الخميس، أغسطس 14، 2008
ألوان
دايما أصف الناس وأيام الأسبوع بالألوان.
مثلا يوم السبت لَبَني وتخين كده. يوم الخميس كحلي (ممكن عشان الخروج بيكون بالليل). يوم الأربعاء أحمر (أنا بحب اللون الأحمر بس مش بحب يوم الأربعاء!) يوم الاتنين موف كده أو لون ملخبط، يوم الأحد أزرق على رمادي، يوم الثلاثاء رمادي أمّا يوم الجمعة بقى ف لونه أصفر أو حاجة منورة كده.
الناس بقى مش عارفة ليه لهم صفة الألوان، بس عندي صديق شفاف ملوش لون مش عارفة ليه، وصديق تاني بني زي القرد القرود. أما الغزالة ف لونها أخضر، أنا بقى لوني أحمر (هاهاها)، ولما بقابل حد لأول مرة ألاقيه داخل عليا باللون بتاعه ويفضل معاه على طول، زي الأنطباع الأول بالظبط. بس ده ملوش دعوة بحكمي على الشخصية ديه حاجة بيني وبين نفسي.
مثلا يوم السبت لَبَني وتخين كده. يوم الخميس كحلي (ممكن عشان الخروج بيكون بالليل). يوم الأربعاء أحمر (أنا بحب اللون الأحمر بس مش بحب يوم الأربعاء!) يوم الاتنين موف كده أو لون ملخبط، يوم الأحد أزرق على رمادي، يوم الثلاثاء رمادي أمّا يوم الجمعة بقى ف لونه أصفر أو حاجة منورة كده.
الناس بقى مش عارفة ليه لهم صفة الألوان، بس عندي صديق شفاف ملوش لون مش عارفة ليه، وصديق تاني بني زي القرد القرود. أما الغزالة ف لونها أخضر، أنا بقى لوني أحمر (هاهاها)، ولما بقابل حد لأول مرة ألاقيه داخل عليا باللون بتاعه ويفضل معاه على طول، زي الأنطباع الأول بالظبط. بس ده ملوش دعوة بحكمي على الشخصية ديه حاجة بيني وبين نفسي.
هل تري الحروف والأرقام لهم ألوان أيضا؟
ماتوصفينه هو حالة عصبية نادره حميدة و أن كانت تميز صاحبها أسمها ساينثيشيا Synesthesia
وهي تحدث عنما يدمج نوع حسي أو أدراكي مثل البصر او الأصوات بأدراك أخر مختلف و هذا المزج يحدث في القشرة المخية.
يمكنك القرائة عن الموضوع أكثر هنا:
http://en.wikipedia.org/wiki/Synesthesia
http://www.youtube.com/watch?v=DvwTSEwVBfc
http://scienceblogs.com/neurophilosophy/2007/09/the_neuropsychology_of_synaest.php
و بابقى قادرة اخمن ليه كل لون مرتبط بالشخص ده بعينه
بس اللون اللي بيمثللي شخص مش بالضرورة يفضل ثابت طوال الوقت, غالبا بيتأثر بالتغيرات اللي بتطرأ على العلاقة
قليلين اوي الناس اللي الوانهم بتفضل ثابتة عندي,الكائن الغامض مثلا دايما مرتبط باللون الاصفر, و اعز صاحبة ليا لونها ازرق سماوي, و دول من القليلين اللي الوانهم ثابتة جوايا, بقت جزأ منهم بالنسبالي. و عادة اللي بيثبتوابمرور الوقت بيبقوا عناصر اساسية من خيالاتي, بس دي قصة تانية :)
عمري ما ارتبطت الايام عندي بالوان, يمكن عشان عمري ماكان عندي نشاط محدد مرتبط بيوم بعينه
معت: الناس ألوان وبيفضل اللون لازق فيهم ومش بيتغير، ما عدا شخص أو شخصين لونهم تغير يعني صديقي ذو اللون الشفاف كان لونه رمادي وأصفر وتحول إلى شفاف :-) ارتباط أيام الأسبوع بالألوان ملهاش دعوة بالأنشطة المرتبطة باليوم هى بتييجي كده برضو لوحدها.
طبعا أنت أدرى، لكن دا كان ال أنا وصلت له لأني لقيت تعريف السنثزاسا مرتبط بالأشكال البصرية المجردة (و الحروف طبعا) و الأصوات، و الطعوم، مش بالناس كشخصيات. إلا إن كان الموضوع مرتبط بصوت اسم الشخص \يوم الاسبوع أو كتابته و أن اللون بيستنتج من دا في عملية غير مباشرة. و دا نسأل فيه النعامة.
وبعدين يعنى انت متعرفيش تفوتى ولا تصلحيلى على جنب لازم تسيحيلى ادام كل حيوانات الغابة ، ثم منتظره ايه من واحد لسه فاكر امل وعمر يعنى كويس أوى انى مكتبتهاش بال "ظ"
:)
لكن ايا كان, ده اسمي في الفراغ السيبيري, واسم مدونتي , المفروض الناس تلتزم بكتابته زي ماانا عايزاه
اررررر
واضح اني لازم اعمل حملة للحفاظ على اسمي
:)
ايوة طابعا انا الهة التوازن و العدل , بس مع اضافات حديثة , حبة فراشات و الوان كدةعالماشيي
و لا يهمك يا نعامة انا هاستسلم خلاص و كل حد يكتبها بالطريقة اللي يشوفها
صباحك فل
"موعت" :)
و قريت كمان أنه في الكوزمولوجيا المصرية موٰعت لم تكن إلهة، بل "مفهوما مجردا و مطلقا للعدالة وجد في نفس لحظة خلق الكون".