استقلال القضاء حق كل المصريين

الست نعامة: حرامية رجب

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

حرامية رجب

المشهد الأول
الست نعامة تذهب لمحل النضارات لأستلام النضارة الجديدة بتاعتها وتلبسها وتحط القديمة في جراب الجديدة وتمشي.

المشهد التاني
الست نعامة عايزة تشتري شوية حاجات من البقال الكبير إللي اسمه اولاد رجب، معها الكيس إللي فيه النضارة، تسلمه للأمانات وتاخد رقم وتدخل البقال الكبير وتتبضع.

المشهد الثالث
خرجت الست نعامة بعد م اشترت كل إللي عايزاه. تذهب بالرقم للأمانات لأستلام كيس النضارة. وكانت المفاجأة أن أن أن تشششش.

النعامة: اتفضل الرقم.
العامل: الدرج فاضي حضرتك.
النعامة: يعني ايه فاضي فين الحاجات بتاعتي؟
العامل: ماعرفش بس الدرج رقم 7 فاضي. حضرتك متأكدة انك سبتي الكيس هنا؟
النعامة: يعني انا جبت رقم من بتنا عشان اتبلى عليكم هنا يعني ولا إيه؟
العامل: هو الكيس كان فيه ايه؟ أكيد حد أخده بالغلط وهيرجعه بكرة.
النعامة: وياخده بالغلط ليه؟ وازاي يستلم الكيس وهو مش معاه الرقم أصلا؟
العامل: اصل فيه زباين بتقول الرقم ضاع مني.

يدور نقاش حاد حول الأمانة وانهم مشغلين قرآن طول النهار والليل وآيات قرآنية قبل الدخول والبضاعة المباعة لا ترد ولاتستبدل إلا بالوصل وحاجات من ديه . وبعدبن يتكلموا عن شخص مجهول سرق حاجة.

النعامة: هل هو الشخص إللي سرق الكيس بتاعي؟
العامل: لأ ده واحد تاني؛ أصل حضرتك هنا بيحصل حاجة؛ العمّال بيخبّوا مسروقات في أكياس ويخرجوا بها على انها بتاعة زباين، ودلوقتي حضرتك هتشوفي كمين لواحد من العمال.
النعامة: يا حلولي وبتقول لي الكلام ده دلوقتي وانا حاجاتي مسروقة..يعني انتم بتشغلوا عندكم حرامية بقى.
عامل آخر: بس حضرتك المفروض كنت تاخدي بالك من أخد منك الكيس.
النعامة: يا سلام، لأ طبعا. انا مش ملزمة إني أبحلق في الناس، أنا اديته الكيس وهو اداني رقم أعرف منين انه حرامي؟ ومن تاني اصلا بيقف هنا غيرك؟
العامل: ماحدش والله!!!
المدير يتدخل: هدّي نفسك حضرتك، حقك هيوصلك لحد عندك.

المشهد الرابع:
كمين للعامل الحرامي إللي سرق ملابس داخلية وخارج بها. والست نعامة واقفة تتفرج ومحروق دمها والضغط عليّ عندها وصدعت وتعبت من الخناق.

المشهد الخامس والأخير:
المدير: حضرتك ممكن تنتظري لحد بكرة وبعدين لو مفيش حاجة رجعت هندفع لحضرتك الفلوس.
النعامة: أنا عايزة أعمل محضر، كده حقي هيضيع.
المدير: بلاش يا هانم محضر، انا هحلهالك ان شاء الله بكرة.

النعامة واقفة جنب الأمانات وتحذر الناس من ترك أشيائهم. واحد عايز يسيب كيس عيش، النعامة تقوله: ليه حضرتك تسيبه؟ خده معك أضمن من هنا..وهكذا وهكذا.

الست نعامة تاخد مشترياتها وتقف تسأل العاملين، يا ترى من الجاني، عامل الأمانات، ولاّ زبون محترف ولاّ النعامة نفسها؟

الجاني هو....

إذا عرفتم الحل اتصلوا ب 747120 إذاعة.

تحديث

حتى هذه اللحظة مازال الجاني حر طليق يتمتع بالنظارات بتاعة النعام ويشوف كويس وغيره يا حرام حولان.

