الثلاثاء، يونيو 03، 2008
راس العمل
مكنتش هكتب عن هذه التجربة ولكن الأرنوب قال لي طب ليه متكتبيش، ف هاحكي عن الكعب ومغامراته.
من الأوراق المطلوبة للالتحاق بوظيفة جديدة "كعب العمل"، مش فاهمة هما ليه سموه كعب العمل مع ان الواحد بيكون لسه في البداية، ليه مايكونش راس العمل. المهم كعب العمل ده ورقة رفيعة طويلة كده فيها بيانات الملتحق بالوظيفة.
بما إني اشتغلت تاني وبالتالي لازم اعمل كعب عمل جديد، المرة ديه سهلة بقى أنا بقيت خبيرة في مكاتب العمل ومش هياخد مني وقت. طيب أروح الصبح بدري قبل الشغل، كنت هناك الساعة 8 ونص الصبح، الموظفة لسه بتفتح الباب.
صباح الخير، لو سمحتِ أنا عايزة أعمل كعب عمل.
مش هنا، في مكتب العمل.
معلش أومال أنا فين؟
أيوة، ده مكتب عمل بس الكعوب مش بتطلع من هنا. عارفة محطة اوتوبيس 166 هو هناك عمارة لونها احمر.
أخد بعضي وانطلق ع المنطقة إللي هى قالتلي عليها، وإللي أنا أصلا ماعرفهاش..ألف وأدور حولين نفسي، وأدخل في مجاهل البساتين. الشارع ضيق ومكسر، وماشي فيه ناس وعربيات واوتوبيسات ومايكروباصات وميني باصات وعجل وكل وسائل الأنتقال إللي عرفتها في حياتي.
طبعا اتخنقت و استفزيت ف أخدت بعضي ورحت ع الشغل.
يوم أجازة قررت أقضيه مع الموظفات في مكتب العمل، ألف وأدور من الأول في المنطقة، وسبحان الله تظهر العمارة الحمراء بقدرة قادر وتنور في الشارع الضيق ده. أدخل الشقة (مكتب القوى العاملة).
صباح الخير، عايزة أعمل كعب عمل لو سمحت.
ملحوظة: الجو حر والشقة خنقة والموظفة منقبة والدنيا زحمة عليها.
معاك صورة المؤهل؟
ماهو موجود ع الرقم القومي.
لازم المؤهل.
حضرتك، ماهو موجود ع الرقم القومي، والموظف إللي اصدر الرقم اطلع على المؤهل وأخد منه صورة.
أنا هدخله ع الكمبيوتر.
ماهو لو حضرتك كتبت رقمي القومي هيطلعلك اسمي وصورتي وكمان المؤهل.
لازم صورة المؤهل.
هو حضرتك بتجمعي ورق وخلاص؟
أيوة.
طب مع السلامة.
ومشيت أجرجر في رجليا وأنا محروق دمي.
كلاكيت تالت مرة.
يوم تالت عشان الكعب. معايا كل حاجة ممكن يسألوا عنها. وكمان الورق جوة ملف جديد.
صباح الخير، لو سمحت عايزة أعمل كعب عمل.
مليتي الأستمارة؟
أيوة، اتفضلي وصورة البطاقة وصورة المؤهل.
يا دينا طلعي الورق من الملف
الحق عليا أنا غلطانة عشان حطيت الورق في ملف المرة الجاية هجيبه كده.
واخدت الورق وبدأت تكتب في الكعب كل البيانات إللي انا كتباها في الاستمارة ومشفتش ولا البطاقة ولا صورة المؤهل. طب م كان من الأول أكتب أنا البيانات في كعب العمل وهى تمضي وتختم ونخلص.
وأخيرا زفت وطلع كعبي وكوعي وصباع رجلي.
من الأوراق المطلوبة للالتحاق بوظيفة جديدة "كعب العمل"، مش فاهمة هما ليه سموه كعب العمل مع ان الواحد بيكون لسه في البداية، ليه مايكونش راس العمل. المهم كعب العمل ده ورقة رفيعة طويلة كده فيها بيانات الملتحق بالوظيفة.
