استقلال القضاء حق كل المصريين

الست نعامة: يوم الجمعة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

يوم الجمعة

كل عائلة في الغابة حِدانا عندها طقوس خاصة بها. احنا بقى عندنا طقوس ليوم الجمعة.
أنه يوم الفووووووووووول العالمي.
لازم العائلة تفطر فول الصبح. يعني نصحى بدري كلنا، وناكل فول.
فيه فول بالزبدة والكمون (وده حبيبي)، فول بالزيت والليمون، فول السلطة (وده بقى إللي مش باحبه خالص، ولكن الاب مصمم إني باحبه وبيعمله لي على طول)، وفول بالثوم والمقدونس (ده مش بطّال). فيه بقى أنواع تاني بس احنا مش بنعملها؛ زي الفول المطبوخ .
جنب الفول طبعا بيكون فيه مأكولات أخرى، مثل البيض (المقلي، أو المسلوق). وكمان طبق الخلطبيصة.

ايه بقى الخلطبيصة ديه؟ أن أن أن تششش.
ديه إللي بقية الحيوانات يطلقون عليها الجبنة بالطماطم. ولكن عندنا بتكون لها طريقة مخصوصة وسحرية. ماحدش بيعرف يعملها زيينا كده. نضيف إلي الجبنة البيضاء الطماطم والجرجير والبصل الأخضر والخيار وشوية زيت زيتون أو زيت عادي ونقلب. لو الملح زيادة ممكن اضافة زبادي. بس برضو مهما قلت مش هاتطلع زي بتاعتنا.

وياسلام بقى لو فيه ناس كتير على الافطار (ساعات بيكون تجمع عائلي كبير من العم وأولاد العم، والخال والخالة والجدة، وكل مين عايز ياكل ويبلّم طول اليوم)، يضاف إلى كل ده الفطير الشهي والطعمية (ويا سلام لو بيتي مافيش أحسن من كده) والبطاطس المحمرة. الله يا حلولي على الفطير والعسل الأسود بالطحينة. طبعا فيه عسل أبيض بس أنا لا أفضله عشان كده مش باتكلم عنه خالص.
وأكيد كوب (أحسن أقول جردل) الشاي بالحليب بيتشرب مع الكلام ده كله.
ونفضل نتكلم نتكلم وناكل ناكل لحد ما ننفجر كلنا ونبلّم، والشاطر إللي يقوم ويعرف يعمل أي حاجة بقية يوم الجمعة. ماما بتكون دايخة دايما بعد الأكلة ديه وبابا كمان وكل واحد بيدوّر على كنبة أو سرير يترمي عليهم ويتنّح. لدرجة ان السيد الوالد جاب لنا دواء لهضم الفول عشان نعرف نستمر.

مرة كنت مسافرة في زيارة لغابة في قارة تاني، وفات عليّ يوم جمعة مافطرتش فيه فول معاهم، وصلتني رسالة على التليفون المحمول، محتواها كان كلمة واحدة طويلة: فوووووووووووووووووول.
وبالهنا والشفا.
 13:31 أرسليها بالبريد  
هسهسات:
طبق الخلطبيصة دا يستحق التجربة
و كمان الفول بالثوم
# هسهسة Blogger bluerose : 14/3/06 20:33  
فكرتيني بالخلطبيصة، كنا بناكلها في المعسكرات. وشكرًا على الوصفات الفووووولية
# هسهسة Blogger beastboy : 14/3/06 22:53  
Rabenah yisamheik ya sit na3ama.. fakarteini fi ayam el goma3a wi lameit el 3eila wi el foul bel beid..

om el home sickness..
# هسهسة Blogger Samer Atallah : 15/3/06 04:14  
ليه يا سامر يا عطالله..مانتممكن برضو تاكل فول بالبيض (ده برضو بيجبلي تلبكات معوية) في كندا، ولا ايه؟
# هسهسة Blogger الست نعامة : 15/3/06 10:26  
تعالي زورني في البلوج
# هسهسة Blogger 7ader : 15/3/06 23:28  
الله يسامحك جوعتينى
# هسهسة Anonymous غير معرف : 15/3/06 23:29  
في فول يافلفل و الطماطم دا معدي أنصحك بيه يا ست نعامة
# هسهسة Blogger Zengy : 18/3/06 00:03  
هو ايه علاقة كرنفال الفول بيوم الجمعة انا كمان عندي نفس الطقس مع اني باكل كل يوم فوووووووول
# هسهسة Blogger أنا : 18/3/06 13:38  
زنجي: فول الفلفل والطماطم والمقدونس هو ده الفول بالسلطة إللي مش باحبه.
أنا: فول يوم الجمعة بيكون له طعم خاص ومختلف تماما عن فول بقية الاسبوع.
# هسهسة Blogger الست نعامة : 20/3/06 11:27  
This is my 1st my 1st visit to your blog,
I reside in the States now, but lived 44 years of my life in Alexandria ....home.
I cam actually taste the foooool now in my mouth.
Rabenna ma ye7remek men baladek, wala men ahlek, wala men el-lamma el7elwa beta3et elfetar.
by the way, nafasek 7elw felakl.
# هسهسة Blogger aiman : 29/3/06 01:11  
Thnx for the recipie i should try it sometime ... I really liked your style in describing the food and the atmosphere and how your family feels ... very true words and also very "egyptian" :) I hope to read more from you soon
# هسهسة Anonymous Hossam : 9/5/06 14:37  
على أشكالها تقع
من الذاكرة