الست نعامة: فبراير 2006

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

حقيقة الحياة

يااااه لو أدرك الانسان حقيقة الحياة...كم هى قصيرة...لا تستحق كل هذا العناء.
أيجب علينا أن نعيش حياتنا كما فرضها علينا القدر...أم نغيرها لما هو أفضل لنا ونستمتع بها؟
آه لو كنت أعرف ما يخبئه الدهر لي.
ما عليّ إلا الإنتظار.
 15:15 أرسليها بالبريد  

أحزاني

حداداً على الطيور المدبوحة في مجزر الحكومة وعلى شهداء انفلونزا الطيور، سوف اختفي لفترة خوفاً على نفسي الحقيقة من العدوى. ويا عالِم هارجع امتى. ممكن اموت في الغربة وممكن أعود سليمة.
خلّي بالك من العيال يا باتعة.
 21:57  5 هسهسات أرسليها بالبريد  

آخر حركات شعبولّة

إهداء للدوك


خلصنا الصبر كله ..

وبردو مفيش حلول ..

اهى وصلت الاهانة للدين وللرسول

رسول الله محمد.. إمام الأنبياء..

عايزين يهزوا صورته ..السفلة الأغبياء

كل الأديان بريئة من اللى هانوا النبي ..

عشان دي ناس مجنونة أكبر ما فيهم غبي

Sha3bolla 16.02.06

لو يقرأ عن محمد هيعرف هو مين ..

رسول الانسانية الصادق الأمين

دنمارك ايه يا عالم ..

حتى بتوع العجول ..مين دول عشان يقولوا كلام على الرسول

هقول ومش رح اسكت ..والناس هتقول معايا.. عايزين مقاطعة شاملة ..

وبردو مش كفاية

لو كل الناس هتسكت ..في رب اسمه الحسيب..

عاوزين نعمل حاجة .. في خدمة الحبيب .
 14:05  6 هسهسات أرسليها بالبريد  

صور قديمة

وجدت هذه الصفحة.
 14:08  1 هسهسات أرسليها بالبريد  

وادي الذئاب

يا ترى يا هل ترى، هل هانشوف الفيلم ده في مصر؟
 10:48  2 هسهسات أرسليها بالبريد  

الماضي المرعب للنعامة (مقتبس)

كتب ألِف في العام الماضي عن الماضي المرعب للنعامة، والحكاية ديه عملت بلبلة في الغابة، كانت مشكلة كبيرة. وأغلبية الحيوانات والطيور وعلى رأسهم أبو قردان قرروا اخفاء كل تاريخهم كي لا يكونوا فريسة لأعوان ألِف من المخبرين :-)

النهاردة وأنا باتصفح ناشيونال جيوجرافيك كعادتي كل يوم وجدت هذا الخبرعن المزعوم انه جدو تيرانوصورُس رِكس.
 11:26  4 هسهسات أرسليها بالبريد  

أمثال

عجبتني مثل فرنسي الآية ديه من الأنجيل:

before you look at the straw in your neighbour’s eye see the tree in your own.

وهو على ما أعتقد يُقابل المثل الشعبي الأنجليزي:

إللي بيته من زجاج مايحدفش الناس بالطوب.

كتبت ده بمناسبة حوار دار على البريد الأكتروني بين مجموعة من أصدقائي عن مقاطعة الدانمارك وتصريحات ملكة الدانمارك عن إظهار المعارضة للدين الأسلامي.

المهم، جاء رد من شخص دانماركي كالتالي:

"لقد علَّقت ملكة الدانمارك مارجريت الثانية عن الهجرة وتأثيرها على التكامل الوطني، أتفق معك. ولكن، برجاء التأكد هل شخص مثلي يُسمح له بالهجرة إلى مصر أو السعودية؟ هل يُسمح لمزدوجي الجنسية (جاسوس، من الممكن أن تلوث سمعة البلاد بالخارج...) بالأنضمام للبرلمان كما هو مسموح في الدانمارك؟"
وانتهى الرد.

على فكرة أنا لا مؤيدة ولا معارضة؛ أنا باعرض ما جاء في رسالة بشكل محايد.
وفي الآخر كل سنة وانت طيب يا حَمارنَب
 11:22  0 هسهسات أرسليها بالبريد  

فعلاً غباء

كتب شمس عن الغباء. اتفق معه في التعجب، لحدَ امتى هافضل أكلم الناس عشان أقول لهم وحشتوني، يقولوا لي وانت كمان!!!
سؤال مش هاعرف أرد عليه.
بس عجبني الموضوع.
 16:45  2 هسهسات أرسليها بالبريد  

ابتسامة

النهاردة الخميس ممكن عشان كده سعيدة؟ مش عارفة.
صحيت متأخر كالعادة، وصلت الشغل وأنا مبسوطة وعلى وشّي ابتسامة :-)
غريبة، مافيش أي حاجة حصلت أو مثلاً مستنية حاجة تحصل النهاردة، بالعكس ده يوم عادي جدًا من أيام الأسبوع، حتى مش عارفة هاعمل ايه بعد الشغل، شكلي كده هاروَّح أقعد في البيت، وأحاول أظبّط لمباراة بكرة.
عامةً أنا مبسوطة النهاردة.
 11:13  4 هسهسات أرسليها بالبريد  
في مرمى البصر
على أشكالها تقع
من الذاكرة