الأربعاء، أغسطس 15، 2007
أنيمال
شخصية أنيمال في المابيت شو كانت هايلة جدا. أصلا مش بيتكلم، هو كل إللي بيعمله في الحلقات إللي بيظهر فيها انه يكسر، يتخانق أو يعمل مشاكل وخلاص. ديه أكتر شخصية بحبها، وكمان بحب الرجلين العواجيز المتفرجين إللي بيتريقوا على كل حاجة ويضحكوا عليها. وطبعا الضفدع حبيب الملايين :-)
الحقيقة كل شخصيات المابيت شو مش سهلين خالص، بس أنيمال الحقيقة مفيش زييه.
كان المابيت شو بييجي زمان ع القناة التانية في التليفزيون المصري، افتقدها فعلا، الحلقة قصيرة وخفيفة. ومن أشهر الحلقات إللي انيمال أبدع فيها هى الحلقة ديه. حتى الأغنية بتاعتها مشهورة جدا ولسه الناس بتغنيها لحد دلوقتي، مع إن ملهاش معنى أصلا.
can't write arabic lel asaf :))
manamanaaaaaa
يمكن لإن عندنا ميل للشخصية "اللي فيها علامة مميزة" بنفس منطق مسرحية عادل إمام (ضربة شومة - لطشة مطواة..الخ).. دة اللي في نظري خلا أنيمال يسَمَّع عندنا أكثر من كيرميت الحبوب ، بيجي اللي بتحاول تلفت الانتباه ليها ، فوزي مدعي المعرفة ، المخترع المجنون وغيره!
فتحتي نفسي على كتابة تدوينة مخصوص عن المابيت شو .. لكن في الغالب حتبقى بعد رمضان والعيد إن شاء الله!
لكن أنا ما كنتش باحب الضفدع لأنه كان بيتكلم كثير و كمان ما كنتش بافهم هو بيقول إيه. طبعا لما بقيت أفهم بقيت أستحمله.
هو و الفرخة ال بتجري من الشف السويدي.
المبت شو عموما من أحسن البرام ال باحبها على الإطلاق.