استقلال القضاء حق كل المصريين

الست نعامة: يوم البيئة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

يوم البيئة

النهاردة يحتفل العالم بيوم البيئة.

environmental day1

والمفروض ان السنة ديه أول مرة كل محافظات مصر كمان بتحتفل..لما نشوف هيعملوا إيه بقى النهاردة..آخرهم استعراض لعربيات خضراء وعيال لابسين أخضر زرعي.
اقترحت الأمم المتحدة 77 طريقة للأحتفال بيوم البيئة العالمي، منها اقتراح لأصحاب المركبات عدم استخدامهم لها وركوب العجل بدلا منها (هأوووو)، واقتراح تاني لو مش هينفع قصة العجل ديه، يزرعوا 10 شجرات (هأووين).
أهو يوم وهيعدي زي بقية الأيام لا جديد.
هتلاقي النهاردة الكلام عن الأحتباس الحراري والتغير المناخي كتير (ماهو النهاردة هو يوم الكلام ده).

environmental day2

أقترح أحد أساتذة كلية الزراعة، جامعة الزقازيق اقتراح عجبني جدا، وهو لخفض درجة حرارة الجو في مصر 5 درجات مئوية (وديه حاجة حلوة جدا وياريت تحصل بالفعل) وهو ايه بقى الأقتراح!!
أن يتبرع كل مواطن بجنيه فقط لوزارة الزراعة، وتقوم الوزارة باستخدام هذه الأموال لزراعة 750 مليون شجرة كافور أو جزولين (إللي تمن الشجرة منهم 10 قروش يعني ولا حاجة) ويتم زراعة هذه الأشجار حول المدن الجديدة والمحافظات الصحراوية.
والله اقتراح هايل، بس نضمن منين ان الفلوس ديه فعلا هتستخدم لشراء الأشجار؟؟

وكل عام وأنتم بخير.
 09:07 أرسليها بالبريد  
هسهسات:
ده انا على بال مادفع الفلوس في الخزنه و الاقى الموظف و ........ يكون جالى احتباس

قال ادفع فلوس للحكومه قال ؟ هااواواو!!
# هسهسة Blogger M.Sameer : 5/6/07 11:57  
يا سلام يا ست، هايلة. بس ممكن تزرعي الشجر من غير وزارة الزراعة خالص. مش إنت من المعادي؟ شوفي جميعة محبي الأشجار ممكن تعمل إيه.

و بطلي مشورة بالعربيات على الفاضي و أكل لحمة.عيشوا عيشة النعام بقى!
# هسهسة Blogger عمرو غربية : 5/6/07 18:11  
على الهامش :

لازم خمسة يونية ، مش ينقوا يوم غير دة علشان يعملوه يوم عالمي للبيئة؟
# هسهسة Blogger قلم جاف : 5/6/07 23:08  
يا عمرو: انا فعلا فكرت ان اتصل بجمعية محبي الأشجار وأقولهم ع الفكرة. وتاني حاجة أنا مش باكل لحمة كتير خالص. مش زي ناس بتاكل لحم النعام نفسه!!!
# هسهسة Blogger الست نعامة : 6/6/07 10:21  
# هسهسة Blogger أحمد غربية : 8/6/07 02:32  
ويا ترى يا أحمد زرعت شجرة واحنا في العام الجديد ولا لسه؟ أنا فعلا رحت مشتل عشان اجيب منه كافور بس مكنش عندهم هروح واحد تاني بكرة.
# هسهسة Blogger الست نعامة : 10/6/07 09:58  
على أشكالها تقع
من الذاكرة