استقلال القضاء حق كل المصريين

الست نعامة: الصندوق الأسود

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الصندوق الأسود

بداخل كل انسان صندوق أسود يسجل فيه كل حاجة عنه وعن حياته. والمعلومات داخل الصندوق مش عشان نخبيها ونحجبها عن نفسنا أو عن الآخرين، المعلومات بداخله ممكن استرجاعها في أي وقت ولكن لأشخاص معينيين حسب أهمية المعلومة..هى مش معلومات حربية ولا أسرار يعني، هى ممكن تكون مشاعر وأحاسيس جميلة أو مشاعر ضيق، ذكريات جميلة أو أليمة، أحداث حقيقية أو خيالية. وكل انسان وحسب طبيعته وما يريد أن يسجله في صندوقه الأسود. أنا عندي صندوقي بس مش أسود لونه أحمر.

كان بياخد وقت طويل عشان يُقدم على خطوة جريئة، بس ده وهما صغار في السن. ولكن مع تقدم العمر، يتعلم الأنسان من تجاربه السابقة ويحاول أن يحسن من نفسه ويطورها. عشان ياخد قرار أنه يُقبّل حبيبته كان مضى على علاقتهما 3 سنين...وكانت خطوة جريئة ولكن جميلة وفي يوم لطيف من أيام الشتاء. وحدث ما لم يتوقعاه أن يدخل شخص آخر وياخذه منها..وبالتطور السريع للعلاقة الجديدة بدأت الخطوات والقرارات التي كانت جريئة في وقت مضى وتحتاج لردح من الزمان من التفكير قبل القدوم عليها، سهلة وتحدث في ثواني..برضو العلم تقدم والعولمة والعالم الذي اصبح قرية صغيرة بيأثر علينا.

وسلم لي على العولمة والقرية الصغيرة.
 03:25 أرسليها بالبريد  
هسهسات:
ساعات من سرعة الأحداث الواحد بيلاقي نفسه مخطوف و مش ملاحق، لكنه لازم يتأقلم بسرعة و يتعلم الملاحة في النهر السريع، زي ألعاب الفيديو، ريفر ريد مثلا.

أو لو هو شخص جبار بقى يوقف العالم من حواليه، زي ماتريكس، على بال ما يفكر هيعمل إيه و يتصرف ازاي
:)

على فكرة، الصندوق الأسود لونه برتقالي فاقع فوسفوري مسخس، علشان يبان.
# هسهسة Anonymous ألِف : 12/6/06 02:08  
مش عارف ليه فجأة و انا بقرأ التدوينة خطر في بالى هاجس او رؤيا و هى ان يوم القيامة بدل ما ربنا يسلمنا أعمالنا على كتاب و اوراق هنأخد
c.d
# هسهسة Blogger أحمد : 15/6/06 12:02  
ضحكتني يا بيسو وانا مش عايزة اضحك :-)
# هسهسة Blogger الست نعامة : 15/6/06 12:09  
الصندوق الأسود

تشبيه فعلا بليغ

بس ياترى
مين يقدر يترجمنا
# هسهسة Blogger طائر الليل الحزين : 17/6/06 17:41  
الجهاز العصبي البشري أعقد مما تتخيل ، وعلشان كدة لو فكرنا في تطبيق نظرية الصندوق الأسود حنلاقيها بدائية جداً ..

محدش من البشر حيعرف يفتح صندوقك الأسود ..

غيرك..

الباسوورد معاك يا ريس! :-)

وهية دي المشكلة!
# هسهسة Blogger قلم جاف : 19/6/06 15:10  
وضوع اتخاذ القرار ده و انه في البدايات بياخد وقت حقيقي و بعد كده الواحد بيتعلم انه يقتنص الفرص و لا ينتظر كثيرا ... انا صندوقي ابيض بصراحه اخترت له اللون الابيض علشان يداري الكحلي الل جواه شويه
انتوك
# هسهسة Blogger karakib : 21/6/06 21:07  
على أشكالها تقع
من الذاكرة