استقلال القضاء حق كل المصريين

الست نعامة: تجاهُل

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

تجاهُل

للمرة التانية تتداخل عندي أحاسيس ومشاعر مختلفة ولكن مرتبطة ببعض، وسؤالي لنفسي هل أتاجاهلها ولاّ أفكر فيها بعمق وأبني على أساسها قرارات حاسمة، ممكن تصيبني بالاكتئاب لفترة (الله أعلم طويلة أم قصيرة). قرار صعب، ولكن التجاهُل برضُه صعب مش سهل. حاجات كتير بتحصل ولها دلالات مش عارفة أستمر في الامبالاة اليومية وكأن مافيش حاجة وعادي، ولاّ آخد بالي وأركز. لو ركزت هاتعب وأتضايق بلاش أحسن وخلليني كده. شكلي كده هاستعمل كريم "طنّش" اللي بيستعمله راء. بس مش هاقدر انا مش كده خالص، أنا بادقق في كل حاجة. لمّا نشوف بقة هيحصل ايه في الأيام القادمة.
 11:35 أرسليها بالبريد  
هسهسات:
المشكلة أن كريم طنش
يجب ان يكون تصنيع محلى .. يعنى لازم يكون الشخص نفسه عنده جواه طنش
# هسهسة Blogger أحمد : 7/4/05 15:46  
يا ستّ نعامة... التطنيش أنواع!

هناك تطنيش انهزامي وتطنيش انتصاري، تطنيش سلبي وتطنيش إيجابي، تطنيش بمزاجك وتطنيش استسلامي.

مرّة وأنا عند السيّد الحلاّق كان مشغل فيلم لإسماعيل ياسين عمري ما شفته قبل كده.
في الفيلم كان إسماعين (اختصار لإسماعيل ياسين) يقول لمُخاطَبه:
"تَلْحَمْ تِعيش!"

أنا بقى أرى أنّ التطنيش غير التَلْحَمة!
التلحمة جابتنا ورا..

الناس متلحمة وفاكرين أنّهم عايشين
لا الرفيّع فيهم راضي بحاله ولا التخين
وكُلّه بيجعجع ويشتكي ويقول أيّامنا سوده
لا عاجبهم ماريّا إلعَب ولا إسماعيل ياسين
عجبي!
ـ
# هسهسة Blogger R : 7/4/05 21:49  
جالك أوان ووقفت موقف وجـــود
يا تجود بده يا قلبي، يا بده تجــــود
ما حد يقدر يبقي على كل شـــــــئ
مع إن – عجبي – كل شيء موجود

صلاح جاهين
# هسهسة Blogger minesweeper76 : 8/4/05 06:15  
ايه الجمال ده كله. أشعار السيد راء وكمان صلاح جاهين.
# هسهسة Blogger الست نعامة : 8/4/05 15:46  
على أشكالها تقع
من الذاكرة