الأربعاء، مارس 21، 2007
مكان اسمه الوطن
من فترة وانا متابعة قناة أوه (مش عارفة اكتبها ازاي) بيزيعوا كده مساء كل سبت فيلم تسجيلي.
من حظي اتفرجت على فيلمين من اخراج تامر عزت (هل هو أخو عمرو عزت؟ اصله يشبهه تمام). امبارح بقى كان فيلم من انتاج اليونيسكو واسمه "مكان اسمه الوطن". وتتميز أفلام تامر عزت بالكآبة غير طبيعي الحقيقة. أول فيلم شاهدته كان عن أحوال المصريين المقيمين في أمريكا بعد أحداث 11 سبتمبر.
أما هذا الفيلم بيصور معنى الوطن بالنسبة ل4 أشخاص: همس (المصرية العائدة بعد فترة طويلة من الخارج وبتتكلم عربي مكسر، ولكن معجبة بحياتها الجديدة في مصر)، ميريام (الفتاة المسيحية إللي كانت بتحب محمد المسلم ولما اتكشفت قصة الحب قررت الهروب)، محمد (البالغ من العمر 32 وبيكسب 2500 جنيه في الشهر ومش عارف يحوّش عشان يتجوز، ونفسه يغني بس المنتجين مش بيعجبهم أغانيه وبيساعد والده في مصنع الجبن بس عايز يسافر عشان مافيش فايدة هنا) وأخيرا معتز(إللي ابوه توفى ترك له أخوه الصغير وامه عشان يرعاهم وهو خاطب ونفسه يلاقي شقة صغيرة يعيش فيها، بس مش عايز يسافر).
بيجيب كل شخص على حده وحياته ازاي ماشية..والناس حول كل شخص. وفي الآخر تقرر ميريام الهجرة إلى كندا ومحمد يقدم ورق هجرة إلى استراليا بس لسه لم يقرر مصيره ايه..همس تتزوج من حبيبها الاجنبي بعد اشهار اسلامه لأقتناعه بالدين الاسلامي..يكت معتز كتباه على سلمى وينتظر الشقة.
بتعجبني افلام تامر عزت هى بتتناول الواقع بكآبة شوية بس لطيفة. مش عارفة أنا مين تامر عزت ده بس أفكاره عجباني الحقيقة..استمر يا تامر:-)
من حظي اتفرجت على فيلمين من اخراج تامر عزت (هل هو أخو عمرو عزت؟ اصله يشبهه تمام). امبارح بقى كان فيلم من انتاج اليونيسكو واسمه "مكان اسمه الوطن". وتتميز أفلام تامر عزت بالكآبة غير طبيعي الحقيقة. أول فيلم شاهدته كان عن أحوال المصريين المقيمين في أمريكا بعد أحداث 11 سبتمبر.
أما هذا الفيلم بيصور معنى الوطن بالنسبة ل4 أشخاص: همس (المصرية العائدة بعد فترة طويلة من الخارج وبتتكلم عربي مكسر، ولكن معجبة بحياتها الجديدة في مصر)، ميريام (الفتاة المسيحية إللي كانت بتحب محمد المسلم ولما اتكشفت قصة الحب قررت الهروب)، محمد (البالغ من العمر 32 وبيكسب 2500 جنيه في الشهر ومش عارف يحوّش عشان يتجوز، ونفسه يغني بس المنتجين مش بيعجبهم أغانيه وبيساعد والده في مصنع الجبن بس عايز يسافر عشان مافيش فايدة هنا) وأخيرا معتز(إللي ابوه توفى ترك له أخوه الصغير وامه عشان يرعاهم وهو خاطب ونفسه يلاقي شقة صغيرة يعيش فيها، بس مش عايز يسافر).
بيجيب كل شخص على حده وحياته ازاي ماشية..والناس حول كل شخص. وفي الآخر تقرر ميريام الهجرة إلى كندا ومحمد يقدم ورق هجرة إلى استراليا بس لسه لم يقرر مصيره ايه..همس تتزوج من حبيبها الاجنبي بعد اشهار اسلامه لأقتناعه بالدين الاسلامي..يكت معتز كتباه على سلمى وينتظر الشقة.
بتعجبني افلام تامر عزت هى بتتناول الواقع بكآبة شوية بس لطيفة. مش عارفة أنا مين تامر عزت ده بس أفكاره عجباني الحقيقة..استمر يا تامر:-)
تامر عزت مخرج جديد بيحاول يلاقي مكانه في عالم السينما الوثائقية
فيلم مكان اسمه الوطن مش كئيب ابدا ولا حاجة هو بيتكلم عن معنى الوطن عند الناس وازاي بيختلف من شخص للتاني
ممكن يكون الوطن هو الناس اللي بتحبهم
او المكان اللي بترتاح فيه
او المكان اللي بتنجح فيه
او ممكن ما يكونش فيه وطن خالص
فيه ناس بتفضل تدور عليه كتيير
:)
شاهدت الفيلم من فترة
لم يأخذني أسلوبه السينمائي
و لكن الفيلم طرح السؤال فعلا بشكل فيه ذكاء و كآبة بعض الشيء
و الكآبة في الفن - إن لم تتحول بؤسا - عادة ما تكون لطيفة