الأحد، أكتوبر 30، 2005
سباق الأرنب والسلحفاة
هناك صراع داخلي، سباق بمعنى أصح بين الأرنب والسلحفاة. يا ترى مين اللي هايكسب، الأرنب السريع الذكي المتمكن ولاّ السلحفاة الأمورة "البطيئة". بس برضو الذكية اللي ممكن تكسب الأرنب في يوم.
هناك صراع داخلي، سباق بمعنى أصح بين الأرنب والسلحفاة. يا ترى مين اللي هايكسب، الأرنب السريع الذكي المتمكن ولاّ السلحفاة الأمورة "البطيئة". بس برضو الذكية اللي ممكن تكسب الأرنب في يوم.
الليلة الكبيرة
اتفرجت على عرض الليلة الكبيرة في التليفزيون (كلنا شفناه يعني)، بس المرة ديه بقى ذهبت مع الغزالة وزحلف الى وكالة الغوري عشان نتفرج على اوبريت الليلة الكبيرة. وقابلنا الكتكوت الشرس كمان، افتكرت هايكون عرض تمثيلي زي اللي اتعمل قبل كده في دار الأوبرا. ولكن المفاجأة بالنسبة لي كانت انه عرض العرائس. نفس العرائس القديمة ولكن تم ترميمها وأعيد استخدامها مرة تانية. كان زحمة جدًا وقابلنا كمان الشامبنزي واصدقائه. كل المتفرجين كانوا متحمسين جدًا وبيرددوا الألحان مع العرائس.
لا أعتقد ان ممكن انتاج مثل هذه الاوبريت مرة تانية.
لا أعتقد ان ممكن انتاج مثل هذه الاوبريت مرة تانية.
الأربعاء، أكتوبر 26، 2005
كل شوية نكبر...
... حبّة حبّة حبّة
نكبر زي الحبّة، حبّة القمحاية
والسنة اللي جاية، هانزوّد شمعاية
على راس التورتاية وتغنوا ويايا
النهاردة عيد ميلادي :-) كنت باستغرب جدًا من أصحابي اللي بيكتئبوا يوم عيد ميلادهم، أو يبلموا كده، ممكن عشان كبروا سنة؟! ماعرفش. بس السنة ديه حسّيت فعلاً إني كبرت، ولاحظت التغيير الحادث لي :-( فين النشاط، فين الحيوية راحت نضارة الشباب. على رأي الصديق المشترك ر.و. العضمة كبرت.
يا خسارة ياولاد.
نكبر زي الحبّة، حبّة القمحاية
والسنة اللي جاية، هانزوّد شمعاية
على راس التورتاية وتغنوا ويايا
النهاردة عيد ميلادي :-) كنت باستغرب جدًا من أصحابي اللي بيكتئبوا يوم عيد ميلادهم، أو يبلموا كده، ممكن عشان كبروا سنة؟! ماعرفش. بس السنة ديه حسّيت فعلاً إني كبرت، ولاحظت التغيير الحادث لي :-( فين النشاط، فين الحيوية راحت نضارة الشباب. على رأي الصديق المشترك ر.و. العضمة كبرت.
يا خسارة ياولاد.
الثلاثاء، أكتوبر 25، 2005
يوم من 17 سنة
لقيت عندي نوتة قديمة من سنة 1988، وقال ايه كنت باكتب يومياتي وانا عندي 9 سنين، ياختي عليا.
كان عندي أجندة لونها أزرق، ومش عارفة أعمل بها ايه؟ قلت لنفسي أكتب يومياتي، وكان ده يوم منها(16/06/1988).
كان عندي أجندة لونها أزرق، ومش عارفة أعمل بها ايه؟ قلت لنفسي أكتب يومياتي، وكان ده يوم منها(16/06/1988).
الاثنين، أكتوبر 24، 2005
يا حلاوة يا ولاد
امبارح المياه كانت قاطعة طول اليوم، انا كنت خرج المنزل ورجعت متأخر بالليل واكتشفت القصة ديه الساعة 1 صباحًا، ولازم آخد الدوش المسائي.
كلمت الحارس:
ـ المياه قاطعة، لو سمحت شغّل الموتور.
ـ لأ يا فندم، ديه قاطعة من الصبح، وكلمنا المرفق وقالوا كمان شوية.
ـ طيب شكرًا
طبعًا أنا مش هاسكت، طلبت الدليل 140 عشان آخد منهم نمرة مرفق مياه المعادي. وكانت مفاجأة.
