استقلال القضاء حق كل المصريين

الست نعامة: سبتمبر 2007

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

لولو الصغيرة

كوكي الصغيرة

استنساخ لولو الصغيرة.

التسميات: ,

 11:46  7 هسهسات أرسليها بالبريد  

غباء مستفحل

قاعدين مستنيين الاوتوبيس عشان يروحوا. سألته هى..هو انت مش هتتجوز؟ قالها مش عارف.
كانت عايزاه يقولها أيوة هتجوزك انت، بس مفهمش.

مرة تانية بيتمشوا ع الكورنيش، قابلتهم بائعة ورد، اشتري مني ورد عشان الأمورة تتجوزك. هو: بس هى ترضى. المرة ديه هى مفهمتش.

التسميات:

 13:53  4 هسهسات أرسليها بالبريد  

يوم واحد

التسميات:

 15:26  0 هسهسات أرسليها بالبريد  

جازولين كحولي

العربية محتاجة بنزين..أروح محطة بنزين "وطنية"، أفوّل العربية...شم شم شم، إيه ده! الريحة غريبة شوية.. ممكن فيه عربية بتسرب حاجة.

أخرج من البنزينة..الريحة لسه موجودة...ياخوفي ع المركبة أحسن تكون خربت ولا حاجة...تختفي الريحة شوية..طب كويس مش عربيتي بقى الحمد لله.

أعدي من جنب عربية وانا ماشية في الشارع،،شم شم شم إيه ده! نفس الريحة تاني!!! الله هو فيه إيه؟!

اسمع الناس بتتكلم عن غش البنزين بالسبرتو..ناس تاني تتكلم عن ان ديه هى ريحة البنزين الأصلية..أصل ده بنزين مش مغشوش..مش إللي احنا بنستخدمه طول عمرنا، قصة تالتة بقى تقول إيه؛ أصل ده بنزين مستورد من لبيا أو دبي، يا حلاوة يا ولاد.

وأنا مالي بقى بنزين نضيف ولا مستورد، ذنبنا إيه العربيات تخرب، ونتوه احنا بقى عشان نصلح والعيب منين وغلطة مين والكلام ده كله.

التسميات:

 12:32  4 هسهسات أرسليها بالبريد  

البوابة

هي ديه بوابتهم

التسميات:

 11:50  0 هسهسات أرسليها بالبريد  

هاتوا الفوانيس يا ولاد

مع رمضان بينزل عليا احساس بالانتعاش والنشاط، مع إني باكون مسهتنة على نفسي في أول كام يوم كده بس عندي احساس ان رمضان السنة ديه هيكون مختلف.

أنشطة رمضان السنة ديه كتيرة ومختلفة. أساسي الفانوس لا استغنى عنه كل سنة، لي صورة كده مع الفانوس هحطتها لما ألاقيها (أحب أصور نفسي).


d at home 27.10.03

في المعادي، فيه ميدان بنسميه في رمضان ميدان الشجرة، تزين كل أو أغلبية الشجر إللي في الميدان بفوانيس صغيرة وملونة، بيكون شكل الميدان جميل جدا. بدأت هذه الظاهرة تنتشر في المعادي، فبيكون شكل الشوارع جميل.

الشجرة


هنزف عريس يا ولاد...هنزف عريس.

كل عام وانتم بخير.

التسميات:

 10:34  3 هسهسات أرسليها بالبريد  

وردتي

عندي من سنتين..وفي كل عام في نفس الميعاد بتظهر سوسن.
سوسن ديه وردتي الجميلة..إللي كل ربيع بتطّل عليا،، وتقعد معايا 3 أسابيع، وبعدين يتساقط الورق، وتموت سوسن عشان تفتح تاني السنة إللي بعدها.
السنة ديه سوسن فتحت ومعاها سويسنة..وردة تانية صغيرة. مش عارفة جت منين، العبي يا سوسن.
بس خلاص انتهى الربيع وانتهى الصيف وكمان كام يوم هيدخل علينا الخريف الكئيب.

sawsan sawsan

التسميات:

 16:37  3 هسهسات أرسليها بالبريد  
في مرمى البصر
على أشكالها تقع
من الذاكرة