استقلال القضاء حق كل المصريين

الست نعامة: آخر مرة أحلى مرة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

آخر مرة أحلى مرة

بما إني سوف ارحل يوم الخميس وأودع الشغل، نزلت النهاردة آخر زيارة لي في منشأة ناصر عشان ألقي النظرة الأخيرة، ولا أعتقد إني هاروح هناك تاني قريبًا.
زرت منطقة الدويقة، هناك الناس حاجة تاني خالص. اتفرجت على المساكن الجديدة "مساكن سوزان مبارك"، مختلفة تمامًا عن كل حاجة شوفتها تحت (الدويقة هى أعلى منطقة في منشأة ناصر).



ولكن لسه فيه بنايات قديمة لم يتم ازالتها بعد، هناك منطقة الواحايد والاتنينات والتلاتات. بدأوا بالواحايد وسلموهم الوحدات الجديدة عقبال الباقي.

وبعد كده طلعنا فوق الجبل عشان ناخد منظر للمنشأة من فوق وخصوصًا منطقة أعلى الرزاز. مش هاكتب حاجة تاني، هاحط صور وهى إللي تعبر عن نفسها.



زرت كمان الورش، ورشة لصنع الشباشب والأحذية، أنا دخلت من هنا وكنت هاقع من هنا، ريحة الكولاّ غير طبيعية.
أنا: يا عمّ انتم قاعدين ازاي؟
الرجل: هه؟!
أنا: الريحة جامدة جدًا.
الرجل: ماحنا مشغلين المروحة، يعين انتم تشمّوا، بس احنا الريحة مش بتييجي عندنا.

طبعًا أي كلام ده انا كنت مدروخة خالص.



وليه كانت أحلى مرة، عشان مش هاروح هناك تاني وشوفت حاجات عمري ما هاشوفها في أي حتة تاني.
سلام يا منشية.
 17:53 أرسليها بالبريد  
هسهسات:
������� � �� ������� ���� ��� ������� ����� ���� ���� ���� �� ������ . ��� ���� �� ���� ����� ����� ���� ���� ������ ���� ������ ����� ���� �����
# هسهسة Anonymous غير معرف : 7/12/05 21:22  
تحياتي ليك يا آنسة نعامة
إن شاء يا رب تكوني استفدتي من وقتك طول الفترة في منشأة ناصر ..
الصور المعبرة دي زي اللي بحارتنا :) لا تقولي لحدا ..

و ربنا يكرمك بعمل أفضل و أحسن ..

بس نحنا عاوزين نعرف حضرتك من أي منطقة .. و دي المنطقة قريبة من الأهرامات ..يعني هي بعيدة كم ؟

في رعاية الله
# هسهسة Anonymous الصديق أحمد : 7/12/05 21:43  
كولا

هى وصلت لشم الكولا ياست نعامه

فينك يا فقمه تجى تشوفي الغابة اللى سيرتها بقت على كل لسان
# هسهسة Blogger أحمد : 8/12/05 03:41  
الصديق أحمد: منطقة منشأة ناصر بعيدة عن الأهرامات.
منشأة ناصر حي من أحياء محافظة القاهرة، وهى تقع بمحاذاة هضبة المقطم. وكانت تستخدم كمحاجر لأستخراج الحجر الجيري منذ أيام الفاطميين وحتى وقت قريب.
بدأ في عام 1960 تعمير المنطقة التي تملكها محافظة القاهرة وكان أول سكانها الذين استبعدوا من العشش الواقعة بالقرب من مناطق وسط المدينة والذين صدر أمر من السلطات باعادة تسكينهم في المحاجر المهجورة التي كانت تقع في أقصى الحدود الشرقية للمدينة. وفي عام 1972 صدر قرار باعادة تسكين جامعي القمامة (الزبالين) الى جزء من منشأو ناصر. وفي نهاية السبعينات وصل عدد سكان المنطقة الى ما يزيد عن 10000نسمة، واستمرت في النمو نموًا سريعًا وجاء معظم السكان من قرى الصعيد؛ وتتمتع المنطقة بعنصر جذب للأسر الفقيرة نظرًا لموقعها المتوسط داخل العاصمة.

أمّا عن منطقة الأهرامات فهى في محافظة الجيزة وممكن تلاقي حاجات عنها كتير على الأنترنت.
# هسهسة Blogger الست نعامة : 8/12/05 10:28  
على أشكالها تقع
من الذاكرة