بما إني اشتغلت تاني وبالتالي لازم اعمل كعب عمل جديد، المرة ديه سهلة بقى أنا بقيت خبيرة في مكاتب العمل ومش هياخد مني وقت. طيب أروح الصبح بدري قبل الشغل، كنت هناك الساعة 8 ونص الصبح، الموظفة لسه بتفتح الباب.
صباح الخير، لو سمحتِ أنا عايزة أعمل كعب عمل.
مش هنا، في مكتب العمل.
معلش أومال أنا فين؟
أيوة، ده مكتب عمل بس الكعوب مش بتطلع من هنا. عارفة محطة اوتوبيس 166 هو هناك عمارة لونها احمر.
أخد بعضي وانطلق ع المنطقة إللي هى قالتلي عليها، وإللي أنا أصلا ماعرفهاش..ألف وأدور حولين نفسي، وأدخل في مجاهل البساتين. الشارع ضيق ومكسر، وماشي فيه ناس وعربيات واوتوبيسات ومايكروباصات وميني باصات وعجل وكل وسائل الأنتقال إللي عرفتها في حياتي.
طبعا اتخنقت و استفزيت ف أخدت بعضي ورحت ع الشغل.
يوم أجازة قررت أقضيه مع الموظفات في مكتب العمل، ألف وأدور من الأول في المنطقة، وسبحان الله تظهر العمارة الحمراء بقدرة قادر وتنور في الشارع الضيق ده. أدخل الشقة (مكتب القوى العاملة).
صباح الخير، عايزة أعمل كعب عمل لو سمحت.
ملحوظة: الجو حر والشقة خنقة والموظفة منقبة والدنيا زحمة عليها.
معاك صورة المؤهل؟
ماهو موجود ع الرقم القومي.
لازم المؤهل.
حضرتك، ماهو موجود ع الرقم القومي، والموظف إللي اصدر الرقم اطلع على المؤهل وأخد منه صورة.
أنا هدخله ع الكمبيوتر.
ماهو لو حضرتك كتبت رقمي القومي هيطلعلك اسمي وصورتي وكمان المؤهل.
لازم صورة المؤهل.
هو حضرتك بتجمعي ورق وخلاص؟
أيوة.
طب مع السلامة.
ومشيت أجرجر في رجليا وأنا محروق دمي.
كلاكيت تالت مرة.
يوم تالت عشان الكعب. معايا كل حاجة ممكن يسألوا عنها. وكمان الورق جوة ملف جديد.
صباح الخير، لو سمحت عايزة أعمل كعب عمل.
مليتي الأستمارة؟
أيوة، اتفضلي وصورة البطاقة وصورة المؤهل.
يا دينا طلعي الورق من الملف
الحق عليا أنا غلطانة عشان حطيت الورق في ملف المرة الجاية هجيبه كده.
واخدت الورق وبدأت تكتب في الكعب كل البيانات إللي انا كتباها في الاستمارة ومشفتش ولا البطاقة ولا صورة المؤهل. طب م كان من الأول أكتب أنا البيانات في كعب العمل وهى تمضي وتختم ونخلص.
وأخيرا زفت وطلع كعبي وكوعي وصباع رجلي.
اوعى تكونى صدقتى اننا فى الحكومه الألكترونية صحيح !!! معاكى بطاقه رقم قومى انما لو هتعملى حاجه فيها تاريخ الميلاد يبقى لازم شهاده الميلاد مع البطاقه ، عاوزه حاجه فيها عنوان البيت يبقى لازم وصل نور مع البطاقة وياسلام بقى لو الوصل بأسم جوزك يبقى لازم قسيمة الزواج عشان تثبتى ان الأسم اللى على الأيصال هو اسم جوزك وهكذا والكلام ده مفيهوش تفاهم ومبيبصوش فالأوراق حته فقط تجميع الورق ليمكن حد يسألهم عنه فى يوم من الأيام
لذل اما بتدبس مع الحكومه فى حاجه بعتبر نفسى بين انياب الأسد