استقلال القضاء حق كل المصريين

الست نعامة: الحنة

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

الحنة

هو نبات جذوره حمراء، أخشابه تستخدم لصبغ الشعر باللون الأحمر وللرسم على الجسم.

وفن نقش الحنة ده حكاية لوحده، ساعات بيخلطوا الحنة بالصبغة عشان تثبت على الجسم، بس ده بيسبب التهاب للبشرة الحساسة، وفي أحيان تانية بيستخدموا الحنة الخالصة.

تحتفل العروس قبل ليلة الزفاف بليلة الحنة، عادة كانت قبل الفرح بليلة واحدة، ولكن مع المجهود المبذول في هذه الليلة المفترجة جرت العادة على ان تكون ليلة الحنة قبل الزفاف بليلتين أو بفترة عشان العروس تستريح وتستعيد لياقتها.



وفي ليلة الحنة تضاء الأنوار وتعلق الزينة وتتبخر الملابس ويبقى منها القليل الخفيف الهفهاف ويعلو صوت الموسيقى لتتمايل الاجسام والعيدان النحيفة والممتلئة منها. واديها رقص طول الليل وتظهر المواهب المدفونة عند البنات والسيدات الحاضرات. ومعروف ان الليلة ديه مخصصة لصديقات العروس وأقاربها من الجنس اللطيف فقط، وبالتالي الأب ولو كان لها أخ بيتسربوا برة البيت عشان المعزومات يأخذن راحتهن.

كان زمان ليلة الحنة تييجي فيها سيدة سودانية ترسم للبنات والسيدات والعروس طبعا، وتقوم الصديقات بأحياء الليلة. بعد كده تطورت الليلة، بقى فيه فرقة تقوم باحياء الليلة مكونة من دي جي بنت طبعا وسيدة رسم الحنة وبنتين أو بنت واحدة لزوم الأستعراض وتكون الليلة مكونة من فقرات. تقوم بنتين الاستعراض بمساعدة العروس على تغيير الملابس، مرة تلبس توب سوداني وترقص ومعاها المساعدات (لو محتاجة مساعدة طبعا فيه مش محتاجين خالص) ومرة تلبس بدلة رقص شرقي، وفقرة لجلابية تحية كاريوكا وهكذا. وفي نفس الوقت بتكون سيدة الحنة بترسم للموجودات. وتفضل البنات ترقص لحد م رجليهم تفأفأ.



وتختلف أماكن الرسم من بنت للتانية، فيه بيرسموا على الكف، وفيه بيرسموا على العرقوب، على الدراع، على الصدر، على الظهر، على الكتف، وأي منطقة في الجسم ممكن يترسم عليها.



ليلتكم فل

التسميات: ,

 15:50 أرسليها بالبريد  
هسهسات:
تقليد جميل اظن ان الحداثه افسدته
# هسهسة Blogger محمد عبد الغفار : 11/6/08 21:19  
جميل
# هسهسة Blogger Amyra : 12/6/08 20:37  
من حوالي 3 شهور حضرت حنة واحدة صاحبتي
كانت اول مرة في حياتي احضر ليلة الحنة, و كنت عايزة اكتب عنها. عن الرقص و اللبس و انطلاق كل البنات و الستات , كبار و صغيرين

عالم البنات ده عالم مبهر!
# هسهسة Blogger Ma3t : 13/6/08 17:14  
شكرا يا محمد عبد الغفار واميرة.
ماعت: لسه هتحضري كتير كمان أكيد. عالم البنات ده بقى يتكتب فيه قصص وروايات.
# هسهسة Blogger الست نعامة : 15/6/08 10:39  
اولا مبسوطه انى اكتشفت مدونتك عن طريق مدونة عبده باشا
بجد ليله الحنه هى لسه مجتش عندى بس من الحاجات اللى بحبه على طريقتها القديمه وعاوزة اقولك ان لكل منطقه او اقليم حتى او محافظه طرق مختلفه فى الاحتفال بليله الحنه والتقاليد بتاعتها
بس انتى دلوقتى قولتى على الحاجه اللى تقريبا سائده ما بين الناس والطبقات
# هسهسة Blogger appy : 7/7/08 10:01  
شكرا يا أبي على الأطراء الرقيق.
# هسهسة Blogger الست نعامة : 8/7/08 11:35  
الحنة بتتعمل من أوراق شجر الحنة مش من الخشب على فكرة
الله على ليلة الحنة!
# هسهسة Blogger ياسمين حميد : 1/9/08 11:09  
على أشكالها تقع
من الذاكرة