الست نعامة: أمل وعمر

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

أمل وعمر

درسنا في سنة أولى ابتدائي كتاب أمل وعمر واستمرت دراسة حياة أمل وعمر وبقية الأقارب لسنة ثانية ابتدائي أو ثالثة مش فاكرة الحقيقة. وكنت بعيش بقى مع أمل وعمر وسعاد وفريد قرايبهم إللي بييجوا يزوروهم في الأجازة.

نشيد أمي

وكان فيه درس عن ساعي البريد:

"افتح الباب فريد،انه عمي سعيد، انه ساعي البريد، انه جاء إلينا ....مرحبا عمي سعيد"

مش فاكرة البقية.

ودرس عن البطة إللي فوق الشجرة، هاهاها

فوق الشجرة بطة

وديه شوية صفحات من الكتاب إللي اختفى من مناهج التعليم في مرحلة التعليم الأساسي. ويُعتبر هذا الكتاب ثروة علمية ونادر الوجود الأن وإللي لسه عنده ومحتفظ به هيكوّن ثروة مع الزمن.

عيد سعيد في بيتنا طيور درس الغسيل نشيد أبي

التسميات: ,

 13:43 أرسليها بالبريد  
هسهسات:
لى اخ مجند اسمه محمد
قام فى الصباح يحمل السلاح
قال انى ذاهب يا اخى احارب
مصرنا تنادى امنا تنادى
حطموا القيود اعبروا السدود

"من الزاكرة"

انت جيتى على الجرح ، الكتاب ضاع منى
# هسهسة Blogger محمد عبد الغفار : 7/8/08 14:20  
من "الذاكرة" يا أخ محمد عبد الغفار :-)

أنا ممكن يكون الكتبا عندي لسه في كرتونة في البلكونة بس مش متأكدة لازم أرتدي ملابس الغطس، وأبحث عن المفقود تحت الأنقاض.
# هسهسة Blogger الست نعامة : 7/8/08 14:29  
أتذكر أن أمل و عمر كانوا كل شوية يروحوا الجرن. مش فاكر كانوا بيعملوا أية في الجرن. يا ترى كانوا بيعملوا أية؟
# هسهسة Anonymous غير معرف : 8/8/08 16:39  
مصطفى حسين: قول انت بقىىىىىىىىى.
# هسهسة Blogger الست نعامة : 11/8/08 11:24  
و ما هو الجرن؟
# هسهسة Blogger African Doctor : 14/8/08 12:51  
يا دكتور أفريقانو الجن ده كان زي الحظيرة بس هو مش الحظيرة وكان فيه كومة تبن كبيرة كده.
# هسهسة Blogger الست نعامة : 14/8/08 13:39  
مش عارفة ليه مش مطمنة لسؤال مصطفى حسين اللي في التعليق اللي فوق "يا ترى كانوا بيعملوا أيه؟"
حاساه شبه تخيلاته الشريرة عن علاقة ماما نجوى ببقلظ
:)
# هسهسة Blogger monasosh : 16/8/08 23:13  
معت: معاه حق الحقيقة عشان هما كانوا على طول هناك وكل شوية هيا نذهب للجرن، أمل وعمر في الجرن ولما ييجوا أقاربهم سعاد وسعيد برضو يروحوا الجرن على طول، يبقى مصطفى معاه الحق كله.
# هسهسة Blogger الست نعامة : 17/8/08 10:45  
وقطتي صغير اسمها نميره

وبسبس دي شخصيه محوريه ومفضله الي قلبي عشان كانت دايما تلعب بالكره
تحياني
# هسهسة Blogger عزيز عيني : 19/8/08 13:33  
أزال المؤلف هذا التعليق.
# هسهسة Blogger مراقب مصري : 22/8/08 18:03  
جنب البيت حقل وجرن

نحن نركب الحمار
ولا نركب الخروف

ودايما المعلمة كانت بتلبس أخضر مش عارف ليه

وجدت قلم
قلم من؟
أحمد عثمان 2/ 2 (تانية تاني)

وكان فيه درس بس مش فاكر نصه عن ساعي البريد

كان منهج عبقري
بعدها قرروا يعدموا أمل وعمر وجابو مكانهم أشرف وسمر وفشلوا فشلا ذريعا

----
بالنسبة لموضوع الجرن
أحب أذكركم إن أمل وعمر اخوات
هو ممكن عمر كان بياخد نرجس ع الجرن؟
مش فاكر
مكتوب عندك إيه في الكتابة يا ست نعامة؟
# هسهسة Blogger مراقب مصري : 22/8/08 18:05  
ياااه!! من فترة موش بعيدة أوي، جه على بالي كتاب القراءة، أمل وعمر! معرفش ليه حسيت بإشتياق له! يمكن من كتر ما بتدور في دماغ الواحد منا من مواضيع ومسؤوليات والذي منه من أشياء مينفعش نهرب منها... يمكن علشان كده أمل وعمر كان بالنسبة لي ذكرى جميلة لأيام ولت ولن تعود... أيام البراءة؟ يمكن ويمكن ويمكن... ويفضل أمل وعمر مقصدا جميلا نقصده كلما زاد حنيننا وإشتياقنا لعمر الخمس سنوات...
# هسهسة Anonymous غير معرف : 30/8/08 01:50  
على أشكالها تقع
من الذاكرة