استقلال القضاء حق كل المصريين

الست نعامة: عودة أبو قردان لدنيا الغربان

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

عودة أبو قردان لدنيا الغربان

عاد أبو قردان تاني لحياته الطبيعية، وبدأ يشتغل شغلانة روتينية. وبما إن الصيف (الأمور) دخل فالشغل قليل. يروح الشغل يلاقي بقية الغربان طاروا على عششهم.
طيب يعمل ايه في وقت الفراغ، يذهب لمقهى في منطقة راقية ويقضي فيه وقت ويتحادث مع عملاء آخرين في بلاد بعيدة بيقلب رزقه معاهم (على رأيه). المهم كان متنرفز ومستَفَز وأنا باكلمه. وحكى لي عن قصته مع المانجة:

Mango 13.07.06

النعامة: مالك يا أبا قردان؟
ابو قردان: هم بيعلموهم السماجة ولا بيختاروهم كده؟
النعامة: هم مين؟
ابو قردان: هنا في القهوة.ابتسامة صفراء غلسة وتخلف حضاري؛ قال إيه... عايز يحط لي كريمة على المانجة.
كاتك نييلة.
عايز حد يردحله ويعرفه مقامه.
بيضحك على الكتاكيت اللي في القهوة إكمنهم محدثين.
لا والنبي واحد جوافة بالكاري.
طبقة تخنق؛ مُدعو الـ"كلاس"، والكلاس منهم براء، منتشرين في كل مكان
يخلقون العادات الجديدة الغريبة المتخلفة.
جاي بابتسامته الرخمة يقول لي: إيه أخبار المانجة؟
قلت له : حادقة!
قال لي: دي طبيعيّة.
ماهو باين.
قال لي: خلاص المانجة؟ ومسك الكباية عايز ياخدها مني. وكمان جايبلي شفاطة مع المانجة القطع!!! قتلني خلاص.
ايه يا ست نعامة إللي بيحصل هنا، الغربان لبست شورت وكشفت بطنها!
بس لسه غربان، ماهو أصل الغراب غراب ولو لبس شبشب أو قبقاب.
وكمان بيلبسوا المدعو "فليب فلوب". أنا مش فاهم ازاي بيعرضوا صوابع رجليهم للتراب والماء.

toes 13.07.06 toes

أنا ممكن أموت لو أصيبت أصابع قدميّ بالتراب أو المياه. ممكن يعذبوني في السجن بوضع أصابعي في شبشب بصباع!! تتجمع فيه الأتربة والعرق. مع إني صوابعي قبيحة لكنني أحافظ عليها من الشباشب.
للحديث بقية طويلة.مش مهم دلوقتي.

بس معي رسالة لزحلوف من أبو قردان بيقول له أنه منتظره.

إللي نطلع به من هذه القصة الطويلة..أن الغراب مهما عمل فهو برضو غراب وبلاش تزوروا دنيا الغربان كتير عشان المانجة هناك حادقة. ونخلّي بالنا لو هانلبس شبشب بصباع ماندسش في التراب عشان صوابعنا تفضل نظيفة.

سلاماتي.
 15:55 أرسليها بالبريد  
هسهسات:
للمرة الثانية ، وللثانية الاولى ، ولحرب الثوانى ، فى بحر ثوابى ، الكثير ، ، أن أقول ،كلامك ست نعامة مش مفهوم ، ولا نقوم ، أو من يحب مثلما أحببنا ، لفهم مثلما فهمنا ، مانجة حادقة وغراب وشبشب وصوابع حلوه ووحشة وتراب ، مفردات ، مفردات ، وبرده الست نعامه تقول حرية ، انا حره ومياه راكده ، أنا السيول السميرية ، طبعا السيول معروفه ، والسميرية بقى دى ايه ، ، على العموم لازم نفكر ، على فكرة مدونتك ، للمرة الثانية وللصدفة تقع بين يدى ، وخايف تبقى دايمة ، ست نعامة سلام ، ولبقية الكلام كلام
# هسهسة Blogger القلجاوى : 14/7/06 13:04  
ست نعامه والله قريت الموضوع اكتر من 15 مره ومش عارف اطلع بئى تصور عن ى حاجه يعنى عزرينى يمكن نا متخلف
بس ان عارف ان فى حجه جوه الكلام ايه هى مش عارف فى نص تحتى بس النص الفوقى عالى اوى اوى
بصراحه لو تقربى الحاجات من بعض شويه ممكن نستمتع بيها
انا جديد هنا بس بحاول
بشكرك
# هسهسة Blogger msafa : 14/7/06 20:38  
من الواضح يا سيّدة الطيور أنّ أبا قردان ليس طبقيّاً فحسب، لكنّه عنصريّ إلى أبعد الحدود...
يضطهد الغربان لا لسبب إلاّ لسواد لونهم، هو الأبيض ناصع البياض... ماذا يفعل يا ترى في دنيا الغربان؟ وما الذي رماه على المانجو، ما يخلّيه في الديدان؟
# هسهسة Blogger R : 15/7/06 19:09  
كلام جميل كلام معقول مش فاضى اقول حاجه عنه و اللهى يا اخونا و لا مؤخزه يا ست ناعمه او زى متحبى اندهلك مش عارف ايه الخلانى اتكلم او اعلق بس بصراحه انا بجد شايف انك عندك حاجه جميله اوى ياريت تكون عند الناس كلها عندك فراغه بتقتليه بالفلسفه و التطلع و ده جميل و يمكن ميكونش كلامى صح و يمكن تكونى مشغوله عنى بس بغض النظر عن ده كله انا كنت داخل ادور على اغانى اطفال عشان بحث و يمكن ده الجبنى هنا و يمكن حتى لو حبيت اجى تانى معرفش على كل حال انا اتبسط اوى فالموقع بتاعك يمكن عشان مبقاش فى وقت للبحث عن خواطر و على فكره صورك فى الماطق الغريبه دى جميله و كونك صغيره فى السن مخليكى تبانى انسانه عقله و بتفكر بس حولى تحولى تفكيرك اكتر للتطوير و ربنا يوفقك سلام يا ست نعامه و تمنالك خواطر هاديه دافيه جميله
# هسهسة Anonymous modyelkopotan : 3/12/06 09:04  
على فكره يمكن كان غباء منى انى اجاوب من غير مقرا اللى انتى كتباه و تعليقى حاجه واحده يا ابو قردان ده مش مكانك و اديك شوفت انه مش مكانك ده مكان الغربان متحولش يا غلبان تبقى غراب هتقرف من التراب الهيوسخ حجات كتير اولها صوابعك ده انت حتى هتقرف تجرب الشبشب و على رأى المثل ابو قردان ابو قردان و لو لسه صاحى من النوم صدقنينى يا ست نعامه قولى لابو قردان ميشربش من عصير مش بتاعه كل شيخ و له طريقته و اكيد بلد الغربان مليانه عجايب و و سلاماتى
# هسهسة Anonymous modyelkopotan : 3/12/06 09:19  
على أشكالها تقع
من الذاكرة