استقلال القضاء حق كل المصريين

الست نعامة: جازولين كحولي

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

جازولين كحولي

العربية محتاجة بنزين..أروح محطة بنزين "وطنية"، أفوّل العربية...شم شم شم، إيه ده! الريحة غريبة شوية.. ممكن فيه عربية بتسرب حاجة.

أخرج من البنزينة..الريحة لسه موجودة...ياخوفي ع المركبة أحسن تكون خربت ولا حاجة...تختفي الريحة شوية..طب كويس مش عربيتي بقى الحمد لله.

أعدي من جنب عربية وانا ماشية في الشارع،،شم شم شم إيه ده! نفس الريحة تاني!!! الله هو فيه إيه؟!

اسمع الناس بتتكلم عن غش البنزين بالسبرتو..ناس تاني تتكلم عن ان ديه هى ريحة البنزين الأصلية..أصل ده بنزين مش مغشوش..مش إللي احنا بنستخدمه طول عمرنا، قصة تالتة بقى تقول إيه؛ أصل ده بنزين مستورد من لبيا أو دبي، يا حلاوة يا ولاد.

وأنا مالي بقى بنزين نضيف ولا مستورد، ذنبنا إيه العربيات تخرب، ونتوه احنا بقى عشان نصلح والعيب منين وغلطة مين والكلام ده كله.

التسميات:

 12:32 أرسليها بالبريد  
هسهسات:
كل مرة ألمح العنوان أفتكرة أسم واحدة أسمها جازولين كحولي !!..
# هسهسة Blogger Mostafa : 19/9/07 12:16  
صحيح وانا طول النهار امبارح شامة ريحة سبرتو .. افتش في العربية يمين شمال مفهمتش ..
ريحة كل العربيات كده تقريبا
انا اتخضيت جدا في الأول .. وبعدين اكتشفت اني غيرت البنزين ومونت من (الوطنية) الله يحرقهم بقى بالجاز بتاعهم ..
بس هل فيه مكان موثوق فيه ولا العربيات هتخرب بقى
# هسهسة Blogger bluestone : 19/9/07 16:46  
الاحتمال الاكبر ان الجديد هو الاصلى والقديم كان مغشوش
مع ان الريحه مش موحيه بكده خااااالص
# هسهسة Blogger e7na : 20/9/07 12:26  
و العربيات هتمون بدل البنزين برفاااان
"احمد فؤاد نجم"
انتوا ايش فهمكم دي من علامات الرخاء العظيم, ادعوا لعم العمدة ادعوا له.....و كمان ادعوا له
# هسهسة Anonymous Black : 24/9/07 10:42  
على أشكالها تقع
من الذاكرة