استقلال القضاء حق كل المصريين

الست نعامة: أغسطس 2007

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

اختفاء

قررت اختفي عن الظهور (أنا أصلا قليلا ما أظهر) واعتكف واتقوقع في عشّي في الغابة. لا أعتقد ان حدّ هياخد باله من اختفائي عامة.

التسميات:

 13:41  13 هسهسات أرسليها بالبريد  

أنيمال

muppet_animal

شخصية أنيمال في المابيت شو كانت هايلة جدا. أصلا مش بيتكلم، هو كل إللي بيعمله في الحلقات إللي بيظهر فيها انه يكسر، يتخانق أو يعمل مشاكل وخلاص. ديه أكتر شخصية بحبها، وكمان بحب الرجلين العواجيز المتفرجين إللي بيتريقوا على كل حاجة ويضحكوا عليها. وطبعا الضفدع حبيب الملايين :-)
الحقيقة كل شخصيات المابيت شو مش سهلين خالص، بس أنيمال الحقيقة مفيش زييه.
كان المابيت شو بييجي زمان ع القناة التانية في التليفزيون المصري، افتقدها فعلا، الحلقة قصيرة وخفيفة. ومن أشهر الحلقات إللي انيمال أبدع فيها هى الحلقة ديه. حتى الأغنية بتاعتها مشهورة جدا ولسه الناس بتغنيها لحد دلوقتي، مع إن ملهاش معنى أصلا.

the muppet animal

التسميات: ,

 13:07  5 هسهسات أرسليها بالبريد  

يجعل من الحبّة....فوطة

P1000676 P1000678 P1000681 P1000686 P1000687

شريط فيه حبوب، دواء؟ ممكن. ناخد حبّة من الشريط، نحطها في نص كوب ماء..هِنج بِنج فِنج..تطلع فوطة.

التسميات:

 12:43  2 هسهسات أرسليها بالبريد  

وحدي قاعدة في الغابة

متكلمناش من أسبوع، وده غريب علينا احنا الاتنين..عادة بنتكلم كل يوم في التليفون أو نتقابل كمان.

سافرت الغزالة من أسبوع بالظبط..كنت فاكرة هنشغل بقى في حياتي والشغل والكتعوم، بس محصلش.

وحشتيني على فكرة.

التسميات: ,

 16:53  0 هسهسات أرسليها بالبريد  

الصحراوي رايح جاي

بما إن الصيف دخل علينا من شهرين...وجَبْ علينا بقى زيارة البحر.
وبالتالي ناخد الصحراوي كل أسبوع رايح جاي.
الاسبوع ده بقى بيوزعوا نشرة اعلانية عن تحديث الطريق الصحراوي وتطويره ليكون مثل طريق القاهرة/العين السخنة؛ طريق مفتوح..اللهم صلي ع النبي. لما نشوف ده هيحصل امتى كده كمان خمس سنين ولاّ في السريع ع الصيف الجاي؟

freeway الطريق الصحراوي الحر

التسميات:

 16:21  0 هسهسات أرسليها بالبريد  
في مرمى البصر
على أشكالها تقع
من الذاكرة