الأربعاء، مارس 21، 2007
لحظات تقرف
إذ بي أفوجأ بمسلسل غريب كده على تليفزيون دبي اسمه لحظات حرجة. ايه حكايته ده..نسخة مصرية من المسلسل الأمريكي غرفة الطوارىء (ER)
طبعا متخيلين بقى النسخة المصري عاملة ازاي..وبعدين سؤال؛ هل احنا في مصر عندنا اصلا غرفة طوارىء؟ م هو الاستقبال في المستشفيات هو الطوارىء الحقيقة (ده إللي انا أعرفه ممكن أكون مخطئة). ولكن حسب تجربتي مع المستشفيات وبما إن النعام الكبير عندنا كلهم أطباء وبيشتغلوا في مستشفيات، محدش أبدا حكى عن غرفة الطوارىء ديه.
إللي يغيظ بقى انهم نسخوا المسلسل الأمريكي ومثلوه بالعربي..يااه على الفقع، وطريقة الكلام..تمثيل فعلا، وبعدين من امتى الممرضات عندنا بالنظافة ديه والاهتمام والرعاية ده كله؟ ده انا الممرضة كانت هتموتني وبعد الفقس.
وبعدين في المسلسل الأمريكي الواحد بيحس انهم فعلا دكاترة وبيفهموا ولكن في لحظات القرف ديه ابدا خالص كافيش معلومة حتى..ناس حافظة وبتسمع.
اتفرجوا واحكولي بقى.
طبعا متخيلين بقى النسخة المصري عاملة ازاي..وبعدين سؤال؛ هل احنا في مصر عندنا اصلا غرفة طوارىء؟ م هو الاستقبال في المستشفيات هو الطوارىء الحقيقة (ده إللي انا أعرفه ممكن أكون مخطئة). ولكن حسب تجربتي مع المستشفيات وبما إن النعام الكبير عندنا كلهم أطباء وبيشتغلوا في مستشفيات، محدش أبدا حكى عن غرفة الطوارىء ديه.
إللي يغيظ بقى انهم نسخوا المسلسل الأمريكي ومثلوه بالعربي..يااه على الفقع، وطريقة الكلام..تمثيل فعلا، وبعدين من امتى الممرضات عندنا بالنظافة ديه والاهتمام والرعاية ده كله؟ ده انا الممرضة كانت هتموتني وبعد الفقس.
وبعدين في المسلسل الأمريكي الواحد بيحس انهم فعلا دكاترة وبيفهموا ولكن في لحظات القرف ديه ابدا خالص كافيش معلومة حتى..ناس حافظة وبتسمع.
اتفرجوا واحكولي بقى.
يزيد . نت
yazeed.net
هم بيعملو كده ليه؟
مدرسة نقل المسطرة هي مدرسة قائمة بذاتها في الفن المصري ، وهناك أفلام مصرية نقلت نقل مسطرة من الأفلام الأمريكية..
كانت مهمة من يفعلون ذلك سهلة على أساس أن الناس لا تشاهد الأفلام الأمريكية الأصلية .. ومحدش واخد باله..
لكن الجديد في الموضوع أن صناع "لحظات حرجة" مصرون وبشكل غريب على النقل المسطري رغم أن قطاعاً كبيراً من المتفرجين الشباب قد شاهد حلقة واحدة على الأقل من إي آر!
ورغم أن البعض ناقشوني في ذلك ، إلا إنه لما تجيبيلي السما ع الأرض مش قادر أبلع حكاية أوضة الطوارئ اللي في المسخة - عفواً : النسخة - العربية من المسلسل!
فتحول من لحظات حرجه الى لحظات محرجه
- جريده الدستور-