الأربعاء، أبريل 04، 2007
حرامية رجب
المشهد الأول
الست نعامة تذهب لمحل النضارات لأستلام النضارة الجديدة بتاعتها وتلبسها وتحط القديمة في جراب الجديدة وتمشي.
المشهد التاني
الست نعامة عايزة تشتري شوية حاجات من البقال الكبير إللي اسمه اولاد رجب، معها الكيس إللي فيه النضارة، تسلمه للأمانات وتاخد رقم وتدخل البقال الكبير وتتبضع.
المشهد الثالث
خرجت الست نعامة بعد م اشترت كل إللي عايزاه. تذهب بالرقم للأمانات لأستلام كيس النضارة. وكانت المفاجأة أن أن أن تشششش.
النعامة: اتفضل الرقم.
العامل: الدرج فاضي حضرتك.
النعامة: يعني ايه فاضي فين الحاجات بتاعتي؟
العامل: ماعرفش بس الدرج رقم 7 فاضي. حضرتك متأكدة انك سبتي الكيس هنا؟
النعامة: يعني انا جبت رقم من بتنا عشان اتبلى عليكم هنا يعني ولا إيه؟
العامل: هو الكيس كان فيه ايه؟ أكيد حد أخده بالغلط وهيرجعه بكرة.
النعامة: وياخده بالغلط ليه؟ وازاي يستلم الكيس وهو مش معاه الرقم أصلا؟
العامل: اصل فيه زباين بتقول الرقم ضاع مني.
يدور نقاش حاد حول الأمانة وانهم مشغلين قرآن طول النهار والليل وآيات قرآنية قبل الدخول والبضاعة المباعة لا ترد ولاتستبدل إلا بالوصل وحاجات من ديه . وبعدبن يتكلموا عن شخص مجهول سرق حاجة.
النعامة: هل هو الشخص إللي سرق الكيس بتاعي؟
العامل: لأ ده واحد تاني؛ أصل حضرتك هنا بيحصل حاجة؛ العمّال بيخبّوا مسروقات في أكياس ويخرجوا بها على انها بتاعة زباين، ودلوقتي حضرتك هتشوفي كمين لواحد من العمال.
النعامة: يا حلولي وبتقول لي الكلام ده دلوقتي وانا حاجاتي مسروقة..يعني انتم بتشغلوا عندكم حرامية بقى.
عامل آخر: بس حضرتك المفروض كنت تاخدي بالك من أخد منك الكيس.
النعامة: يا سلام، لأ طبعا. انا مش ملزمة إني أبحلق في الناس، أنا اديته الكيس وهو اداني رقم أعرف منين انه حرامي؟ ومن تاني اصلا بيقف هنا غيرك؟
العامل: ماحدش والله!!!
المدير يتدخل: هدّي نفسك حضرتك، حقك هيوصلك لحد عندك.
المشهد الرابع:
كمين للعامل الحرامي إللي سرق ملابس داخلية وخارج بها. والست نعامة واقفة تتفرج ومحروق دمها والضغط عليّ عندها وصدعت وتعبت من الخناق.
المشهد الخامس والأخير:
المدير: حضرتك ممكن تنتظري لحد بكرة وبعدين لو مفيش حاجة رجعت هندفع لحضرتك الفلوس.
النعامة: أنا عايزة أعمل محضر، كده حقي هيضيع.
المدير: بلاش يا هانم محضر، انا هحلهالك ان شاء الله بكرة.
النعامة واقفة جنب الأمانات وتحذر الناس من ترك أشيائهم. واحد عايز يسيب كيس عيش، النعامة تقوله: ليه حضرتك تسيبه؟ خده معك أضمن من هنا..وهكذا وهكذا.
الست نعامة تاخد مشترياتها وتقف تسأل العاملين، يا ترى من الجاني، عامل الأمانات، ولاّ زبون محترف ولاّ النعامة نفسها؟
الجاني هو....
إذا عرفتم الحل اتصلوا ب 747120 إذاعة.
تحديث
حتى هذه اللحظة مازال الجاني حر طليق يتمتع بالنظارات بتاعة النعام ويشوف كويس وغيره يا حرام حولان.
الست نعامة تذهب لمحل النضارات لأستلام النضارة الجديدة بتاعتها وتلبسها وتحط القديمة في جراب الجديدة وتمشي.
المشهد التاني
الست نعامة عايزة تشتري شوية حاجات من البقال الكبير إللي اسمه اولاد رجب، معها الكيس إللي فيه النضارة، تسلمه للأمانات وتاخد رقم وتدخل البقال الكبير وتتبضع.
المشهد الثالث
خرجت الست نعامة بعد م اشترت كل إللي عايزاه. تذهب بالرقم للأمانات لأستلام كيس النضارة. وكانت المفاجأة أن أن أن تشششش.
النعامة: اتفضل الرقم.
العامل: الدرج فاضي حضرتك.
