استقلال القضاء حق كل المصريين

الست نعامة: النظرية المعرفية والشخصية يسارية التعلم

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

النظرية المعرفية والشخصية يسارية التعلم

وانا بافضّي شنطة من الشنط لقيت ورقة مكتوب فيها تدوينة كنت يظهر عايزة اكتبها وانا في أسيوط. هى غريبة شوية بس قلت اكتبها وخلاص، وفيها كلام كمان مش عارفة اقرأه هاحاول أكمله:

"تلعمت ان هناك 4 نظريات للتعلم:
1- النظرية السلوكية
2- النظرية المعرفية
3- نظرية الجشتالت
4- النظرية الأنسانية

ومنهم لله بتوع النظرية المعرفية، ليه بقى؛ عشان كان محور اهتمامهم هو المخ، وان المخ هو أهم عضو في جسم الأنسان، وهو المايسترو اللي بيدير كل العمليات. لحد هنا حلو الكلام ومافيش مشكلة. ولكن اللي حصل انهم ركزوا على الحفظ والصم؛ وتجاهلوا التخيل والأبتكار والأختراع. يعني ركزوا على الجانب الأيسر من المخ، وهو الجزء الرقمي اللي بيسجل كل حاجة ولكن لا يتذكر الزمان أو المكان، ويركز على الحفظ. وأصحاب النظرية تجاهلوا الجزء الأيمن من المخ المسئول عن الأبتكار والأختراع والتموقع. ومن هنا ظهرت الشخصية يسارية التعلم، وانحدر مستوى الابداع والاختراع والابتكار.
النظرية هى نفسها النظرية المتبعة في التعليم عندنا، الحفظ والصم. ولو التليمذ اجاب اجابة غير الموجودة في نموذج الاجابة تُشطب اجابته ويحصل على الصفر المتين.
ربنا معاهم."

وفي نفس الورقة لقيت حاجة أغرب مكتوبة في الآخر الحقيقة انا مش فاهمة حاجة:

"كف الكف يؤدي إلى كف...استثارة الاستثارة تؤدي إلى كف...كف الأستثارة يؤدي إلى استثارة"

مش فاهمة حاجة أكيد انا كنت نايمة وانا باكتب الكلام ده.

تصبحوا على خير.
 19:09 أرسليها بالبريد  
هسهسات:
يا ست نعامة الكلام ده مش مظبوط ..من اهم تطبيقات النظرية المعرفية هو الجزء الخاص بالعملية الابداعية وفى دراسات كتير بتقول ده ..معلش اصل علم النفس نقح عليا ..وتصبحى على خير
# هسهسة Blogger radwa osama : 6/1/06 21:11  
والله يا رضوى انا ماعرفش التدوينة ديه بتتكلم عن ايه اصلاً، ولا أعرف المعلومات اللي فيها ديه صح ولا غلط. انا لقيت الورقة وقلت اكتبها زي ما هى. على العموم شكرًا على تصحيح المعلومة.
وانت من أهله (صحيح هو ليه الرد بيكون كده؟)
# هسهسة Blogger الست نعامة : 6/1/06 23:51  
علي فكره يا ست نعامه انتي السبب اني ادخل عالم التدوين يا ريت تزوريني و هديكي طبق بليله لا انتي ليكي قدره كامله لوحدك بس حسبي تتلسعي
# هسهسة Blogger إنسان : 7/1/06 20:35  
والله تُشكر على قدرة البليلة، هايجيلي تخمة يابتاع البليلة :-)
هاروح ازورك.
# هسهسة Blogger الست نعامة : 8/1/06 01:02  
على أشكالها تقع
من الذاكرة