استقلال القضاء حق كل المصريين

الست نعامة: أبريل 2006

الست نعامة تعبر عن ما تتخيله وتعيشه ويحدث لها كل يوم أو كل شهر أو ربما كل عام.

اللوفنامة

وصل أخيرا بعد طول انتظار اللولفين الصغير :-) بس الأسم بقى لسه لم يُحدد بعد، يا ملين.
كنت فاكرة أول ما أشوفها هانبهر وأتجنن؛ المشاعر إللي كل الناس بتحكي عنها. بس الحقيقة ولا حاجة من ديه حصلت!
كنت بس خايفة على اللولفين لمّا عرفت أنها نزلت عشان يقشروها، وكانت لوحدها رفضوا دخول أي حد معها. غير كده مافيش احساس.
كنت باتفرج على الست الوالدة والسيد الوالد، وهما قاعدين جنب بنتهم وبنت بنتهم :-) بس برضو مش متخيلة إن ديه بنت أختي..هى ديه أختي إللي كنت بالعب معها واحنا صغيرين؟!

bent we ma3aha khonfesa

أصبحت ماما كده مرة واحدة.
ألف مبروك، وزادت العايلة واحد.
 00:29  8 هسهسات أرسليها بالبريد  

الروح والجسد

متلازمان لا يفترقان...وفجأة قررت الروح أن تترك الجسد وحيدا.

الجسد: هاتسبيني؟
الروح: أيوة.
الجسد: يعني مش هاشوفك تاني؟
الروح: ممكن دلوقتي، بس بعد كده مش عارفة هاكون عايزة أشوفك ولا لأ.
الجسد: طب ما ينفعش تفضلي معي على طول، أنا مش هاتغير، أنا عايزك معي.
الروح: لأ، ماينفعش. أنا كنت عايزة أنسى وانت كده هاتفضل فاكر على طول.

ماذا سيحدث للجسد الحزين بعد فراق الروح؟
 11:32  14 هسهسات أرسليها بالبريد  

همّ النمّ

هبة يوسف سألت عن الأغنية . باهديها لكل الجيل الذي عاصرها :-)

شكرا لعلاء.

ممكن نضيف للأغنية جزء من تأليف راء العظيم، وأعتبر هذا المقطع من أهم مقاطع الأغنية:

والستّ نعامة قلِتِلها
؟جبِتِ الفنّ ده كلّه منين
مالت راسها وطار منديلها
وقالتلي كلّه من العين
عيني تشوف الحاجة الحلوة
واكتِب عنها كلامي الزين

وزمان قالوا الكلام
بيخلّينا سُلام
رُحت أنا كاتبة بخفّة دم


ذكريات.

استكمال عشان خاطر هبة يوسف ما يطلبه المستمعون:

حادي بادي
يا شمس يا شموسة
تاتّا تاتا

معلش يا هبة ماعنديش تاني ممكن تتعبي نفسك وتدوري انت بقى على الباقي :-)
 16:20  8 هسهسات أرسليها بالبريد  

مش بس بنقشره ونأكله

فيه أغنية قديمة اسمها البرتقال أو حاجة كده،أنا فاكرة حتة منها:
ياللي زرعتوا البرتقال، ياللا اجمعوه
آن الآوان، ياللا اجمعوه، آن الآوان ياللا ياللا

وجدت هذه الصور لأستخدامات أخرى للبرتقال، مش بس عصره أو تقشيره وأكله.

oranges1 03.04.06 oranges 03.04.06
oranges2 03.04.06

بس لو دققنا النظر ممكن نقول ان ده مش برتقال ولا حتّى ليمون، ممكن تكون كرات ملونة. المهم إن الألوان عجباني جدا.
 14:01  6 هسهسات أرسليها بالبريد  

الدكتور شحاتة وكسوفها

جالسين منتظرين كسوف الشمس على شاطىء خليج السلوم. ومعنا اختراع الفنكوش.

hadabet elsaloum
هضبة السلوم

توجه إلينا أحد الأشخاص: انتم من كلية العلوم؟
أنا: أيوة، وده مشروع التخرج.
أفريكانو: أيوة صحيح.
أنا: ايه يا أفريكانو، انت مش فاكر دكتور شحاتة قال ايه؟ ولا نسيت؟
أفريكانو: يا نعامة، الدكتور شحاتة ساب الجامعة.

at 1331
مع الاختراع

at 1304
الكسوف الكلي الساعة واحدة وخمسة ظهرا

وعلى رأي أفريكانو "تبدو الرّحلة طويلة في بدايتها، و الطريق مرهقةً. على أن الواقع كان على النقيض؛ لأن وجود هذه الصحبة الرائعة قد جعل المسافةَ هينة. أفكر في هذا الجمع، منذ شهور لم أكن اعرف نصفَ المسافرين معي... لو أنني مررتُ بهم لما بادلتهم السلام." فعلاً ماكنتش أعرفهم من فترة ومنهم شموسة إللي شوفتها لأول مرة في السلوم :-)

all of us

الصورة فيها كل الناس مش لازم بقى أقول هما مين :-)

total with milad
صورتين من عند ميلاد
 13:07  10 هسهسات أرسليها بالبريد  
في مرمى البصر
على أشكالها تقع
من الذاكرة