النعامة: يعني ايه فاضي فين الحاجات بتاعتي؟
العامل: ماعرفش بس الدرج رقم 7 فاضي. حضرتك متأكدة انك سبتي الكيس هنا؟
النعامة: يعني انا جبت رقم من بتنا عشان اتبلى عليكم هنا يعني ولا إيه؟
العامل: هو الكيس كان فيه ايه؟ أكيد حد أخده بالغلط وهيرجعه بكرة.
النعامة: وياخده بالغلط ليه؟ وازاي يستلم الكيس وهو مش معاه الرقم أصلا؟
العامل: اصل فيه زباين بتقول الرقم ضاع مني.
يدور نقاش حاد حول الأمانة وانهم مشغلين قرآن طول النهار والليل وآيات قرآنية قبل الدخول والبضاعة المباعة لا ترد ولاتستبدل إلا بالوصل وحاجات من ديه . وبعدبن يتكلموا عن شخص مجهول سرق حاجة.
النعامة: هل هو الشخص إللي سرق الكيس بتاعي؟
العامل: لأ ده واحد تاني؛ أصل حضرتك هنا بيحصل حاجة؛ العمّال بيخبّوا مسروقات في أكياس ويخرجوا بها على انها بتاعة زباين، ودلوقتي حضرتك هتشوفي كمين لواحد من العمال.
النعامة: يا حلولي وبتقول لي الكلام ده دلوقتي وانا حاجاتي مسروقة..يعني انتم بتشغلوا عندكم حرامية بقى.
عامل آخر: بس حضرتك المفروض كنت تاخدي بالك من أخد منك الكيس.
النعامة: يا سلام، لأ طبعا. انا مش ملزمة إني أبحلق في الناس، أنا اديته الكيس وهو اداني رقم أعرف منين انه حرامي؟ ومن تاني اصلا بيقف هنا غيرك؟
العامل: ماحدش والله!!!
المدير يتدخل: هدّي نفسك حضرتك، حقك هيوصلك لحد عندك.
المشهد الرابع:
كمين للعامل الحرامي إللي سرق ملابس داخلية وخارج بها. والست نعامة واقفة تتفرج ومحروق دمها والضغط عليّ عندها وصدعت وتعبت من الخناق.
المشهد الخامس والأخير:
المدير: حضرتك ممكن تنتظري لحد بكرة وبعدين لو مفيش حاجة رجعت هندفع لحضرتك الفلوس.
النعامة: أنا عايزة أعمل محضر، كده حقي هيضيع.
المدير: بلاش يا هانم محضر، انا هحلهالك ان شاء الله بكرة.
النعامة واقفة جنب الأمانات وتحذر الناس من ترك أشيائهم. واحد عايز يسيب كيس عيش، النعامة تقوله: ليه حضرتك تسيبه؟ خده معك أضمن من هنا..وهكذا وهكذا.
الست نعامة تاخد مشترياتها وتقف تسأل العاملين، يا ترى من الجاني، عامل الأمانات، ولاّ زبون محترف ولاّ النعامة نفسها؟
الجاني هو....
إذا عرفتم الحل اتصلوا ب 747120 إذاعة.
تحديث
حتى هذه اللحظة مازال الجاني حر طليق يتمتع بالنظارات بتاعة النعام ويشوف كويس وغيره يا حرام حولان.
اللص هو المدير لأنه هو الشخصية الوحيدة التى لم تظهر إلا في أخر الأحداث
كما انه لا يخدع للتفتيش ومفيش حد بيعمل له كمين
موقف سخيف جدا خصوصا إنه جاي في النظارة.
نظارة الواحد دي زي شرفه وعرضه تمام.
يا نهار اسود!
والنظارة الجديدة كمان؟!
لبى
انا مككن اقتلهم
يا اغصب عليهم يعلقوا رساله للحرامى اياه
سلم النضاره يسلموك هم فلوس و لا كرتونه حاجه
طب، هل حصل جديد، كلموكى أصلاً أو أى حاجة؟
غلطانه
غلطانه
كان لازم تضمنى حقك,مخدتيش بدالها كرتونبه شيبسى ليه.احترمك اوى لما جرستيهم "احنا نروح القسم واللى ليه حق يخدوااااااا"
معملتيهاش ليه,ياشيخه حد يلاقى فرصه كده ويسبها
المذهل في اللي حصل لي هو قدر الحماية الرهيبة اللي بيحظى بيها موظف المحل رغم إنه مشتبه بيه في سرقة ، في الوقت اللي لو واحد اشتغل بذمة في مكان وقل أحد الزباين أدبه عليه تلاقي صاحب الشغل جامل الزبون على حسابه..
Al hamdulella enna mesh el naddara el gededa
yekherbeet el hokoma any ways
هو الراجل قرأ الرقم بالمقلوب
هي في درج رقم 8 مش 7
اولاد رجب عندهم ارقام الامانات بالعربي اصلهم
بلاش نغلط فى حد ياريت الى عندة كلمة حلوة يقولها او يحفظ لسانة الى يودية على جهنم والى بيقول بيوزع ماكولات فاسدة الى بيحاسب ربنا وياسيدى وزع انت الكويس بدل مانتكلم وبس