:
الموسيقى في الغابة! همممم
بعد الرياضة في الغابة اكتشفنا أن فيها كمان موسيقيين.
# هسهسة Anonymous غير معرف : 28/1/06 15:14  
على أشكالها تقع
من الذاكرة