استقلال القضاء حق كل المصريين

الست نعامة: همّ النمّ

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

همّ النمّ

هبة يوسف سألت عن الأغنية . باهديها لكل الجيل الذي عاصرها :-)

شكرا لعلاء.

ممكن نضيف للأغنية جزء من تأليف راء العظيم، وأعتبر هذا المقطع من أهم مقاطع الأغنية:

والستّ نعامة قلِتِلها
؟جبِتِ الفنّ ده كلّه منين
مالت راسها وطار منديلها
وقالتلي كلّه من العين
عيني تشوف الحاجة الحلوة
واكتِب عنها كلامي الزين

وزمان قالوا الكلام
بيخلّينا سُلام
رُحت أنا كاتبة بخفّة دم


ذكريات.

استكمال عشان خاطر هبة يوسف ما يطلبه المستمعون:

حادي بادي
يا شمس يا شموسة
تاتّا تاتا

معلش يا هبة ماعنديش تاني ممكن تتعبي نفسك وتدوري انت بقى على الباقي :-)
 16:20 أرسليها بالبريد  
هسهسات:
ياريت نضيف الالبوم كله بموت فيه اوي ..حادي بادي صوت جاي لنا هنا م الناحيه دي ..دي صوت القطه القطقوطه صاحيه مبسوطه زقطوطه ..ولا ياسلام لو الفراشه بتاعة نيللي ..كان فيه فراشة زغنططه ..ولا اغاني الفوازير ..وحاجات كتير اللي ما لقتهاش ابدا مع اني بموت فيها صباح الخير يامولاتي ..ما انساش الابتسامه ..ومش ح انسى ياماما .. الشخطه اللي تعلم ..وما تهنش الكرامه ...يااااه يانعامه .. طفولتنا ناعمه اوي وكانت طفولة ..مش بلاي ستيشن وطخ طيخ ..فين ايام اكل لب البطيخ ..والكلام واللت والعجن ..وعلى فكره كلام عن كلام يفرق ..ماهو صوت البلبل مش زي صوت الحمير ..ولا ايه ياستي ؟
# هسهسة Anonymous غير معرف : 4/4/06 07:40  
للأسف يا انونيموس ماعنديش الألبوم كله، عندي بعض الأغاني والفضل يرجع لعلاء زي ما قلت. بس ممكن اضيف إللي عندي كله.
# هسهسة Blogger الست نعامة : 4/4/06 11:01  
للأسف يا انونيموس ماعنديش الألبوم كله، عندي بعض الأغاني والفضل يرجع لعلاء زي ما قلت. بس ممكن اضيف إللي عندي كله.
# هسهسة Blogger الست نعامة : 4/4/06 11:12  
مرسي ياناعمه وادينا بنحمل الاغاني ولو على كسر ظهورنا ..بس ح نزلها ح نزلها ..تقولي لعلاء صباح الخير يامولاتي لو فيها رزاله يعني ماهو تراث ولو ما حافظناش عليه مين يحافظ !!!؟
# هسهسة Anonymous غير معرف : 4/4/06 16:50  
فكرتيني بالذي مضى .. (صوت أغنية كتاب حياتي يا عين لحسن الأسمر)!

فين أيام الكوكي كاك؟.. المسلسل دة بيثبت كل يوم بيعدي من غيره إنه مسلسل الأطفال الوحيد الطبيعي اللي باحترمه كشاب يسعى حثيثاً للنضوج (حلوة حثيثاً دي).. شوقي حجاب وإيمان الطوخي والجندي وعمار الشريعي كانوا مذهلين فيه..

بيرسونال كويسشن:

بما إن كوكي كاك كان فيه نعامة .. ليه اخترتي النعامة دوناً عن بقية خلق الله؟

شيرو المجنون
# هسهسة Anonymous Shero El Magnoun : 8/4/06 20:00  
يا شيرو: مافيش علاقة بيني وبين النعامة إللي في كوكي كاك.
# هسهسة Blogger الست نعامة : 9/4/06 14:16  
ولا النعامه اللى فى كوكى بارك ..؟
# هسهسة Anonymous غير معرف : 13/4/06 00:28  
ياااه، إزاي إحنا كبرنا كدة؟ماما كانت بتغنيلي كل الأغاني دي قبل النوم، و ساعات كانت بتغني فيروز...ياللا تنام ريما...بس بردو إحنا إزاي كبرنا كدة؟
# هسهسة Blogger zeinab : 29/5/06 18:43  
على أشكالها تقع
من الذاكرة