ردّ عليا صوت نسائي ناعم:
"لقد اتصلتم بالمصرية للأتصالات دليل....."
وسمعت موسيقى لطيفة وأنا مذهولة على التليفون (فعًلا كنت مذهولة) يا حلوليييييييي، ايه الجمال ده كله.
ردّ عليا واحد بقى:
ـ المصرية للاتصالات، محمد اسماعيل، السلام عليكم.
ـ وعليكم السلام، ممكن لو سمحت نمرة مرفق مياه المعادي.
ـ هاتعب حضرتك وتنتظري معايا شوية على الخط.
ـ طيب مافيش مشاكل.
واشتغلت موسيقى تاني، وانتظرت والله حوالي دقيقة أو ممكن أقل كمان، ورجع لي تاني الأخ محمد اسماعيل:
ـ آسف يا فندم وشكرًا على الانتظار.
ـ مافيش مشكلة.
ـ هو فيه نمرة لشكاوي المياه هى 125 ولو حضرتك عايزة نمرة المرفق هاوصلك به دلوقتي. أي خدمة تاني؟
ـ شكرًا جزيلاً بس ممكن أقول لك ملاحظة.
ـ اتفضلي.
ـ الحقيقة أنا منبهرة بالخدمة جدًا.
ـ شكرًا يا فندم، مع السلامة.
بعد كده رجع تاني الصوت النسائي الناعم تقول:
إذا كنت ترغب بالاتصال بالرقم المطلوب اصغط 1، اذا كنت ترغب في الاستفسار عن رقم آخر اضغط 2.
ضغط على 1 لقيتني باكلم مرفق المياه!! ايه ده يا حلاوة يا ولاد، احنا فين يا سلاااااام عظيمة يا مصر :-)
كلمت الحارس:
ـ المياه قاطعة، لو سمحت شغّل الموتور.
ـ لأ يا فندم، ديه قاطعة من الصبح، وكلمنا المرفق وقالوا كمان شوية.
ـ طيب شكرًا
طبعًا أنا مش هاسكت، طلبت الدليل 140 عشان آخد منهم نمرة مرفق مياه المعادي. وكانت مفاجأة.
ردّ عليا صوت نسائي ناعم:
"لقد اتصلتم بالمصرية للأتصالات دليل....."
وسمعت موسيقى لطيفة وأنا مذهولة على التليفون (فعًلا كنت مذهولة) يا حلوليييييييي، ايه الجمال ده كله.
ردّ عليا واحد بقى:
ـ المصرية للاتصالات، محمد اسماعيل، السلام عليكم.
ـ وعليكم السلام، ممكن لو سمحت نمرة مرفق مياه المعادي.
ـ هاتعب حضرتك وتنتظري معايا شوية على الخط.
ـ طيب مافيش مشاكل.
واشتغلت موسيقى تاني، وانتظرت والله حوالي دقيقة أو ممكن أقل كمان، ورجع لي تاني الأخ محمد اسماعيل:
ـ آسف يا فندم وشكرًا على الانتظار.
ـ مافيش مشكلة.
ـ هو فيه نمرة لشكاوي المياه هى 125 ولو حضرتك عايزة نمرة المرفق هاوصلك به دلوقتي. أي خدمة تاني؟
ـ شكرًا جزيلاً بس ممكن أقول لك ملاحظة.
ـ اتفضلي.
ـ الحقيقة أنا منبهرة بالخدمة جدًا.
ـ شكرًا يا فندم، مع السلامة.
بعد كده رجع تاني الصوت النسائي الناعم تقول:
إذا كنت ترغب بالاتصال بالرقم المطلوب اصغط 1، اذا كنت ترغب في الاستفسار عن رقم آخر اضغط 2.
ضغط على 1 لقيتني باكلم مرفق المياه!! ايه ده يا حلاوة يا ولاد، احنا فين يا سلاااااام عظيمة يا مصر :-)
الاثنين، أكتوبر 17، 2005
الأحلام...
هنا مكتوب حاجة فكرتني بكلام كنت باتكلم فيه مع نفسي من فترة.
هل ممكن اتنين يتقابلوا في الحلم قبل ما يتقابلوا في الحقيقة، وبعد فترة يشوفوا بعض صدفة ويفضلوا يفكروا "انا شوفتك فين قبل كده" ويفكروا ويفكروا ومافيش فايدة.
طب ممكن اتنين يحلموا نفس الحلم في نفس الوقت مع انهم بعاد عن بعض؟ ارواحهم بتتقابل في الفضاء وبيقضوا مع بعض أحلى الأوقات. ويا سلام لو حكوا لبعض عن الحلم وتكون المفاجأة "ايه ده انا كمان حلمت كده".