 10:19 أرسليها بالبريد  
هسهسات:
بسم الله الرحمن الرحيم
اللص هو المدير لأنه هو الشخصية الوحيدة التى لم تظهر إلا في أخر الأحداث
كما انه لا يخدع للتفتيش ومفيش حد بيعمل له كمين
# هسهسة Blogger أحمد : 4/4/07 14:42  
يا ساتر.
موقف سخيف جدا خصوصا إنه جاي في النظارة.
نظارة الواحد دي زي شرفه وعرضه تمام.
يا نهار اسود!
والنظارة الجديدة كمان؟!
# هسهسة Blogger ميشيل حنا : 5/4/07 01:07  
اللص هو رجب الأب
# هسهسة Blogger African Doctor : 5/4/07 01:20  
ده بجد
لبى
انا مككن اقتلهم

يا اغصب عليهم يعلقوا رساله للحرامى اياه
سلم النضاره يسلموك هم فلوس و لا كرتونه حاجه
# هسهسة Blogger Dananeer : 5/4/07 09:10  
مش متخيلة المنظر أصلاً.. بس النظارة القديمة هى إللى إتسرقت مش كده؟
طب، هل حصل جديد، كلموكى أصلاً أو أى حاجة؟
# هسهسة Blogger Mimi : 5/4/07 10:39  
غلطانه
غلطانه
غلطانه
كان لازم تضمنى حقك,مخدتيش بدالها كرتونبه شيبسى ليه.احترمك اوى لما جرستيهم "احنا نروح القسم واللى ليه حق يخدوااااااا"
معملتيهاش ليه,ياشيخه حد يلاقى فرصه كده ويسبها
# هسهسة Blogger SaSo : 7/4/07 00:46  
# هسهسة Anonymous غير معرف : 7/4/07 18:13  
يعني يا ست نعامة كان لازم تسيبيها امانات، دي الشنطة بندخل بيها السوبرماركت بتتسرق، يبقي نسيبها امانات؟؟
# هسهسة Blogger egiziana : 9/4/07 21:16  
أهو إللي حصل بقى ..يظهر ان احترام القواعد والنظام مش مطلوب.هى غلطتي عامة عشان الواحد محترم زيادة عن اللزوم.
# هسهسة Blogger الست نعامة : 10/4/07 11:23  
فيه موقف مشابه من بعيد حصل لي على فكرة ..

المذهل في اللي حصل لي هو قدر الحماية الرهيبة اللي بيحظى بيها موظف المحل رغم إنه مشتبه بيه في سرقة ، في الوقت اللي لو واحد اشتغل بذمة في مكان وقل أحد الزباين أدبه عليه تلاقي صاحب الشغل جامل الزبون على حسابه..
# هسهسة Blogger قلم جاف : 12/4/07 19:39  
Ma3lesh ya Dina
Al hamdulella enna mesh el naddara el gededa
yekherbeet el hokoma any ways
# هسهسة Blogger Shaker : 13/4/07 04:38  
يا جماعة محدش سرق حاجة
هو الراجل قرأ الرقم بالمقلوب
هي في درج رقم 8 مش 7
اولاد رجب عندهم ارقام الامانات بالعربي اصلهم
# هسهسة Anonymous Omar O.K : 3/5/08 19:03  
واللة السرقة فية حلال علشان بيسرق الناس عينى عينك من الاغذية المنتهية الصلاحية اللى بيزوقها فى اطباق فوم ويديها للناس الغلابة صحيح ربنا بيسلط ابدان على ابدان.....فينك يا وزارة الصحة والتموين
# هسهسة Anonymous غير معرف : 12/1/10 03:33  
توتة تقول
بلاش نغلط فى حد ياريت الى عندة كلمة حلوة يقولها او يحفظ لسانة الى يودية على جهنم والى بيقول بيوزع ماكولات فاسدة الى بيحاسب ربنا وياسيدى وزع انت الكويس بدل مانتكلم وبس
# هسهسة Anonymous غير معرف : 9/5/10 18:23  
على أشكالها تقع
من الذاكرة