الست نعامة: ذكريات أسوان

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

ذكريات أسوان

كان من حظي السنة اللي فاتت 2004 إني قضيت معظم الصيف وبداية الشتاء (ابتداءً من ابريل لحد أول نوفمبر) متنقلة بين القاهرة وأسوان.



كانت تاني زيارة لي لأسوان في أبريل، أول مرة زرتها كنت مع المدرسة في رحلة تانية ثانوي. قضينا هناك أسبوع أو ممكن أكتر في رحلة نيلية من الأقصر إلي أسوان، وفي السكة مررنا على اسنا وادفو وكوم امبو...



المهم زرت أسوان كتير بعد كده، ولفيت معظم الأماكن اللي فيها سيرًا على الأقدام وديه أحلى حاجة. في يوم بس قلت أعمل زي السياح وأتفسح بالحنطور وطبعًا أركب فلوكة وأزور جزبرة سهيل.



أهل البلد مافيش أطيب من كده وبشوشين.



السفرية ديه كانت لعمل زيارة ميدانية لبعض جمعيات تنمية المجتمع المحلي التي نعمل معها في دراو (الجعافرة - القفطية - بلانة أول - بلانة تاني - بلانة تالت - النجاجرة).
في آخر يوم للزيارة حصل تأجيل في موعد الطائرة (كعادة الطيران الداخلي) طيب نعمل ايه، لسه هانسافر بكرة بالليل، نروح أبو سمبل بقى.
زرت لأول مرة في حياتي معبد أبو سمبل اللي تم نقله لانقاذه من الغرق. صحينا الساعة 4 الفجر، وركبنا المايكروباص، وذهبنا إلي أبوسمبل، الطريق استغرق 3 ساعات.


وصلنا، وأخدنا الجولة المعتبرة، والتصاوير وقعدت في الشمس الجميلة (نقص كالسيوم)، ووقفت أتفرج على البحيرة المخيفة وجاء موعد العودة الى أسوان.



وبينما أكتب هذه السطور يستمتع القرد وزحلوف والطاووس بوقتهم في صحراء أسوان.
 14:42 أرسليها بالبريد  
هسهسات:
كمان من الذكريات اللى لازم يا ست النعامه تحكى لنا عليها انه في مثل هذا الشهر تقريبا يوم 21-ديسمبر انتى بداتى المدونة بتاعتك

لازم نعرف ذكريات بدايات المدونة
:-)
# هسهسة Blogger أحمد : 1/12/05 19:14  
مرحبا يا آنسة نعامة .. شو أخبارك ؟
يعني أنت تتكلمي كتير عن سفرياتك في مصر .. و أنا يحترق قلبي .. بلاش الله يرحم والديك بلاش .
على فكرة .. يظهر من الصورة إنك مشاكسة أوي :)

و كل سنة و أنت طيبة .. و هسهساتك و خربشاتك أحلى و أحلى :)
# هسهسة Anonymous غير معرف : 2/12/05 07:15  
I've laways wanted to visit most arab countries,like Sudan for example.. we know too little about each other..Too bad it costs too much to travel and it's hard for a girl if her parents don't want to travel, so it's nice nice to at least read about how other palces are :)
# هسهسة Blogger Catherine : 3/12/05 17:08  
ابليس: الحكاية ديه هاخصص بها تدوينة مخصوص بس في معادها مش دلوقتي.
# هسهسة Blogger الست نعامة : 4/12/05 11:05  
الصديق أحمد: أنا مش مشاكسة ولا حاجة، ده أنا غلبانة جدًا ولو تعرفني أكتر تقول عليا ملاك من السماء.
# هسهسة Blogger الست نعامة : 4/12/05 11:14  
أنا كمان زرت أبو سمبل للمرة الأولى في أبريل 2004، قبلها كانت زيارتي لأسوان في أوائل التسعينيات في رحلة نيلية.

اليوم رجعت من رحلة أخرى شملت جنوب ساحل البحر الأحمر و أسوان، و أيضا أبو سمبل بشكل اضطراري لكنها لم تكن زيارة جميلة بسبب مضايقات الشرطة.

قد أدون عن التفاصيل قريبا.
# هسهسة Anonymous غير معرف : 4/12/05 23:25  
على أشكالها تقع
من الذاكرة