وكمان حلم جوه حلم، اتنين اتقابلوا في الحلم، وكانوا عارفين بعض، وبيتكلموا عن انهم شافوا بعض قبل كده (برضو جوه الحلم).
حلمت هى بحبيبها، قاعدين في قصر ملك روماني، وكانوا بيحتفلوا بالنصر. بعض من أصدقائهم المقربين كانوا معاهم وناس تانية غريبة. بس كل ده مش مهم، أهم حاجة انهم قاعدين مع بعض وبيتكلموا عن أول مرة اتقابلوا فيها. ومش حاسّين ايه اللي بيحصل، غناء وموسيقى وشرب وفرح وناس بتضحك وناس بترقص.
هما نايمين على سرير حرير وحواليهم الستائر الهفهافة. ومرة واحدة يدخل الجيش المنتصر ويحكي عن المغامرات في القرى الغريبة، وكيف حدث الانتصار.
وتصحى من النوم، تحكي له عن حلمها، يا ترى ديه الجنة اللي اتقابلنا فيها قبل ما نشوف بعض.
هل ممكن اتنين يتقابلوا في الحلم قبل ما يتقابلوا في الحقيقة، وبعد فترة يشوفوا بعض صدفة ويفضلوا يفكروا "انا شوفتك فين قبل كده" ويفكروا ويفكروا ومافيش فايدة.
طب ممكن اتنين يحلموا نفس الحلم في نفس الوقت مع انهم بعاد عن بعض؟ ارواحهم بتتقابل في الفضاء وبيقضوا مع بعض أحلى الأوقات. ويا سلام لو حكوا لبعض عن الحلم وتكون المفاجأة "ايه ده انا كمان حلمت كده".
وكمان حلم جوه حلم، اتنين اتقابلوا في الحلم، وكانوا عارفين بعض، وبيتكلموا عن انهم شافوا بعض قبل كده (برضو جوه الحلم).
حلمت هى بحبيبها، قاعدين في قصر ملك روماني، وكانوا بيحتفلوا بالنصر. بعض من أصدقائهم المقربين كانوا معاهم وناس تانية غريبة. بس كل ده مش مهم، أهم حاجة انهم قاعدين مع بعض وبيتكلموا عن أول مرة اتقابلوا فيها. ومش حاسّين ايه اللي بيحصل، غناء وموسيقى وشرب وفرح وناس بتضحك وناس بترقص.
هما نايمين على سرير حرير وحواليهم الستائر الهفهافة. ومرة واحدة يدخل الجيش المنتصر ويحكي عن المغامرات في القرى الغريبة، وكيف حدث الانتصار.
وتصحى من النوم، تحكي له عن حلمها، يا ترى ديه الجنة اللي اتقابلنا فيها قبل ما نشوف بعض.
الأربعاء، أكتوبر 05، 2005
حرمت يا بوجي...
...يجي رمضان، والناس تتجنن على الأكل (وانا منهم بس مش باتجنن قوي هو أول يوم بس). أول يوم بيكون دايمًا عزومة، حتى لو مافيش حد معزوم بس الأكل بيكون كتيييييييييير ويكفي أسبوع لو في وقت تاني غير رمضان، ونفضل هام النام هام النام لحد ما ننتفخ ونبلم ونفطس :-) كمان اللمة بيكون لها تأثير قوي جدًا على فكرة.
كان زمان فيه حلقة من مسلسل بوجي وطمطم، بوجي فضل ياكل ياكل لحد ما فطس وبدأ يغني ويقول:
"بطني بتوجعني يا طمطم آه يا بطني...حرمت أملاها أوي تاني آه آه يا بطني"
وترد عليه طمطم:
"حرمت يا بوجي؟ حرمت ترمرم. واللقمة الزايدة، وكامن تغميسة....."
هو ده فعلاً البني آدم طفس على طول وعينه في اللي في يد غيره.
كان زمان فيه حلقة من مسلسل بوجي وطمطم، بوجي فضل ياكل ياكل لحد ما فطس وبدأ يغني ويقول:
"بطني بتوجعني يا طمطم آه يا بطني...حرمت أملاها أوي تاني آه آه يا بطني"
وترد عليه طمطم:
"حرمت يا بوجي؟ حرمت ترمرم. واللقمة الزايدة، وكامن تغميسة....."
هو ده فعلاً البني آدم طفس على طول وعينه في اللي في يد غيره.
الاثنين، أكتوبر 03، 2005
محطم قلوب العذارى والسيد الوالد
حوار:
أ: أنا وأبوكي هانعمل أغنية.
د: ايه رمضان جانا؟
أ: ماعرفش...أصله قفش على أحمد برادة
مطرب الشباب
أ: قال لك، ايه يعني بقى؟!
د: ليه؟
أ: عشان شاف أغنية ليه امبارح.
د: آه.
أ: قال لي، طب ما أغني انا كمان. قلت له، هات الكلمات وانا ألحن.
د: يا حلولي.
أ: هو بيالف دلوقتي.
د: طب يا خويا ألف مبروك.
وأخيرًا هاتظهر فرج الله للنور :-)
أ: أنا وأبوكي هانعمل أغنية.
د: ايه رمضان جانا؟
أ: ماعرفش...أصله قفش على أحمد برادة
مطرب الشباب
أ: قال لك، ايه يعني بقى؟!
د: ليه؟
أ: عشان شاف أغنية ليه امبارح.
د: آه.
أ: قال لي، طب ما أغني انا كمان. قلت له، هات الكلمات وانا ألحن.
د: يا حلولي.
أ: هو بيالف دلوقتي.
د: طب يا خويا ألف مبروك.
وأخيرًا هاتظهر فرج الله للنور :-)
الأحد، أكتوبر 02، 2005
يا محلا نورها (عنوان مقتبس)
استكمالا لما كتبه صاحب الأشجار (اللي سبقني وكتب عن الموضوع ده بتعمق) وكمان اقتبست العنوان من حملة الطاقة المسالمة لجرينبيس، كتب صاحب الأشجار: "ونقص موارد المياه العذبة نتيجة تدهور سقوط الأمطار على هضبتي الحبشة والبحيرات (بدأت وزارة الزراعة بالفعل في منع زراعة قصب السكر حول قنا)"...أحب أن أضيف ان كمان بدأت وزارة الزراعة حملة توعية للفلاحين تحثهم على زراعة نوع جديد من الأرز لا يحتاج لكمية المياه التي تستخدم في زراعة الأرز في مصر، من المعروف ان ري الأرز يبدأ من مايو ويستمر إلى نهاية شهر سبتمبر وبالتالي يستهلك ....كم مكعب من الماء (مش فاكرة الرقم) ولكن هذا النوع الجديد ينتهي موسم ريُّه في منتصف شهر أغسطس وبالتالي يوفر ....متر مكعب من الماء. المفروض ده هيساعد نسبيًا على الحفاظ على كمية الماء المستهلك.
(بالضغط على الصورة وبعد ذلك على زر Ctrl و زر + يمكن قراءة المكتوب عليها)
ليه اسمها "طاقة مسالمة".... عشان هى طاقة مافيش حرب عليها (حتى الأن)، بمعنى ان الطاقة المتجددة مثل طاقة الرياح والطاقة الشمسية ليست ملك لأي دولة ولا أي فرد وفي نظري لن يقوم عليها حرب في المستقبل القريب.
تعديل بسيط على موعد وصول القارب آنا، سيصل القارب يوم 3 أكتوبر إلى القاهرة ويبدأ الأحتفال يوم 4 أكتوبر ويستمر حتى يوم 6 أكتوبر 2005، وبعد كده سيشق النيل ويتجه إلى الاسكندرية.
الموضوع ده كبير جدًا ومحتاج دراسة واتخاذ قرارات مدروسة وسريعة.
توضيح لسبرنج
اتفاقية حوض النيل تنص على ان جمهورية مصر العربية تكون حصتها 53 مليار متر مكعب من مياه النيل، وفعلاً هذه الحصة لم تعد تكفي العالم اللي عايشة في المحروسة، عشان طول الليل والنهار الحنفيات مفتوحة على الفاضي والماية موجودة والنيل بيجري ومافيش مشكلة. ولكن إللي بيحصل عكس كده خالص، من سنة تقريبًا أو أكتر، بدأت دول حوض نهر النيل تتخذ موقف ضد الاتفاقية وخصوصًا ضد المحروسة عشان حصتها الكبيرة، وكان فيه مؤتمرين عن الحكاية ديه وحضره وزير الري المصري، ولكن طبعًا التعتيم على الأخبار هايل جدًا وبرضو مافيش مشاكل والدنيا حلوة والجو جميل. بمعني أصح يا سبرنج المشكلة موجودة والخلافات متفاقمة واحنا نايمين في القصب اللي هايبطلوا يزرعوه وهانتعرى تمامًا.
